Erlendar

Fréttamynd

Fram - Gummersbach í beinni á Sýn

Leikur Fram og þýska liðsins Gummersbach í meistaradeildinni í handbolta sem fram fer í Laugardalshöllinni klukkan 17 verður sýndur í beinni útsendingu á Sýn og Eurosport 2 í dag. Þarna mætast landsliðsþjálfararnir Alfreð Gíslason og Guðmundur Guðmundsson og íslenskir áhorfendur fá að sjá stjórstjörnuna Guðjón Val Sigurðsson í essinu sínu með félagsliði hér heima í fyrsta skipti í nokkur ár.

Handbolti
Fréttamynd

Góður sigur hjá Reading

Nýliðar Reading unnu enn einn sigurinn í ensku úrvalsdeildinni í dag þegar liðið skellti lánlausu liði West Ham á útivelli 1-0. Það var Seol Ki-Hyeon sem skoraði sigurmarkið strax eftir tvær mínútur og þó Alan Pardew hefði tjaldað öllu til að reyna að jafna leikinn, þurftu hans menn að sætta sig við enn eitt tapið og nú er stóllinn farinn að hitna verulega undir Pardew á Upton Park.

Enski boltinn
Fréttamynd

Við höfum engar afsakanir

Pat Symonds, liðsmaður Renault, segir liðið ekki hafa neinar afsakanir fyrir því að hafa tapað Kínakappakstrinum í dag og segir að liðið hefði átt að vinna keppnina.

Formúla 1
Fréttamynd

Solskjær í byrjunarliði United

Leikur Manchester United og Newcastle á Old Trafford er nú hafinn. Alex Ferguson gerir tvær breytingar á liði sínu frá því í síðasta leik, en þeir Darren Fletcher og Ole Gunnar Solskær koma inn í byrjunarliðið í stað John O´Shea og Louis Saha. Þá gerir Newcastle einnig breytingar og þar er Obafemi Martins á bekknum og Shola Ameobi leikur einn í framlínunni. Þá er leikur Blackburn og Wigan einnig hafinn og þar hefur Emile Heskey komið Wigan yfir með marki á 2. mínútu.

Enski boltinn
Fréttamynd

Atletico - Real Madrid í beinni á Sýn Extra klukkan 16

Sýn Extra verður með beina útsendingu frá leik grannliðanna Atletico Madrid og Real Madrid í spænska boltanum klukkan 16 í dag en leikurinn verður svo sýndur á Sýn klukkan 18:50 um leið og leik Fram og Gummersbach lýkur. Þá er rétt að minna á NFL leikinn sem verður í beinni á Sýn klukkan 20:50 en þar eigast við Cincinnati Bengals og New England Patriots.

Fótbolti
Fréttamynd

Keppni frestað vegna veðurs

Illa gengur að klára heimsmótið í golfi sem frem fer á The Grove vellinum á Englandi, en þar hefur keppni nú verið frestað vegna eldingahættu. Sýn er með beinar útsendingar frá mótinu, þar sem úrslitin eru að heita má ráðin því Tiger Woods hefur mjög öruggt sjö högga forskot á landa sinn Jim Furyk og Ástralann Adam Scott þegar lokahringurinn var tæplega hálfnaður.

Golf
Fréttamynd

Ívar í byrjunarliði Reading

Landsliðsmiðvörðurinn Ívar Ingimarsson er að venju í byrjunarliði nýliða Reading í ensku úrvalsdeildinni, en liðið sækir nú West Ham heim í fyrsta leik dagsins af fjórum. Leikurinn hófst klukkan 13 og komust gestirnir raunar yfir strax eftir 2 mínútur með marki Seol Ki-Hyeon.

Enski boltinn
Fréttamynd

Schumacher á toppinn

Þýski ökuþórinn Michael Schumacher er kominn í efsta sætið í stigakeppni ökuþóra í Formúlu 1 í fyrsta skipti í tvö ár eftir að hann vann frábæran sigur í Kínakappakstrinum í dag. Heimsmeistarinn Fernando Alonso hafnaði í öðru sæti í dag og eru þeir því jafnir að stigum þegar tvö mót eru eftir, en fleiri sigrar Þjóðverjans tryggja honum efsta sætið.

Formúla 1
Fréttamynd

Vonlítið hjá Norrköping

Garðar Gunnlaugsson, Stefán Þórðarson og félagar í Norrköping töpuðu í gær þýðingarmiklum leik í sænsku 1. deildinni. Liðið á í mikilli keppni við Örebro um þriðja sætið í deildinni sem veitir umspilsrétt um úrvalsdeildarsæti og mættust liðin á heimavelli Norrköping.

Fótbolti
Fréttamynd

Heimili Peter Crouch lagt í rúst

Hinn leggjalangi framherji Liverpool, Peter Crouch, varð fyrir því óláni í vikunni að brotist var inn á heimili hans á meðan hann var að skora tvö mörk fyrir Liverpool gegn Galatasaray í Meistaradeild Evrópu. Fjölda verðmætra muna og bifreið á að hafa verið stolið af heimili hans og það sem eftir stóð var rifið, brotið og bramlað.

Enski boltinn
Fréttamynd

Tyson enn og aftur inn í hringinn

Hnefaleikakappinn Mike Tyson mun berjast við fyrrum æfingafélaga sinn Corey "T-Rex" Sanders þann 20. október næstkomandi, en hann fyrirhugar að berjast nokkra stutta bardaga til að vinna sig út úr skuldum. Tyson hafði áður lýst því yfir að hann hataði að berjast, en þessi fertugi fyrrum meistari segir þetta uppátæki engöngu lið í því að safna peningum upp í skuldir og segir það skárri kost en að veltast um í þunglyndi.

Sport
Fréttamynd

Hljóp um drukkinn í bleikum inniskóm

Breski hnefaleikakappinn Ricky Hatton hefur lent í ýmsu í gegn um árin og í bók sinni sem kemur út á næstunni segir hann frá skemmtilegu atviki sem hann lenti í þegar hann fór út á lífið fyrir þremur árum.

Sport
Fréttamynd

Skammar Mido fyrir ummæli sín

Martin Jol var ekki par hrifinn af ummælum framherja síns Mido í dag, en í samtali við bresku slúðurblöðin sagði Egyptinn að Sol Campbell væri auðveldasti andstæðingur sem hann hefði mætt á knattspyrnuvellinum. Þessi ummæli framherjans hafa eflaust vakið gleði stuðningsmanna Tottenham, en Jol hefur aðrar hugmyndir um upphitun fyrir leik Tottenham og Portsmouth á morgun.

Enski boltinn
Fréttamynd

Eiður Smári stal senunni í sigri Barcelona

Eiður Smári Guðjohnsen gaf þjálfara sínum Frank Rijkaard góðan sigur í afmælisgjöf í dag þegar hann var í fyrsta skipti í byrjunarliði Barcelona í spænsku deildinni. Eiður skoraði eitt mark og lagði upp annað þegar Barcelona vann sigur á þrjóskum Böskunum í Athletic Bilbao 3-1 á útivelli eftir að vera manni fleiri í 70 mínútur.

Fótbolti
Fréttamynd

Stórtap hjá Degi og félögum

Tíu leikir fóru fram í riðlakeppni Meistaradeildar Evrópu í handbolta í dag. Dagur Sigurðsson og félagar í Bregenz steinlágu á heimavelli fyrir franska liðinu Montpellier 29-17 og Evrópumeistarar Ciudad Real unnu góðan útisigur á Szeged 25-20 án Ólafs Stefánssonar sem er meiddur. Þá vann stórlið Celje auðveldan sigur á Sandefjord í riðli Framara, en Fram tekur á móti Gummersbach í Laugardalshöllinni á morgun.

Handbolti
Fréttamynd

Barcelona í vandræðum - Eiður í sviðsljósinu

Evrópu- og Spánarmeistarar Barcelona eru í bullandi vandræðum gegn Athletic Bilbao í leik sem sýndur er beint á Sýn, en meistararnir eru undir þegar flautað hefur verið til leikhlés. Eiður Smári Guðjohnsen er í byrjunarliði Barcelona og var fljótur að koma sér í sviðsljósið í leiknum.

Fótbolti
Fréttamynd

Sigurganga Juventus heldur áfram

David Trezeguet skoraði tvö mörk annan leikinn í röð fyrir lið Juventus þegar það vann 2-0 sigur á Piacenza í dag og er því aðeins með fjögur stig í mínus í deildinni og er því 15 stigum á eftir efsta liði deildarinnar Brescia, sem gerði jafntefli í dag. Trezeguet skoraði líka tvö mörk um síðustu helgi í 4-0 sigri á Modena, en það var gamla kempan Alessandro Del Piero sem lagði upp bæði mörk Frakkans í dag.

Fótbolti
Fréttamynd

Naumt tap hjá Haukum

Karlalið Hauka tapaði naumlega fyrir ítalska liðinu Conversano í EHF-keppninni í handbolta í dag 32-31 og á liðið því ágæta möguleika fyrir síðari leikinn sem fram fer á Ásvöllum næsta sunnudag.

Sport
Fréttamynd

Magdeburg lagði Göppingen

Þrír leikir fóru fram í þýsku úrvalsdeildinni í handbolta í dag. Magdeburg lagði Göppingen á heimavelli sínum 36-29 þar sem Stefan Kretzschmar skoraði 7 mörk, en Jaliesky Garcia lék ekki með Göppingen. Melsungen lagði Lubbecke 36-33 þar sem Þórir Ólafsson skoraði 3 mörk og loks töpuðu Gylfi Gylfason og félagar í Wilhelmshavener 31-30 fyrir Nordhorn.

Sport
Fréttamynd

Eiður Smári í byrjunarliði Barcelona

Eiður Smári Guðjohnsen er í byrjunarliði Barcelona í dag þegar liðið sækir Baskana í Athletic Bilbao heim í spænska boltanum. Leikurinn er í beinni útsendingu á Sýn og hefst nú klukkan 20. Eiður er í framlínunni ástamt Leo Messi og er þetta fyrsti alvöru leikur Eiðs í byrjunarliði Katalóníuliðsins.

Fótbolti
Fréttamynd

Bilbao - Barcelona í beinni

Nú er að hefjast leikur Athletic Bilbao og Barcelona í spænska boltanum og er hann sýndur beint á Sýn klukkan 20. Eins og flestir vita verður Barcelona án síns helsta markaskorara í kvöld þar sem Samuel Eto´o er meiddur og því ætti að vera meiri möguleiki á að sjá okkar mann Eið Smára Guðjohnsen etja kappi við Baskana í kvöld.

Fótbolti
Fréttamynd

Wolfsburg skellti meisturunum

Það urðu heldur betur óvænt úrslit í þýsku úrvalsdeildinni í knattspyrnu í dag þegar lærisveinar Klaus Augenthaler í Wolfsburg skelltu meisturum Bayern Munchen 1-0. Wolfsburg var í botnsæti deildarinnar fyrir leikinn en fyrsta mark Mike Hanke í sjö mánuði tryggði heimamönnum sigurinn. Þetta var aðeins þriðji sigur Wolfsburg í síðustu 23 leikjum, en þessi sigur hefur væntanlega keypt Augenthaler einhvern gálgafrest í starfi sínu.

Fótbolti
Fréttamynd

Loksins sigur hjá Sheffield United

Nýliðar Sheffield United unnu í dag sinn fyrsta sigur í ensku úrvalsdeildinni á leiktíðinni þegar liðið vann verðskuldaðan sigur á lærisveinum Gareth Southgate í Middlesbrough á heimavelli sínum. Það var fyrirliðinn Phil Jagielka sem skoraði sigurmark United í uppbótartíma með þrumuskoti, en þetta var fyrsti sigur liðsin í úrvalsdeildinni síðan í apríl árið 1994.

Enski boltinn
Fréttamynd

Sýndi stuðningsmönnum Everton beran bossann

Joey Barton hjá Manchester City á yfir höfði sér lögreglurannsókn eftir að hann leysti niður um sig buxurnar og flassaði stuðningsmenn Everton eftir að liðin gerðu jafntefli á Goodison Park í dag. Barton er sjálfur frá Liverpool og á sér sögu í viðskiptum sínum við stuðningsmenn Everton. Hann á nú örugglega yfir höfði sér leikbann fyrir þessa glórulausu framkomu.

Enski boltinn
Fréttamynd

Markið hans Van Persie var stórkostlegt

Arsene Wenger var mjög ánægður með frammistöðu sinna manna í dag þegar Arsenal náði að leggja Charlton 2-1 á útivelli eftir að hafa lent undir 1-0. Það var Robin Van Persie sem stal senunni og skoraði bæði mörk Arsenal og það síðara er þegar skráð sem eitt af mörkum tímabilsins.

Enski boltinn
Fréttamynd

Jafntefli var mjög ósanngjörn niðurstaða

Jose Mourinho var hundfúll í dag eftir að hans menn í Chelsea náðu aðeins jafntefli við Aston Villa á heimavelli sínum, en meistararnir fóru illa með fjölmörg færi sín í leiknum. Stjóri Villa var að vonum ánægðari með niðurstöðuna.

Enski boltinn
Fréttamynd

Woods enn í forystu

Tiger Woods hefur enn örugga forystu á heimsmótinu í golfi sem fram fer á Englandi, en Bandaríkjamaðurinn ótrúlegi hefur nú sex högga forystu á næsta mann fyrir lokadag mótsins á morgun. Sjónvarpsstöðin Sýn verður með beina útsendingu frá lokadeginum eftir hádegi á morgun.

Golf
Fréttamynd

Arsenal lagði Charlton

Arsenal vann góðan 2-1 útisigur á Charlton í ensku úrvalsdeildinni í dag, en leikjunum þremur sem hófust klukkan 14 er nú lokið. Darren Bent kom heimamönnum yfir í fyrri hálfleik, en hollenski landsliðsmaðurinn Robin van Persie skoraði tvívegis sitt hvoru megin við hálfleikinn og það nægði Arsenal.

Enski boltinn
Fréttamynd

Baráttan skilaði okkur sigri

Sam Allardyce var að vonum ánægður með sigur sinna manna á Liverpool í dag, en Bolton átti ekki mikið fleiri skot á markið en þau tvö sem rötuðu í netið og færðu liðinu 2-0 sigur. Allardyce sagði sigurinn afrakstur blóðugrar baráttu sinna manna.

Enski boltinn

Mest lesið