Nú má keyra á nagladekkjum í borginni

Almennt er notkun nagladekkja bönnuð frá til 1. nóvember ár hvert. Í tilkynningu lögreglu segir að ákvæði þess efnis í reglugerð sé aðeins viðmið.

Í reglugerð um gerð og búnað ökutækja segir að keðjur og neglda hjólbarða megi ekki nota á tímabilinu frá og með 15. apríl til og með 31. október nema þess sé þörf vegna akstursaðstæðna.

Lögreglan segir að aðstæður nú séu með þeim hætti að eðlilegt sé að hefja notkun nagladekkja og því hætta að sekta vegna hennar. Greint var frá því í gær að fjöldi ökumanna hefði lent í vandræðum í Kömbunum á Hellisheiði á Suðurlandi vegna hálku.

Lögreglan á Suðurlandi tilkynnti ákvörðun sama efnis á mánudag.