Innlent

Grunaður um heimilis­of­beldi skömmu fyrir meint mann­dráp

Kolbeinn Tumi Daðason skrifar
Frá Kjarnagötu á Akureyri þar sem fólkið bjó.
Frá Kjarnagötu á Akureyri þar sem fólkið bjó. Vísir

Karlmaður á sjötugsaldri sem er ákærður fyrir að verða sambýliskonu og barnsmóður um fimmtugt að bana á heimili þeirra í Naustahverfi á Akureyri í apríl er einnig ákærður fyrir stórfellt heimilisofbeldi gegn henni á sama stað tveimur mánuðum fyrr. Málið var þingfest í Héraðsdómi Norðurlands eystra í gær.

RÚV greinir frá efni ákærunnar sem er í tveimur liðum. Annars vegar er karlmaðurinn ákærður fyrir manndráp og stórfellt brot í nánu sambandi þann 22. apríl þegar konan lést. Hann er í ákærunni sagður hafa beitt konuna alls konar ofbeldi og misþyrmt henni í aðdraganda andlátsins. Konan hlaut ýmsa áverka og lést af völdum innvortis blæðingar.

Karlmaðurinn er einnig ákærður fyrir brot í nánu sambandi þann 6. febrúar. Hann er sagður hafa nefbrotið konuna, veitt henni áverka aftan á hálsi og hnakka, undir öðru auga og handlegg. 

Gerð er krafa fyrir hönd sona ákærða og hinnar látnu um miskabætur upp á sex milljónir króna.

Dómari við Héraðsdóm Norðurlands eystra hefur ákveðið að þinghald í málinu verði lokað.

Akureyri Dómsmál Manndráp í Naustahverfi á Akureyri

Tengdar fréttir

Fallist á áframhaldandi gæsluvarðhald

Héraðsdómur hefur fallist á áframhaldandi gæsluvarðhald til 9. ágúst næstkomandi yfir manni á sjötugsaldri, sem grunaður er um að hafa banað eiginkonu sinni á Akureyri í apríl.

Ákærður vegna andlátsins í Naustahverfi

Karlmaður á sjötugsaldi hefur verið ákærður í tengslum við andlát eiginkonu hans að heimili þeirra að Kjarnagötu á Akureyri í apríl. Ákæran hefur ekki verið birt manninum og því getur Héraðssaksóknari ekki gefið upp fyrir hvað maðurinn er ákærður nákvæmlega.

Grunaður um að hafa ráðið konu sinni bana

Karlmaður sem grunaður er um að hafa banað konu sinni í leiguíbúð þeirra í fjölbýlishúsi við Kjarnagötu í Naustahverfinu á Akureyri er á sjötugsaldri. Hann var úrskurðaður í vikulangt gæsluvarðhald á grundvelli rannsóknarhagsmuna í Héraðsdómi Norðurlands eystra í miðbæ Akureyrar seinni partinn í gær.

Mest lesið


Fleiri fréttir

Sjá meira


×

Mest lesið