Lögreglan á höfuðborgarsvæðinu óskar eftir vitnum að umferðarslysi sem varð á Höfðabakka í Reykjavík aðfaranótt laugardagsins 10. desember síðastliðinn, þar sem ekið var á gangandi vegfaranda sem lést.
Tilkynnt var um slysið klukkan 00:33, en það átti sér stað á Höfðabakka nálægt Árbæjarsafni.
Í tilkynningu sem lögreglan á höfuðborgarsvæðinu sendi frá sér fyrir skömmu er óskað eftir því að þeir sem urðu vitni að slysinu hafi samband við lögregluna í síma 444-1000. Einnig má senda upplýsingar í tölvupósti á netfangið 1710@lrh.is
Banaslys varð á Höfðabakka í Reykjavík í nótt en þar var ekið á gangandi vegfaranda. Lögreglan á höfuðborgarsvæðinu og rannsóknarnefnd samgönguslysa rannsaka tildrög slyssins.
