Maður hífður upp úr Ölfus­á

Sigmaðurinn hífði manninn upp innan við korteri eftir að lögreglu barst tilkynning um að maður hefði fallið í ána. Stuttur viðbragðstími orsakast af því að þyrlusveitin var á leið á æfingu og gat því strax tekið stefnuna á Selfoss. 

Þetta staðfestir Ásgeir Erlendsson, upplýsingafulltrúi Landhelgisgæslunnar. Maðurinn var fluttur á Landspítalann en Ásgeiri er ekki kunnugt um líðan mannsins.

Lögreglan gaf sömuleiðis út tilkynningu vegna málsins en þar kemur einnig fram að ekki sé vitað um líðan mannsins.

Uppfært klukkan 19.40: Varðstjóri hjá lögreglunni á Suðurlandi gat ekki veitt frekari upplýsingar um líðan mannsins að svo stöddu.