Eldur í sumar­bú­stað við Suður­lands­veg

Einn var fluttur á bráðamóttökuna. Grunur er um að sá sé með reykeitrun.

Þetta staðfestir Guðmundur Hreinsson, aðalvarðstjóri hjá slökkviliðinu í samtali við fréttastofu. 

Hann segir að slökkvistarfi sé að ljúka. Unnið var að því að slökkva á eldinum í húsinu sjálfu, og gróður í kring.

Þrír slökkviliðsbílar voru sendir á vettvang þar sem er þó nokkur viðbúnaður. Þá var einn tankbíll sendur á vettvang, vegna þess að aðgengi að vatni fyrir slökkviliðið er lítið á vettvangi.

Lögreglu barst tilkynning um málið rétt eftir að klukkan sló tólf um hádegi í dag. Tilkynningin var um alelda bústað.

Guðmund grunar að húsið sé mikið skemmt.

Ekki er vitað um eldsupptök að svo stöddu.

Fréttin hefur verið uppfærð með frekari upplýsingum.