Stefnir á að slá heims­metið aftur í septem­ber

Sawe sló heimsmetið í ótrúlegu maraþoni í Lundúnum á dögunum. Hann kláraði á 1:59:30 og varð þar með fyrstur í sögunni til að hlaupa á undir tveimur tímum.

Skammt á eftir fylgdi Yomif Kejelcha og hljóp einnig á undir tveimur tímum. Jabob Kiplimo kom svo þriðji og sló einnig fyrra heimsmetið, 2:00:35, sem Kelvin Kiptum hafði sett árið 2023.

Sawe hefur nú tilkynnt að hann ætli að hlaupa maraþon í Berlín í september. Þar er stefnan sett á að slá heimsmetið aftur og þjálfari hans trúir því að tími upp á 1:58:XX sé raunhæfur möguleiki.

„Allt er mögulegt. Þetta er bara tímaspursmál,“ sagði þjálfarinn Claudio Beradelli og hitti sannarlega naglann á höfuðið því þetta er mikið tímaspursmál.

Berlín hefur sögulega séð verið góður staður til að setja heimsmet í maraþoni. Níu sinnum síðan árið 1998 hefur heimsmet verið sett í Berlínarmaraþoninu. 

Brautarmetið þar er 2:01:19, sem var á sínum tíma heimsmet þegar Eliud Kipchoge kláraði hlaupið árið 2022.

Þetta verður fimmta maraþonið á ferli Sawe en hann hefur fagnað sigri í þeim öllum.

Hann mun hlaupa í samskonar skóm, 97 kílógramma Adidas Pro Evo 3 skóm, eins og þegar hann setti heimsmetið í Lundúnum um daginn.