Kæri oddviti Samfylkingarnar í Reykjavíkurkjördæmi suður Kristinn Karl Brynjarsson skrifar 12. nóvember 2024 14:45 Á Facebooksíðu þína í svari við grein Áslaugar Örnu Sigurbjörnsdóttur ehf-gatið skrifar þú eftirfarandi: „Sumir stjórnmálaflokkar tala fyrir lausnum og eru með hugann við það hvernig megi gera Ísland að betri stað til að búa á. Aðrir virðast fyrst og fremst uppteknir við að hræða kjósendur og afbaka stefnumál annarra flokka,“ Í nærri hundrað ár hefur Sjálfstæðisflokkurinn talað fyrir og framkvæmt sína stefnu, Sjálfstæðisstefnuna. Stefnu sem að svo sannarlega hefur gert Ísland að betri stað til að búa á. Reyndar er það nú svo að í krafti Sjálfstæðisstefnunar, hefur Ísland á undangenginni öld, breyst úr einu fátækasta ríki heims í eitt það allra ríkasta. Um það vitna ýmsar alþjóðlegar mælingar. Jöfnuður, hvort sem litið er til eigna eða tekna, er með því mesta sem þekkist á byggðu bóli og laun hér með því hæsta sem þekkist í þeim löndum sem við viljum bera okkur saman við. Í þessa tæpu öld hefur semsagt Sjálfstæðisstefnan verið okkar “plan” og verður “plan” okkar Sjálfstæðismanna um ókomin ár. Grein Áslaugar Örnu um ehf-gatið, var fyrst og fremst innblásin af Sjálfstæðisstefnunni, sem að gengur meðal annars út á einstaklingsfrelsið, að virkja krafta einkaframtaksins til þess að skapa ný störf og verðmæti og stækka með því þjóðarkökuna. Nýta svo afraksturinn í að skapa enn fleiri störf og enn meiri verðmæti, innan félagsins eða á öðrum stöðum og stækka þar með þjóðarkökuna enn meira og auka enn frekar á hagsæld, velsæld og velferð þjóðarinnar. En ekki minnka hana eins og tillaga ykkar í Samfylkingunni um lokun ehf-gatsins gerir. Þegar Áslaug Arna talar um að stækka ehf-gatið, er hún einmitt að tala um það að stækka þjóðarkökuna. Það stækkar auðvitað enginn þjóðarkökuna með því að taka góðan helming af arði ehf-félaga í skatta. Heldur minnkar þjóðarkakan við það. Minni þjóðarkaka leiðir svo til, enn minni verðmætasköpunar, færri nýrra starfa, minni hagsældar, velsældar og minni velferðar. Enda auka háir svo maður tali nú ekki um of háir skattar ekki verðmætasköpun. Að benda á slíkar staðreyndir, er ekki afbökun á stefnu ykkar í Samfylkingunni. Heldur er það bara ábending um það hvernig þjóðinni getur farnast sem best í skjóli Sjálfstæðisstefnunar og í annan stað, áminning um það hvernig stefna ykkar í Samfylkingunni um hækkun skatta geti og muni á endanum draga úr þeirri miklu lífskjarasókn sem staðið hefur hér yfir undanfarna tæpa öld. Það þarf því engan að undra, þó einhverjir kjósendur hræðist háskattastefnu ykkar. Vonandi verða þeir bara nógu margir, svo þessar gölnu hugmyndir ykkar um lokun ehf-gatsins verði ekki að veruleika. Í færslu þinni á Facebook, birtir þú einnig, elsku vinur, mynd sem sýna á mun á hæsta skatthlutfalli Í þrepaskiptu tekjuskattskerfi okkar mun hæsta mögulega skatthlutfall launa aldrei ná 52,4%, að viðbættu tryggingargjaldi. Ekki nema að tveimur lægstu skattþrepunum verði kippt undan þrepakerfinu og öll laun beri 46.28% skatt. Eða þá að tryggingargjaldið hækki verulega. Er það kannski planið að setja hverja einustu krónu, frá krónu eitt, af launum yfir 1300 þús í efsta skattþrepið og sleppa þarmeð lægri þrepunum? Að teknu tilliti til persónufrádráttar og 4% greiðslu í lífeyrissjóð af launum, ná laun því aldrei að bera 46,28% skattbyrði, þó þau væru öll í efsta skattþrepi. Nema með því að hækka skattprósentuna verulega eða fella persónuafsláttinn niður. Þessa mynd er þó ekki hægt að skilja öðruvísi, en að óeðlilega hár arður, að ykkar mati, verði skattlagður um 52,4% þegar tryggingargjaldið bætist við. Það er hvorki meira né minna en um 40% hækkun á skatti af arði sé miðað við skatthlutfallið af virku skatthlutfalli arðs. Reyndar er í lögum um einkahlutafélög talað um réttilega greiddan arð og hugtakið skilgreint í sömu lögum, ásamt því sem greint er frá viðurlögum vegna ranglega úthlutaðs arðs. Þarf þá ekki að breyta þeim lögum svo hugmyndir ykkar um eðlilegan arð, falli undir skilgreiningu laga um réttilega greiddan arð? Því varla er það boðlegt að stjórnmálamenn taki sér það vald, að ákveða hvað sé óeðlilegt sem rúmast innan ramma laga. Hvernig er hægt að túlka réttilega úthlutaðan arð, ranglega talinn fram sem arður í skattaskýslu? Eru þá þeir sem greiða sér út, að ykkar mati, óeðlilega háan arð, en réttilega úthlutuðum samkvæmt lögum, að gefa ranglega fram til skatts og þar með að stunda skattsvik? Ekki óeðlilegt að fólk spyrji spurninga. Annars erum við Sjálfstæðismenn bara ansi brattir og nokkuð slakir, miðað við aðstæður, að kynna okkur fjölmörgu stefnumál víðsvegar um landið. Þangað til næst….. Höfundur er formaður Verkalýðsráðs Sjálfstæðisflokksins. Viltu birta grein á Vísi? Sendu okkur póst. Senda grein Kristinn Karl Brynjarsson Skoðun: Alþingiskosningar 2024 Mest lesið Villtur lax eða villt græðgi – sveitin í skotlínu Jóhann Helgi Stefánsson Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun Hanna Katrín og Co, koma til bjargar Björn Ólafsson Skoðun Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun Fyrst flúðu þau Reykjavíkurborg… Diljá Mist Einarsdóttir Skoðun Sigrar og raunir íslenska hestsins Elín Íris Fanndal Skoðun Vladímír Pútín: Hvað er að marka hann? Steinar Björgvinsson Skoðun Þegar innflutningurinn ræður ríkjum Anton Guðmundsson Skoðun Konur og menntun Sigríður Ingibjörg Ingadóttir,Steinunn Bragadóttir Skoðun Góðir grannar Landsvirkjunar og við hin Kjartan Ágústsson Skoðun Skoðun Skoðun Samskiptasáttmáli; skúffuskjal eða stórgott verkfæri Helena Katrín Hjaltadóttir,Íris Helga G. Baldursdóttir skrifar Skoðun Sigrar og raunir íslenska hestsins Elín Íris Fanndal skrifar Skoðun Reykjavíkurborg á flestar félagslegar íbúðir en Garðabær rekur lestina Heimir Már Pétursson skrifar Skoðun Góðir grannar Landsvirkjunar og við hin Kjartan Ágústsson skrifar Skoðun Hittumst á rauðum sokkum 1. maí Finnbjörn A. Hermannsson,Kolbrún Halldórsdóttir,Magnús Þór Jónsson,Sonja Ýr Þorbergsdóttir skrifar Skoðun Mikilvægi orkuspáa Ingvar Júlíus Baldursson skrifar Skoðun Þegar innflutningurinn ræður ríkjum Anton Guðmundsson skrifar Skoðun Vladímír Pútín: Hvað er að marka hann? Steinar Björgvinsson skrifar Skoðun Örlög Úkraínu varða frið og öryggi á Íslandi Þorgerður Katrín Gunnarsdóttir skrifar Skoðun Vegamál á tímum skattahækkana og vantrausts Benedikt S. Benediktsson skrifar Skoðun Konur og menntun Sigríður Ingibjörg Ingadóttir,Steinunn Bragadóttir skrifar Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris skrifar Skoðun Hanna Katrín og Co, koma til bjargar Björn Ólafsson skrifar Skoðun Villtur lax eða villt græðgi – sveitin í skotlínu Jóhann Helgi Stefánsson skrifar Skoðun Fyrst flúðu þau Reykjavíkurborg… Diljá Mist Einarsdóttir skrifar Skoðun Fyrst flúðu þau Reykjavíkurborg… Diljá Mist Einarsdóttir skrifar Skoðun Er útlegð á innleið? Reyn Alpha Magnúsdóttir skrifar Skoðun Leiðsögundurinn Gaur gerir mig að betri manneskju Þorkell J. Steindal skrifar Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar Skoðun Skólarnir lokaðir - myglan vinnur Guðmundur Þórir Sigurðsson skrifar Skoðun Flokkur fólksins eða flokkun fólksins? Halldóra Lillý Jóhannsdóttir skrifar Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir skrifar Skoðun Hver ætlar að bera ábyrgð á mannslífi? Sævar Þór Jónsson skrifar Skoðun Horfumst í augu Kristín Thoroddsen skrifar Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar Skoðun Saga Israa á Gaza og hvernig hægt er að verða að liði Katrín Harðardóttir,Israa Saed skrifar Skoðun Fordómar frá sálfélagslegu sjónarhorni Sóley Dröfn Davíðsdóttir skrifar Skoðun Er aldur bara tala? Teitur Guðmundsson skrifar Skoðun Íslendingar flytja út fisk og líka ofbeldismenn Guðný S. Bjarnadóttir skrifar Sjá meira
Á Facebooksíðu þína í svari við grein Áslaugar Örnu Sigurbjörnsdóttur ehf-gatið skrifar þú eftirfarandi: „Sumir stjórnmálaflokkar tala fyrir lausnum og eru með hugann við það hvernig megi gera Ísland að betri stað til að búa á. Aðrir virðast fyrst og fremst uppteknir við að hræða kjósendur og afbaka stefnumál annarra flokka,“ Í nærri hundrað ár hefur Sjálfstæðisflokkurinn talað fyrir og framkvæmt sína stefnu, Sjálfstæðisstefnuna. Stefnu sem að svo sannarlega hefur gert Ísland að betri stað til að búa á. Reyndar er það nú svo að í krafti Sjálfstæðisstefnunar, hefur Ísland á undangenginni öld, breyst úr einu fátækasta ríki heims í eitt það allra ríkasta. Um það vitna ýmsar alþjóðlegar mælingar. Jöfnuður, hvort sem litið er til eigna eða tekna, er með því mesta sem þekkist á byggðu bóli og laun hér með því hæsta sem þekkist í þeim löndum sem við viljum bera okkur saman við. Í þessa tæpu öld hefur semsagt Sjálfstæðisstefnan verið okkar “plan” og verður “plan” okkar Sjálfstæðismanna um ókomin ár. Grein Áslaugar Örnu um ehf-gatið, var fyrst og fremst innblásin af Sjálfstæðisstefnunni, sem að gengur meðal annars út á einstaklingsfrelsið, að virkja krafta einkaframtaksins til þess að skapa ný störf og verðmæti og stækka með því þjóðarkökuna. Nýta svo afraksturinn í að skapa enn fleiri störf og enn meiri verðmæti, innan félagsins eða á öðrum stöðum og stækka þar með þjóðarkökuna enn meira og auka enn frekar á hagsæld, velsæld og velferð þjóðarinnar. En ekki minnka hana eins og tillaga ykkar í Samfylkingunni um lokun ehf-gatsins gerir. Þegar Áslaug Arna talar um að stækka ehf-gatið, er hún einmitt að tala um það að stækka þjóðarkökuna. Það stækkar auðvitað enginn þjóðarkökuna með því að taka góðan helming af arði ehf-félaga í skatta. Heldur minnkar þjóðarkakan við það. Minni þjóðarkaka leiðir svo til, enn minni verðmætasköpunar, færri nýrra starfa, minni hagsældar, velsældar og minni velferðar. Enda auka háir svo maður tali nú ekki um of háir skattar ekki verðmætasköpun. Að benda á slíkar staðreyndir, er ekki afbökun á stefnu ykkar í Samfylkingunni. Heldur er það bara ábending um það hvernig þjóðinni getur farnast sem best í skjóli Sjálfstæðisstefnunar og í annan stað, áminning um það hvernig stefna ykkar í Samfylkingunni um hækkun skatta geti og muni á endanum draga úr þeirri miklu lífskjarasókn sem staðið hefur hér yfir undanfarna tæpa öld. Það þarf því engan að undra, þó einhverjir kjósendur hræðist háskattastefnu ykkar. Vonandi verða þeir bara nógu margir, svo þessar gölnu hugmyndir ykkar um lokun ehf-gatsins verði ekki að veruleika. Í færslu þinni á Facebook, birtir þú einnig, elsku vinur, mynd sem sýna á mun á hæsta skatthlutfalli Í þrepaskiptu tekjuskattskerfi okkar mun hæsta mögulega skatthlutfall launa aldrei ná 52,4%, að viðbættu tryggingargjaldi. Ekki nema að tveimur lægstu skattþrepunum verði kippt undan þrepakerfinu og öll laun beri 46.28% skatt. Eða þá að tryggingargjaldið hækki verulega. Er það kannski planið að setja hverja einustu krónu, frá krónu eitt, af launum yfir 1300 þús í efsta skattþrepið og sleppa þarmeð lægri þrepunum? Að teknu tilliti til persónufrádráttar og 4% greiðslu í lífeyrissjóð af launum, ná laun því aldrei að bera 46,28% skattbyrði, þó þau væru öll í efsta skattþrepi. Nema með því að hækka skattprósentuna verulega eða fella persónuafsláttinn niður. Þessa mynd er þó ekki hægt að skilja öðruvísi, en að óeðlilega hár arður, að ykkar mati, verði skattlagður um 52,4% þegar tryggingargjaldið bætist við. Það er hvorki meira né minna en um 40% hækkun á skatti af arði sé miðað við skatthlutfallið af virku skatthlutfalli arðs. Reyndar er í lögum um einkahlutafélög talað um réttilega greiddan arð og hugtakið skilgreint í sömu lögum, ásamt því sem greint er frá viðurlögum vegna ranglega úthlutaðs arðs. Þarf þá ekki að breyta þeim lögum svo hugmyndir ykkar um eðlilegan arð, falli undir skilgreiningu laga um réttilega greiddan arð? Því varla er það boðlegt að stjórnmálamenn taki sér það vald, að ákveða hvað sé óeðlilegt sem rúmast innan ramma laga. Hvernig er hægt að túlka réttilega úthlutaðan arð, ranglega talinn fram sem arður í skattaskýslu? Eru þá þeir sem greiða sér út, að ykkar mati, óeðlilega háan arð, en réttilega úthlutuðum samkvæmt lögum, að gefa ranglega fram til skatts og þar með að stunda skattsvik? Ekki óeðlilegt að fólk spyrji spurninga. Annars erum við Sjálfstæðismenn bara ansi brattir og nokkuð slakir, miðað við aðstæður, að kynna okkur fjölmörgu stefnumál víðsvegar um landið. Þangað til næst….. Höfundur er formaður Verkalýðsráðs Sjálfstæðisflokksins.
Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun
Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun
Skoðun Samskiptasáttmáli; skúffuskjal eða stórgott verkfæri Helena Katrín Hjaltadóttir,Íris Helga G. Baldursdóttir skrifar
Skoðun Reykjavíkurborg á flestar félagslegar íbúðir en Garðabær rekur lestina Heimir Már Pétursson skrifar
Skoðun Hittumst á rauðum sokkum 1. maí Finnbjörn A. Hermannsson,Kolbrún Halldórsdóttir,Magnús Þór Jónsson,Sonja Ýr Þorbergsdóttir skrifar
Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris skrifar
Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar
Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar
Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar
Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun
Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun