Innlent

Á annað hundrað sektaðir

Áróra L Davíðsdóttir skrifar
Lögregla segir umferðarlög gilda á laugardögum jafnt sem aðra daga. Myndirnar eru úr safni.
Lögregla segir umferðarlög gilda á laugardögum jafnt sem aðra daga. Myndirnar eru úr safni. Samsett

Lögreglan á höfuðborgarsvæðinu sektaði yfir hundrað ökumenn fyrir að leggja ólöglega við Laugardalshöll og víða um Laugardal í Reykjavík í dag. 

Um helgina fer fram sýningin Íslenskur landbúnaður 2026 í Laugardalshöll en fagýningarfélagið Ritsýn stendur fyrir sýningunni. Fjölmenni virðist hafa sótt sýninguna en lögregla sektaði á annað hundrað ökumenn fyrir stöðubrot.

„Við fengum ábendingar um slæmt ástand við Laugardalshöll og við fórum bara og brugðumst við því,“ segir Árni Friðleifsson, aðalvarðstjóri umferðardeildar Lögreglunnar á höfuðborgarsvæðinu. Á annað hundrað bíla hafi verið lagt ólöglega, ýmist við Laugardalshöll og í götum Laugardals. 

„Umferðarlög gilda á laugardögum eins og aðra daga,“ segir hann. 

Lögreglumál Bílastæði Reykjavík

Mest lesið


Fleiri fréttir

Sjá meira


×

Mest lesið