Innlent

Drengur á slysa­deild eftir á­rás í Laugardalslaug

Freyja Þórisdóttir skrifar
Laugardalslaug er ein átta sundlauga Reykjavíkurborgar.
Laugardalslaug er ein átta sundlauga Reykjavíkurborgar. Vísir/Anton Brink

Karlmaður veittist að hópi drengja í Laugardalslaug í Reykjavík síðdegis í gær, laugardaginn 27. júní, en í kjölfarið fór einn þeirra á slysadeild í fylgd forráðamanna. 

Drengirnir, sem eru yngri en fimmtán ára, höfðu rennt sér á eftir honum og ungum syni hans í einni af rennibrautum sundlaugarinnar en þar eru alls þrjár rennibrautir og þar af tvær svo smáar að leiða má líkur að því að atvikið hafi orðið í þeirri stærstu.

Í tilkynningu frá lögreglunni segir að drengirnir hafi lent á feðgunum en ekki fékkst staðfest hvort þeir hafi hlotið skaða af.

Ekki liggur fyrir hversu alvarlega áverka drengurinn sem fór á slysadeild hlaut en málið er í rannsókn að sögn Hjördísar Sigurbjartsdóttur, aðstoðaryfirlögregluþjóns Lögreglunnar á höfuðborgarsvæðinu.

Veistu meira um málið eða varst þú í lauginni þegar atvikið átti sér stað? Þú getur sent okkur fréttaskot hér eða sent okkur línu á ritstjorn@visir.is. Fullum trúnaði er heitið.

Sundlaugar og baðlón Lögreglumál Börn og uppeldi Ofbeldi gegn börnum Reykjavík

Mest lesið


Fleiri fréttir

Sjá meira


×

Mest lesið