Segir Bjarna ekki hafa ruglast og Pawel fari sjálfur með rangt mál Magnús Jochum Pálsson skrifar 3. nóvember 2024 16:32 Pawel Bartoszek sagði Bjarna Benediktsson fara með rangt mál þess efnis að Reykjavík ætti í ágreiningi við Kópavog um útvíkkun vaxtamarka. Hildur Björnsdóttir kom flokksfélaga sínum til varnar og sagði meirihlutann í Reykjavík víst hafa staðið gegn slíkum áformum. Vísir/Arnar/Vilhelm Pawel Bartoszek segir Bjarna Benediktsson hafa ruglast þegar hann sagði ágreining milli Kópavogs og Reykjavíkur um vaxtamörk. Ágreiningurinn væri í raun milli Kópavogs og Garðabæjar. Hildur Björnsdóttir andmælir Pawel og segir fulltrúa meirihlutans víst hafa skotið niður áform utan vaxtarmarka. „Við horfum upp á það núna að Kópavogur og Reykjavíkurborg eru í ágreiningi um vaxtarmörk höfuðborgarsvæðisins. Þetta er auðvitað ekki boðlegt. Það er land sem er til reiðu og hægt að byggja á. En Reykjavíkurborg neitar og vill stunda meiri þéttingu,“ sagði Bjarni Benediktsson forsætisráðherra í kappræðum RÚV á föstudagskvöld. Pawel Bartoszek, frambjóðandi Viðreisnar og varaborgarfulltrúi flokksins, segir í Facebook-færslu að Bjarni hafi þarna ruglast á sveitarfélögum. „Það hafa ekki komið neinar formlegar óskir frá Kópavogi um stækkun vaxtarmarka sem Reykjavíkurborg hefur tekið fyrir og neitað. Einfaldur lestur fundargerða svæðisskipulagsnefndar leiðir það í ljós,“ segir hann. „En Kópavogur neitar!“ Pawel segir að hins vegar komið fram formlegt erindi frá Garðabæ um stækkun vaxtarmarka á svæði sem heitir Rjúpnahlíð. Markmiðið með þeim breytingum hafi verið að stuðla að auknu framboði húsnæðis með rými fyrir athafnasvæði. Pawel segir Bjarna hafa ruglast aðeins.Vísir/Arnar „Svæðisskipulagsnefnd samþykkti að auglýsa umrædda tillögu og greiddu báðir fulltrúar Reykjavíkurborgar atkvæði með því. Hins vegar var málið tekið fyrir í bæjarstjórn Kópavogs og fellt þar. Ástæðan fyrir því voru grenndarsjónarmið og það má að sjálfsögðu sýna þeim virðingu. En engu að síður skal rétt vera rétt,“ segir Pawel í færslunni. Því finnst honum að Bjarni hefði átt að segja: „Við erum að horfa upp á það núna að Garðabær og Kópavogur eru í ágreiningi um vaxtarmörk höfuðborgarsvæðisins. Það er auðvitað ekki boðlegt! Það er land sem er til reiðu og hægt að byggja á. En Kópavogur neitar!“ Rifjar upp innlegg „frá Píratanum knáa“ Nú hefur Hildur Björnsdóttir, oddviti Sjálfstæðisflokks í Reykjavík, tjáð sig á Facebook og andmælir þar skrifum Pawels. Hún rifjar fyrst upp þegar bæjarstjórn Kópavogs undirritaði viljayfirlýsingu um uppbyggingu húsnæðis að Gunnarshólma, svæði utan skilgreindra vaxtarmarka höfuðborgarsvæðisins og viðbrögð við henni. Hildur Björnsdóttir svarar Pawel fullum hálsi og segir hann fara með rangt mál.Stöð 2/Arnar „Formaður umhverfis- og skipulagsráðs Reykjavíkurborgar, Dóra Björt Guðjónsdóttir, var ekki lengi að andmæla áformunum opinberlega. Hún sagði ótækt að leggja fram slík áform utan vaxtarmarka og að húsnæðisuppbygging ætti að fara fram innan skilgreindra þéttbýlisreita. Hún sendi skýr skilaboð um það að Reykjavíkurborg myndi ekki fallast á beiðni um útvíkkun vaxtarmarka í þágu uppbyggingar að Gunnarshólma,“ skrifar Hildur í færslunni og bætir við: „Ekki óvænt innlegg frá Píratanum knáa sem hefur verið í forsvari fyrir einstrengingslega nálgun á húsnæðisuppbygginu borgarinnar undanliðin ár.“ Samfylkingin hafi andmælt tilfærslum vaxtamarka Hildur segir að það rími vel við afgreiðslu meirihlutans á tillögu Sjálfstæðismanna um útvíkkun vaxtarmarka borgarinnar. „Á haustdögum lögðum við til að borgarstjórn hæfi viðræður innan svæðisskipulagsnefndar höfuðborgarsvæðisins um tilfærslu vaxtarmarkanna svo hægt væri að skipuleggja mun stærra svæði undir húsnæðisuppbyggingu í Reykjavík, enda ekki vanþörf á. Það er skemmst frá því að segja að Samfylking varði miklu púðri í að andmæla hugmyndunum og meirihlutinn gat ekki fallist á tillöguna,“ skrifar hún einnig í færslunni. Hún segir svo að Ragnar Þór Ingólfsson, frambjóðandi Flokks fólksins, hafi hitt naglann á höfuðið í gærdag þegar hann sagði rót verðbólguvandans liggja í húsnæðisskorti og að sá vandi yrði ekki leystur nema brotið yrði nýtt land og ráðist í stórfellda uppbyggingu húsnæðis hérlendis. Ekki náðist í Pawel til að fá viðbrögð við hans við orðum Hildar. Sjálfstæðisflokkurinn Viðreisn Samfylkingin Flokkur fólksins Píratar Reykjavík Kópavogur Tengdar fréttir Spyr hvort eigi ekki líka að girða gamla fólkið af Formaður Landssambands eldri borgara segir uppbyggingu húsnæðis fyrir eldra fólk í Gunnarshólma vera vonda hugmynd sem gangi þvert gegn öllum ríkjandi áherslum í málaflokknum. Hann efast um að velferð eldra fólks hafi ráðið för við ákvörðunina. 12. febrúar 2024 17:13 Mest lesið Mannskæðasta árásin á Húta hingað til Erlent Uggandi vegna atlögu að háskólum: „Við ætlum ekki að lifa í ótta“ Erlent „Þetta er orðið pínu þreytt, tveir bílar á sex dögum“ Innlent Bað fyrir friðsamlegum kosningum meðan hann hékk á krossinum Erlent Gamall ráðherra vildi nýtt hús, en nýr ráðherra gæti fengið gamalt hús Innlent „Rosalega erfitt“ að keppa við innflutt grænmeti Innlent Bresk systkini létust í kláfferjuslysinu Erlent Diddy ekki veittur aukafrestur Erlent Stígvél og tækniframfarir Innlent Einhleypir karlmenn standa verst Innlent Fleiri fréttir „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Sjá meira
„Við horfum upp á það núna að Kópavogur og Reykjavíkurborg eru í ágreiningi um vaxtarmörk höfuðborgarsvæðisins. Þetta er auðvitað ekki boðlegt. Það er land sem er til reiðu og hægt að byggja á. En Reykjavíkurborg neitar og vill stunda meiri þéttingu,“ sagði Bjarni Benediktsson forsætisráðherra í kappræðum RÚV á föstudagskvöld. Pawel Bartoszek, frambjóðandi Viðreisnar og varaborgarfulltrúi flokksins, segir í Facebook-færslu að Bjarni hafi þarna ruglast á sveitarfélögum. „Það hafa ekki komið neinar formlegar óskir frá Kópavogi um stækkun vaxtarmarka sem Reykjavíkurborg hefur tekið fyrir og neitað. Einfaldur lestur fundargerða svæðisskipulagsnefndar leiðir það í ljós,“ segir hann. „En Kópavogur neitar!“ Pawel segir að hins vegar komið fram formlegt erindi frá Garðabæ um stækkun vaxtarmarka á svæði sem heitir Rjúpnahlíð. Markmiðið með þeim breytingum hafi verið að stuðla að auknu framboði húsnæðis með rými fyrir athafnasvæði. Pawel segir Bjarna hafa ruglast aðeins.Vísir/Arnar „Svæðisskipulagsnefnd samþykkti að auglýsa umrædda tillögu og greiddu báðir fulltrúar Reykjavíkurborgar atkvæði með því. Hins vegar var málið tekið fyrir í bæjarstjórn Kópavogs og fellt þar. Ástæðan fyrir því voru grenndarsjónarmið og það má að sjálfsögðu sýna þeim virðingu. En engu að síður skal rétt vera rétt,“ segir Pawel í færslunni. Því finnst honum að Bjarni hefði átt að segja: „Við erum að horfa upp á það núna að Garðabær og Kópavogur eru í ágreiningi um vaxtarmörk höfuðborgarsvæðisins. Það er auðvitað ekki boðlegt! Það er land sem er til reiðu og hægt að byggja á. En Kópavogur neitar!“ Rifjar upp innlegg „frá Píratanum knáa“ Nú hefur Hildur Björnsdóttir, oddviti Sjálfstæðisflokks í Reykjavík, tjáð sig á Facebook og andmælir þar skrifum Pawels. Hún rifjar fyrst upp þegar bæjarstjórn Kópavogs undirritaði viljayfirlýsingu um uppbyggingu húsnæðis að Gunnarshólma, svæði utan skilgreindra vaxtarmarka höfuðborgarsvæðisins og viðbrögð við henni. Hildur Björnsdóttir svarar Pawel fullum hálsi og segir hann fara með rangt mál.Stöð 2/Arnar „Formaður umhverfis- og skipulagsráðs Reykjavíkurborgar, Dóra Björt Guðjónsdóttir, var ekki lengi að andmæla áformunum opinberlega. Hún sagði ótækt að leggja fram slík áform utan vaxtarmarka og að húsnæðisuppbygging ætti að fara fram innan skilgreindra þéttbýlisreita. Hún sendi skýr skilaboð um það að Reykjavíkurborg myndi ekki fallast á beiðni um útvíkkun vaxtarmarka í þágu uppbyggingar að Gunnarshólma,“ skrifar Hildur í færslunni og bætir við: „Ekki óvænt innlegg frá Píratanum knáa sem hefur verið í forsvari fyrir einstrengingslega nálgun á húsnæðisuppbygginu borgarinnar undanliðin ár.“ Samfylkingin hafi andmælt tilfærslum vaxtamarka Hildur segir að það rími vel við afgreiðslu meirihlutans á tillögu Sjálfstæðismanna um útvíkkun vaxtarmarka borgarinnar. „Á haustdögum lögðum við til að borgarstjórn hæfi viðræður innan svæðisskipulagsnefndar höfuðborgarsvæðisins um tilfærslu vaxtarmarkanna svo hægt væri að skipuleggja mun stærra svæði undir húsnæðisuppbyggingu í Reykjavík, enda ekki vanþörf á. Það er skemmst frá því að segja að Samfylking varði miklu púðri í að andmæla hugmyndunum og meirihlutinn gat ekki fallist á tillöguna,“ skrifar hún einnig í færslunni. Hún segir svo að Ragnar Þór Ingólfsson, frambjóðandi Flokks fólksins, hafi hitt naglann á höfuðið í gærdag þegar hann sagði rót verðbólguvandans liggja í húsnæðisskorti og að sá vandi yrði ekki leystur nema brotið yrði nýtt land og ráðist í stórfellda uppbyggingu húsnæðis hérlendis. Ekki náðist í Pawel til að fá viðbrögð við hans við orðum Hildar.
Sjálfstæðisflokkurinn Viðreisn Samfylkingin Flokkur fólksins Píratar Reykjavík Kópavogur Tengdar fréttir Spyr hvort eigi ekki líka að girða gamla fólkið af Formaður Landssambands eldri borgara segir uppbyggingu húsnæðis fyrir eldra fólk í Gunnarshólma vera vonda hugmynd sem gangi þvert gegn öllum ríkjandi áherslum í málaflokknum. Hann efast um að velferð eldra fólks hafi ráðið för við ákvörðunina. 12. febrúar 2024 17:13 Mest lesið Mannskæðasta árásin á Húta hingað til Erlent Uggandi vegna atlögu að háskólum: „Við ætlum ekki að lifa í ótta“ Erlent „Þetta er orðið pínu þreytt, tveir bílar á sex dögum“ Innlent Bað fyrir friðsamlegum kosningum meðan hann hékk á krossinum Erlent Gamall ráðherra vildi nýtt hús, en nýr ráðherra gæti fengið gamalt hús Innlent „Rosalega erfitt“ að keppa við innflutt grænmeti Innlent Bresk systkini létust í kláfferjuslysinu Erlent Diddy ekki veittur aukafrestur Erlent Stígvél og tækniframfarir Innlent Einhleypir karlmenn standa verst Innlent Fleiri fréttir „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Sjá meira
Spyr hvort eigi ekki líka að girða gamla fólkið af Formaður Landssambands eldri borgara segir uppbyggingu húsnæðis fyrir eldra fólk í Gunnarshólma vera vonda hugmynd sem gangi þvert gegn öllum ríkjandi áherslum í málaflokknum. Hann efast um að velferð eldra fólks hafi ráðið för við ákvörðunina. 12. febrúar 2024 17:13