Sjávarútvegur

Sjávarútvegur

Fréttamynd

Má búast við „gífur­legri“ eftir­spurn er­lendra aðila að komast í kvóta hér á landi

Eftirspurn meðal erlendra félaga í að komast yfir aflaheimildir sjávarútvegsfyrirtækja verður „gífurleg“ ef Ísland gengur í Evrópusambandið, að mati sérfræðinga Arctica Finance, en þar er mikill meðbyr í átt að frekari samþjöppun í greininni. Hlutabréfaverð sjávarútvegsfélaga í Kauphöllinni rauk upp eftir greiningu verðbréfafyrirtækisins en þar var bent á að fjárhagslegt virði kvóta þeirra ætti sennilega eftir að „aukast verulega“ við inngöngu í ESB.

Innherji

Fréttir í tímaröð

Fréttamynd

Verðmat Síldar­vinnslunnar hækkar veru­lega og væntingar um met­ár í tekjum

Horfur í sjávarútvegi á þessu ári eru „mjög góðar“, sem litast meðal annars af væntingum um áframhaldandi hátt afurðaverð samhliða sterkri eftirspurn, og hafa greindur því hækkað verðmat sitt á Síldarvinnslunni um nærri fimmtung. Hagfelld ytri skilyrði og ágætis loðnuvertíð gæti orðið til þess að 2026 verði metár í tekjum sjávarútvegsfyrirtækja en rekstrarhagnaðarhlutföll eru samt líkleg til að lækka vegna hærri veiðigjalda.

Innherji
Fréttamynd

Vill hætta veiðum en græna ljós Bjarna gildi

Hanna Katrín Friðriksson atvinnuvegaráðherra segir ekki þurfa nýja ákvörðun af hennar hálfu vegna hvalveiða í sumar. Veiðarnar byggi á reglugerð sem Bjarni Benediktsson, þáverandi matvælaráðherra, setti fyrir árslok 2024 og nýrri ráðgjöf Hafrannsóknastofnunar. Hennar framtíðarsýn sé að draga úr og að lokum hætta hvalveiðum.

Innlent
Fréttamynd

Lækka veiðiráðgjöf á hval veru­lega

Hafrannsóknastofnun og Norður-Atlantshafs sjávarspendýraráðið, NAMMCO, ráðleggur að veiðar á langreyði árið 2026 verði ekki meiri en 150 dýr, þar af 116 dýr á veiðisvæðinu Austur-Grænland/Vestur-Ísland og 34 dýr á svæðinu Austur-Ísland/Færeyjar, sem er um 28 prósenta lækkun frá fyrri ráðgjöf. Eins er ráðlagt að veiðar á hrefnu árið 2026 verði ekki meiri en 168 dýr á íslenska landgrunnsvæðinu, sem er 23 prósenta lækkun.

Innlent
Fréttamynd

Ís­landi lýst sem „nú­tíma fámennisveldi“ uppfullu af spillingu

„Þeir hafa rekið „nútíma fámennisveldi“ (e. oligarchy) í áratugi. Nú segja tuttugu heimildarmenn frá pólitískum áhrifum og spillingu í íslenskum sjávarútvegi.“ Svona hljóðar fyrirsögn ítarlegrar úttektar sem birtist í danska blaðinu Berlingske í dag þar sem fjallað er um þróun kvótakerfisins og ítök sjávarútvegsfyrirtækja í íslensku samfélagi.

Innlent
Fréttamynd

„Aðild að Evrópu­sam­bandinu myndi skapa stöðug­leika“

Sjávarútvegsstjóri Evrópusambandsins segir mörg dæmi um að tillit sé tekið til sérstöðu umsóknarríkja í aðildarviðræðum. ESB geti fært Íslandi stöðugleika á víðsjárverðum tímum í alþjóðamálum og sérþekking Íslands komi til með að nýtast sambandinu.

Innlent
Fréttamynd

Mörg dæmi um að tekið sé sér­stakt til­lit til umsóknarríkja

Costas Kadis sjávarútvegsstjóri Evrópusambandsins segir engar aðildarviðræður að sambandinu vera eins. Mörg dæmi séu um að tekið sé sérstakt tillit til mismunandi umsóknarríkja, líkt og í tilviki Íslands og sjávarútvegsmála. Hann segir samningaviðræður við sambandið raunverulegar samningaviðræður.

Innlent
Fréttamynd

Stýrivextir verði 8,25 prósent fyrir árs­lok

Landsbankinn gerir ráð fyrir því að hagvöxtur verði á bilinu 1,6-1,8 prósent til ársins 2028. Það sé hóflegt en þó meira en í fyrra þegar hagvöxtur jókst um 1,3 prósent. Þá gerir bankinn ráð fyrir að verðbólga verði að meðaltali 4,8 prósent í ár og að stýrivextir verði hækkaðir upp í 8,25 prósent á þessu ári. 

Viðskipti innlent
Fréttamynd

Agnar kemur nýr inn í stjórn Ís­félagsins

Á aðalfundi Ísfélagsins síðar í vikunni verður gerð ein breyting á stjórn félagsins og þá er jafnframt lagt til að greiða arð til hluthafa sem nemur um 76 prósent af hagnaði síðasta árs, nokkuð lægra hlutfall en í fyrra.

Innherjamolar
Fréttamynd

Hver borgar fyrir auknar strand­veiðar?

Í dag mælir innviðaráðherra, Eyjólfur Ármannsson, fyrir frumvarpi sem á að tryggja 48 daga á strandveiðum. Í frumvarpinu er lagt til að fella niður línuívilnun og skel- og rækjubætur og nýta þær aflaheimildir til að auka strandveiðar.

Skoðun
Fréttamynd

Bretar hvattir til að taka ís­lenskan þorsk fram yfir breskan

Umhverfisverndarsamtökin Marine Conservation Society hafa hvatt neytendur til að forðast breskan þorsk og kaupa heldur þorsk frá Íslandi, þar sem nóg sé af honum. Samtökin gefa út leiðarvísinn Good Fish Guide, þar sem neytendur og fyrirtæki eru hvött til að haga innkaupum sínum í þágu sjálfbærra veiða.

Erlent
Fréttamynd

Ás­grímur Halldórs­son slapp með skrekkinn frá ofsanum í Dave

„Danirnir höfðu engar áhyggjur af þessu. Það er það eina sem ég veit,“ segir Ægir Birgis­son, skip­stjóri Ás­gríms Halldórs­sonar, nýs upp­sjávar­skips, sem er í smíðum á Skagen í Dan­mörku og slitnaði frá bryggju þegar stormurinn Dave gekk með látum yfir Jót­land á páska­dag.

Innlent
Fréttamynd

Valdið í reyk­fylltum bakherbergjum: Kerfisvandi sem krefst upp­skurðar

Íslenskt samfélag glímir ekki við tímabundinn hughrifsvanda, heldur djúpan og kerfislægan meinbug. Það er valdakerfi sem hefur þróast í átt að ógagnsæi, hagsmunatengslum og algjöru ábyrgðarleysi. Ákvarðanir sem varða lífsafkomu almennings eru teknar utan sviðsljóssins, þar sem formlegar reglur víkja fyrir óformlegum tengslum.Þetta er ekki spurning um einstaka stjórnmálamenn, heldur stjórnkerfi sem hefur fjarlægst lýðræðislegar grunnstoðir sínar.

Skoðun
Fréttamynd

Bændur, páskalamb og sjókvíaeldi

Margir bændur reiða sig að verulegu leyti á tekjur af sölu veiðileyfa. Það er engum blöðum um það að fletta að tekjur af hefðbundnum landbúnaði einum og sér hafa víða ekki verið nægar til að standa undir blómlegum búrekstri, nýliðun og eðlilegri uppbyggingu í sveitum landsins.

Skoðun
Fréttamynd

Tvennt getur verið rétt á sama tíma

Það er hægt að aðhyllast aukið alþjóðasamstarf og samstöðu með líkt þenkjandi ríkjum, meðal annars með því að vilja þétta böndin við Evrópu og sjá hvað okkur sem þjóð býðst ef við eigum sæti við borðið – en um leið vilja verja fullveldi okkar og sjálfstæði, íslenska menningu og tungu. Það er engin mótsögn í því vera sjálfstæð þjóð og vera virk í alþjóðasamstarfi. Þvert á móti. Fyrir smáþjóð eins og Ísland er virk þátttaka í alþjóðasamfélaginu einmitt forsenda þess að við getum varið okkar hagsmuni, gildi og lífskjör.

Skoðun
Fréttamynd

Fylgja for­dæmi Ís­lands og fara gegn vísindunum

Evrópu­sam­bandið fylgir for­dæmi Ís­lands og hefur heimilað of­veiði á makríl í Norður-Atlantshafi, þvert á ráð­leggingar vísinda­manna og Alþjóða­haf­rannsóknarráðsins. Fram­kvæmda­stjóri Icelandic Susta­ina­ble Fisheries lýsir áhyggjum af framtíð makríl­stofnsins og segir ljóst að með þessu áfram­haldi geti stofninn ekki endur­nýjað sig.

Viðskipti erlent
Fréttamynd

Þeir fiska sem róa

Við erum stórþjóð þegar kemur að fiskveiðum. Íslenskur sjávarútvegur er öðrum þjóðum fyrirmynd, ekki síst vegna þeirra kerfisbreytinga sem ráðist var í á síðustu öld.

Skoðun
Fréttamynd

Að mala eða mala ekki gull

Í Kauphöllinni er eitt fyrirtæki sem malar gull í bókstaflegri merkingu hvað sem segja má um öll hin. Nú hafa sjávarútvegsfyrirtækin þrjú sem skráð eru á markaði – Brim, Ísfélagið og Síldarvinnslan – skilað uppgjöri fyrir síðasta ár og þá vaknar spurningin hvort þau mali gull eins og mörgum hefur verið tíðrætt um.

Umræðan
Fréttamynd

Sjö af hverjum tíu fýlum með plast í maganum

Nær sjö af hverjum tíu íslenskum fýlum eru með plast í meltingarveginum. Þetta kemur fram í niðurstöðum vöktunar Umhverfis- og orkustofnunar á magni plasts í meltingarvegi fýla árið 2025. Sjómenn söfnuðu fuglunum fyrir vöktunina. Allir höfðu þeir drukknað.

Innlent

Mest lesið