Réttað verður yfir bandaríska leikaranum Cuba Gooding Jr. eftir að dómari í New York hafnaði beiðni Gooding Jr. um frávísun. BBC greinir frá.
Cuba Gooding Jr. var handtekinn í júní, grunaður um kynferðislega áreitni en hann er sagður hafa snert og káfað á konu á skemmtistað án samþykkis hennar.
Áætlað er að réttarhöldin hefjist 3. september næstkomandi og á hinn 51 árs gamli Gooding yfir höfði sér eins árs fangelsi verði hann dæmdur sekur.
Lögfræðingur leikarans hefur þó sagst vera öruggur um að skjólstæðingur sinn verði hreinsaður af öllum ásökunum á hendur honum.
Cuba Gooding Jr. fer fyrir dómstóla í september
Tengdar fréttir
Cuba Gooding yngri handtekinn vegna áreitni
Kona kærði leikarann fyrir að hafa snert sig gegn vilja hennar á skemmtistað. Leikarinn segir upptökur til sem sanni sakleysi hans.
