Eyjastúlkur höfðu betur gegn Haukum | Úrslit dagsins

Þremur leikjum er lokið í Olísdeild kvenna en þrjú af fjórum efstu liðum deildarinnar unnu þar sigra.

ÍBV vann tveggja marka sigur á Haukum, 28-26, eftir að hafa verið með átta marka forystu að loknum fyrri hálfleik.

Eyjastúlkur skoruðu aðeins sex mörk í seinni hálfleik en gerðu nóg til að klára leikinn og tryggja sér tvö stig í baráttunni um þriðja sætið.

ÍBV er með 30 stig, rétt eins og Fram sem vann öruggan sigur á botnliði Aftureldingar, 35-17.

Þá vann topplið Stjörnunnar öruggan sigur á Selfossi á útivelli, 26-16, og er með 38 stig á toppnum. Valur er í öðru sæti með 32 stig.

Leik KA/Þórs og Fylkis sem átti að hefjast klukkan 15.30 hefur verið frestað vegna ófærðar en leiktími verður ákveðinn síðar.

Úrslit dagsins:

ÍBV - Haukar 28-26 (22-14)

Mörk ÍBV: Vera Lopes 11, Telma Amado 5, Ester Óskarsdóttir 3, Arna Þyrí Ólafsdóttir 3, Díana Dögg Magnúsdóttir 3, Guðbjörg Guðmannsdóttir 2, Þórsteina Sigurbjörnsdóttir 1.

Mörk Hauka: Viktoría Valdimarsdóttir 8, Marija Gedroit 6, Áróra Eir Pálsdóttir 3, Gunnhildur Pétursdóttir 3, Ragnheiður Sveinsdóttir 2, Ragnheiður Ragnarsdóttir 1, Agnes Ósk Egilsdóttir 1, Karen Helga Sigurjónsdóttir 1, Ásta Björk Agnarsdóttir 1.

Afturelding - Fram 17-35 (5-19)

Mörk Aftureldingar: Telma Frímannsdóttir 4, Hekla Daðadóttir 4, Sara Kristjánsdóttir 3, Ingibjörg Bergrós 3, Vigdís Brandsdóttir 3.

Mörk Fram: Ragnheiður Júlíusdóttir 7, Marthe Sördal 6, Sigurbjörg Jóhannsdóttir 6, María Karlsdóttir 6, Hafdís Shizuka Iura 2, Hekla Rún Ámundadóttir 2, Íris Kristín Smith 2, Steinunn Björnsdóttir 2, Karólína Vilborg Torfadóttir 1, Elva Þóra Arnardóttir 1.

Selfoss - Stjarnan 16-26 (7-10)

Mörk Selfoss: Hafnhildur Hanna Þrastardóttir 9, Hildur Öder Einarsdóttir 2, Carmen Palamariu 2, Helga Rún Einarsdóttir 1, Heiða Björk Eiríksdóttir 1, Perla Ruth Albertsdóttir 1.

Mörk Stjörnunnar: Hanna G. Stefánsdóttir 8, Jóna M. Ragnarsdóttir 5, Esther V. Ragnarsdóttir 3, Andrea Valdimarsdóttir 3, Helena Rut Örvarsdóttir 2, Sandra Sif Sigurjónsdóttir 2, Guðrún Ósk Kristjánsdóttir 2, Nataly Sæunn Valencia 1.