Ferðamennska á Íslandi

Ferðamennska á Íslandi

Fréttir af ýmsum málum tengdum ferðamennsku á Íslandi.

Fréttir í tímaröð

Fréttamynd

Hvernig sam­fé­lagi viltu búa í?

Ég starfa sem mannauðsstjóri hjá íslensku ferðaþjónustufyrirtæki þar sem stór hluti starfsmanna er af erlendum uppruna. Á hverjum degi sé ég hversu ómetanlegt framlag þeirra er, ekki aðeins fyrir fyrirtækið heldur fyrir íslenska ferðaþjónustu og samfélagið allt.

Skoðun
Fréttamynd

Á­kall um sam­starf – Ekki bara sam­tal

Hún hefur ekki farið fram hjá mörgum undanfarna daga, sú mikla umræða um fyrirhugaðar skattahækkanir og nýjar álögur sem munu að verulegu leyti koma niður á ferðaþjónustunni og þeim samfélögum sem byggja afkomu sína m.a. á henni. Þar á Suðurlandið mikið undir og er þar af leiðandi verulega berskjaldað í þessari undarlegu vegferð.

Skoðun
Fréttamynd

Upp­nám í Upp­sveitum

Í kjölfar kjördæmaviku á alþingi, þar sem þingmenn kjördæma heimsækja sveitarstjórnir, stofnanir og fyrirtæki og í framhaldi af ný framlögðum fjárlögum fyrir árið 2027, vakna ýmsar spurningar. Mörg verkefni eru þess eðlis að að þingmenn kjördæma geta staðið saman að finna lausnir, óháð því hverjir sitja í meiri- eða minnihluta.

Skoðun
Fréttamynd

Gráðugir hótel­gestir sem borða raf­magn

Gagnaverið At-north á Íslandi birti nýlega leikna auglýsingu um starfsemi sína, þar sem gagnaverum var líkt við hótel fyrir tölvur. Hótel At-North er samkvæmt henni, frábær og framsækinn vinnustaður fyrir ólíkar starfstéttir og störfin heilmörg. Enda í nógu að snúast við að sinna gestunum, tölvum sem þurfa að hafa það notalegt, kalt og þurrt, virkar tengingar og hæfilegt pláss. „Og gestirnir okkar borða rafmagn“, sagði talskona At-North.

Skoðun
Fréttamynd

Hafa sett upp keðjur og bönd við Reynisfjöru

Landeigendur við Reynisfjöru hafa sett upp keðjur og bönd til að afmarka hversu langt fólk megi fara út á fjörukambinn. Endurskoða á eftir daginn hvort enn verði þörf á keðjunum og böndunum. 

Innlent
Fréttamynd

Lentu í öldu­gangi við Reynisfjöru

Ferðamenn komust í hann krappan í Reynisfjöru síðdegis í dag eftir að stór alda lenti á þeim. Viðbragðsáætlun hefur verið virkjuð í Reynisfjöru vegna veðursins.

Innlent
Fréttamynd

Hvað varð um til­lögurnar?

Fyrir nokkrum árum framkvæmdi OECD umfangsmikið mat á regluverki í byggingariðnaði og ferðaþjónustu á Íslandi og birti skýrslu um niðurstöðurnar í nóvember 2020. Markmiðið var að greina tækifæri til að efla samkeppnishæfni þessara atvinnugreina, einfalda regluverk og draga úr óþarfa hindrunum í rekstri fyrirtækja.

Skoðun
Fréttamynd

Siglingar, safarí og suð­rænar strendur meðal spennandi sér­ferða

Þegar haustið færist yfir og dagarnir styttast fara margir að huga að ferðalögum vetrarins og vorsins. Úrval sérferða Úrval Útsýnar hefur sjaldan verið fjölbreyttara og í vetur geta ferðalangar meðal annars valið um ævintýraferðir til Filippseyja, Suður-Afríku og Kákasus, siglingar um Miðjarðarhafið og Dóná og notalega aðventusiglingu um Rín og Main.

Lífið samstarf
Fréttamynd

Er Skúli Mog að selja túr­istum niður­greitt kornsíróp?

Árið er 1973. Matvælaverð í Bandaríkjunum fer óðum hækkandi. Richard Nixon bregst við með ríkisstuðningi við landbúnað. Bændur eru hvattir til að rækta eins mikinn maís og pláss leyfir – eða „frá einni girðingu að þeirri næstu“ eins og landbúnaðarráðherra hans orðar það. Ívilnunin dregur hins vegar dilk á eftir sér.

Lífið
Fréttamynd

„Von­brigði að Icelandair fljúgi ekki lengur til Kulusuk“

Formaður grænlensku landstjórnarinnar segir það svekkjandi að Icelandair fljúgi ekki lengur til Kúlusúk á Austur-Grænlandi yfir vetrartímann enda hafi flugleiðin reynst vel upp á ferðamennsku og fraktflutninga á ferskvöru. Hann segir að landstjórnin leiti nú leiða til þess að tryggja flug að svæðinu á ný.

Innlent
Fréttamynd

„Það væri ekki hægt að skrifa þetta hand­rit“

Þegar hinni indversku Ambiku Sharma bárust sem barni bréf frá íslensku styrktarforeldri þar sem hún bjó í barnaþorpi á Indlandi varð hún heilluð af ljósmyndum af norðurljósum sem fylgdu bréfunum. Það setti því punktinn yfir i-ið eftir tveggja vikna Íslandsferðalag þegar hún fékk loksins að hitta bæði styrktarforeldrið sitt og sjá norðurljós á síðasta degi ferðarinnar.

Lífið
Fréttamynd

Að­för að ferða­þjónustunni

Í Samráðsgátt stjórnvalda liggja fyrir drög að frumvarpi til laga um náttúru- og innviðagjald. Þar er verið að kynna að innheimta eigi sérstakt náttúru- og innviðagjald fyrir aðgang að þremur fjölsóttustu ferðamannastöðum landsins, en þeir eru Þingvellir, Gullfoss og Geysir. Nú vill svo til að þessir staðir eru allir í Bláskógabyggð og eru hluti af Gullna hringnum. Kynnt er að gjaldið sem á að innheimta verði að upphæð 4500 kr og eiga að stuðla að verðmætasköpun, öryggi og álagsstýringu í ferðaþjónustu.

Skoðun
Fréttamynd

Tæp­lega þrjá­tíu sagt upp

Öllu starfsfólki Fosshótels Rauðará við Rauðarárstíg í Reykjavík hefur verið sagt upp störfum. Framkvæmdir eru fyrirhugaðar á hótelinu næstu mánuði og stendur til að opna undir nýju merki á næsta ári.

Viðskipti innlent
Fréttamynd

Skóla­börn sáu nakinn hótelgest úr skóla­stofunni

Börn í 9.–10. bekk í Stórutjarnarskóla í Þingeyjarsveit voru í kennslustund þegar þau sáu út um gluggann nakinn hótelgest á Hótel Tjörnum í næsta húsi. Sveitarstjórn hefur brugðist við en vonast til að endanleg lausn finnist í málinu áður en starfsemi hótelsins hefst á ný í vor.

Innlent
Fréttamynd

Frétta­maður missti af strætónum til baka

Hversu einfalt og þægilegt er að taka strætó á Keflavíkurflugvöll nú þegar vagninn ekur farþegum alveg upp að flugstöðinni? Fréttastofa kannar málið í beinni útsendingu og ræðir við gesti og gangandi.

Neytendur
Fréttamynd

Grateful Dead á Sæ­brautinni

Það var heiðskírt í Reykjavík á föstudagskvöldið, sem telst orðið nægilegt tilefni til að menn taki eftir veðrinu, og um tíuleytið hafði Sæbrautin breyst í útileikhús. Ferðamenn stóðu þar með þrífætur og síma á lofti, sumir í nýjum dúnúlpum sem líklega höfðu verið keyptar fyrr um daginn með þeirri hugarró sem fylgir því að sjá ekki kortareikninginn fyrr en heim er komið.

Skoðun

Mest lesið