Samgönguslys

Missti stjórn á bílnum og hafnaði á vegg

Lögreglunni á stöð fjögur, sem sinnir verkefnum í Grafarvogi, Mosfellsbæ og í Árbænum, barst tilkynning um bíl utan vegar en í ljós kom að ökumaður hafði misst stjórn á bílnum og hafnað á vegg. Sá hinn sami hlaut þó einungis minni háttar áverka en fjarlæga þurfti bílinn með kranabifreið. Ekki liggur fyrir hvort um hraðakstur eða grun um akstur undir áhrifum áfengis eða vímuefna hafi verið að ræða.

Innlent 20.9.2026 18:02

Sjö um borð þegar bíll valt á Barðastrandarvegi

Þyrla Landhelgisgæslunnar var kölluð út vegna bílveltu á Barðastrandarvegi á fimmta tímanum í dag en einn var fluttur á Borgarspítalann til aðhlynningar. Alls voru sjö í bílnum sem valt tvisvar eða þrisvar sinnum og fór betur en á horfðist en allt tiltækt lið lögreglu, slökkviliðs og björgunarsveita á svæðinu var kallað á vettvang.

Innlent 18.9.2026 19:05

Enginn með stöðu sakbornings vegna banaslyssins

Lögreglan á höfuðborgarsvæðinu telur sig komna með skýra mynd á banaslys á Krýsuvíkurvegi í lok ágúst. Hún heldur spilunum þétt að sér.

Innlent 18.9.2026 12:17

Ók of hratt í hálku þegar banaslys varð á Fjarðarheiði

Ökumaður bifreiðar sem fór yfir á gagnstæðan vegarhelming og lenti framan á öðrum bíl á Fjarðarheiði í desember er talinn hafa ekið of hratt miðað við aðstæður. Karlmaður á níræðisaldri í bílnum sem ekið var framan á lést.

Innlent 16.9.2026 12:42

Fréttaþyrla NBC hrapaði í Los Angeles

Þrír létust og að minnsta kosti einn var fluttur á sjúkrahús þegar þyrla hrapaði í úthverfi Los Angeles í nótt. Um var að ræða fréttaþyrlu frá sjónvarpsstöðinni NBC og á myndbandi úr þyrlunni má sjá síðustu augnablikin áður en hún hrapaði til jarðar.

Erlent 16.9.2026 07:00

Tveir hópferðabílar skullu saman á Suðurlandsbraut

Tveir hópferðabílar skullu saman við gatnamót Suðurlandsbrautar og Reykjavegar sem leiðir inn í Laugardal. Atvikið átti sér stað rétt fyrir klukkan tíu.

Innlent 14.9.2026 10:00

Minnst 44 slasast og ein í lífshættu eftir lestarslys í Frakklandi

Minnst 44 hafa slasast og þar af einn alvarlega eftir að farþegalest fór út af sporinu í norðurhluta Frakklands í kvöld. Þetta segja yfirvöld á svæðinu en átján ára gömul kona er í lífshættu og var flutt með þyrlu á sjúkrahús.

Erlent 11.9.2026 22:47

Reyndi að vara við að flugvélin færi of hratt

Annar flugmanna fraktflugvélar Amazon sem rann út af flugbraut í Miami reyndi að vara hinn við að vélin færi of hratt í tvær mínútur fyrir lendinguna og eftir að hún snerti flugbrautina. Sérfræðingar segja að flugmennirnir hefðu auðveldlega getað komið í veg fyrir slysið.

Erlent 10.9.2026 13:34

Átti óheillavænlegt samtal við Kennedy fyrir flugslysið: „Ég þarf ekki aðstoðarflugmann“

Sjónvarpskonan Martha Stewart hefur greint frá því hvað var það síðasta sem hún sagði við John F. Kennedy yngri áður en hann lést í flugslysi með eiginkonu sinni, Carolyn Bessette, og systur hennar undan ströndum eyjunnar Martha's Vineyard árið 1999. Þau hafi rætt um flugferðina og hvort Kennedy myndi fljúga flugvélinni einn.

Lífið 9.9.2026 10:58

Allir þeir látnu í bílum sem flugvélin rann á

Fimm manns sem létust þegar fraktflugvél Amazon rann út af flugbraut í Miami í Bandaríkjunum á sunnudag voru allir í bílum sem urðu fyrir flugvélinni. Rannsókn á slysinu beinist meðal annars að hvers vegna flugmenn vélarinnar hættu ekki við lendinguna.

Erlent 8.9.2026 08:34

Ökumaður bifhjóls flaug út af Kvartmílubrautinni

Ökumaður missti stjórn á bifhjóli sínu með þeim afleiðingum að hann keyrði út af Kvartmílubrautinni í Hafnarfirði á þó nokkrum hraða.

Innlent 6.9.2026 15:29

Þyrlan kölluð út vegna slyss við Sólheimajökul

Þriggja bíla árekstur varð rétt austan við Sólheimajökul á sjöunda tímanum í kvöld. Fjórir voru fluttir á Landspítalann með þyrlu Landhelgisgæslunnar til aðhlynningar vegna slyssins. Þar af voru tveir alvarlega slasaðir. Langar bílaraðir hafa myndast þar sem veginum hefur verið lokað meðan á vinnu á vettvangi stendur.

Innlent 5.9.2026 20:15

Ruddist inn í íbúð og reyndi að komast inn á upptekið baðherbergið

Lögreglu var tilkynnt um að maður með bakpoka hefði komið óboðinn inn í íbúð og reynt að komast inn á baðherbergi sem húsráðandi var á. Einstaklingurinn komst ekki inn á baðherbergið þar sem hurðin var læst og hljóp í kjölfarið í burtu og yfirgaf íbúðina. Hann fannst ekki eftir leit.

Innlent 3.9.2026 21:02

Stúlkan frá Írlandi en búsett hér á landi

Tæplega nítján ára stúlka sem lést í bílslysi á Krýsuvíkurvegi aðfaranótt mánudags var frá Írlandi en búsett hér á landi þar sem hún undi hag sínum vel. Talið er að bíllinn hafi verið á yfir tvö hundruð kílómetra hraða áður en slysið varð.

Innlent 2.9.2026 11:35

Líklega á yfir tvö hundruð kílómetra hraða

Bíllinn sem þrjú ungmenni voru í þegar hann hafnaði utan vegar á Krýsuvíkurvegi með þeim afleiðingum að öll þrjú létust var á yfir tvö hundruð kílómetra hraða þegar slysið varð. Eldur kviknaði í bílnum þar sem hann lenti í hrauninu. Þrír bílar til viðbótar voru á vettvangi þegar slysið varð, en eitt ungmennanna var erlendur ríkisborgari.

Innlent 2.9.2026 07:01

Minningarstundir vegna andlátanna

Minningarstund verður haldin í Lágafellskirkju vegna andláts Arndísar Höllu Guðlaugsdóttur. Einnig verður minningarstund um Benjamín Guðmundsson í Háteigskirkju. Þau létust bæði í umferðarslysi á Krísuvíkurvegi aðfaranótt mánudags.

Innlent 1.9.2026 16:05

Öll hin látnu um og undir tvítugu

Ungmennin þrjú sem létust í umferðarslysi við Kýsuvíkurveg í nótt voru fædd árin 2005, 2007 og 2009.

Innlent 31.8.2026 20:10

Þrjú ungmenni létust í bílslysinu á Krýsuvíkurvegi

Tvær stúlkur og einn piltur létust þegar bíll þeirra hafnaði utan vegar við Krýsuvíkurveg í nótt. Lögregla og rannsóknarnefnd samgönguslysa rannsaka nú tildrög slyssins.

Innlent 31.8.2026 14:08

Alvarlegt slys á Krýsuvíkurvegi

Alvarlegt bílslys varð á Krýsuvíkurvegi í nótt. Lögregla hefur ekki viljað veita upplýsingar um slysið en boðar tilkynningu í dag.

Innlent 31.8.2026 09:45

Skipstjóri sem sigldi næstum á hús fær fangelsisdóm

Norskur dómstóll dæmdi í dag skipstjóra flutningaskips sem sigldi næstum á íbúðarhús þegar það strandaði í Þrándheimsfirði í fyrra í skilorðsbundið fangelsi. Stýrimaður skipsins sofnaði í brúnni.

Erlent 21.8.2026 11:38

Bíll og mótorhjól skullu saman við Vaðlaheiðargöng

Bíll og mótorhjól skullu saman á hringveginum sunnan við munna Akureyrarmegin Vaðlaheiðargangnanna á fjórða tímanum í dag.

Innlent 20.8.2026 17:07

Flutningabíll á hliðinni í Ártúnsbrekku

Flutningabíll valt á hliðina nærri Ártúnsbrekkunni í morgun. Það gerðist í aðrein frá Reykjanesbraut við Ártúnsbrekkuna til austurs en bíllinn liggur fyrir utan veginn.

Innlent 19.8.2026 09:23

Með stöðu sakbornings vegna banaslyss á Miklubraut

Einn er með réttarstöðu sakbornings í rannsókn lögreglunnar á höfuðborgarsvæðinu á banaslysi sem varð á Miklubraut í febrúar. Rannsókn slyssins er sögð miða vel og að henni verði lokið innan nokkurra vikna.

Innlent 17.8.2026 15:17

Ökumaður á sjúkrahús eftir slys á Fljótsheiði

Ökumaður var færður á sjúkrahús á Akureyri til aðhlynningar eftir árekstur bíls og traktors á fjórða tímanum í dag. Slysið varð á Fljótsheiði.

Innlent 14.8.2026 17:14

Ekki lengur vafi á því hver hinn látni er

Búið er að bera kennsl á mann sem lést í bílslysi í Þrengslunum sunnudagskvöldið 26. júlí síðastliðinn. Það var þó lögreglu erfiðara en oft, og þurfti hún að afla dómsúrskurðar til þess að framkvæma réttarkrufningu til þess að fá úr því skorið.

Innlent 11.8.2026 11:02

Lenti í mótorhjólaslysi daginn eftir gleðigönguna

Áhættuleikkonan Arna Magnea Danks lenti í mótorhjólaslysi á sunnudaginn, fótbrotnaði illa og þarf að fara í tvær aðgerðir. Hún var á mótorhjólinu í Gleðigöngunni á laugardaginn og var á leið með það í bílskúr þegar hún lenti í slysi á Sæbrautinni.

Lífið 10.8.2026 11:01

Þyrlan kölluð út vegna mótorhjólaslyss á Sprengisandsleið

Þyrlusveit Landhelgisgæslunnar var kölluð út vegna mótorhjólaslyss á Sprengisandsleið á miðhálendinu.

Innlent 9.8.2026 11:05

Hafnaði úti í fjöru

Bíll hafnaði út í fjöru við Gufunes rétt fyrir miðnætti í gærkvöldi. Ökumaðurinn var fluttur á sjúkrahús en er ekki talinn alvarlega slasaður.

Innlent 8.8.2026 10:37

Þyrlan kölluð út vegna mótorhjólaslyss

Þyrlusveit Landhelgisgæslunnar var kölluð út vegna mótorhjólaslyss nærri Fosshóli í Þingeyjasveit. Ökumaðurinn ók fram af fjögurra metra hengju.

Innlent 5.8.2026 12:44

Horfðu á bílinn velta niður fjallið

Fjölskylda á ferðalagi um Vestfirði reiknaði með því versta þegar hún horfði á bíl velta niður hlíðar Bolafjalls um þrjúleytið í dag. Fólkið trúði ekki sínum eigin augum þegar það sá konu skríða út úr bílflakinu sem var í algjörri klessu. Ótrúlegt en satt er konan aðeins slösuð á handlegg.

Innlent 29.7.2026 16:57

Mest lesið