Frá­bær Ómar Ingi með markahæsta leikinn sinn á árinu 2026

Magdeburg vann leikinn 35-30 og er með fimm stiga forskot á toppi þýsku deildarinnar.

Ómar Ingi fór í fyrsta sinn yfir tíu mörkin í deildarleik á nýju ári en hann fór á kostum í þessum leik. Ómar skoraði tólf mörk úr aðeins þrettán skotum og ekkert marka hans kom af vítalínunni. Hann átti einnig þrjár stoðsendingar og kom því að fimmtán mörkum liðsins.

Gísli Þorgeir Kristjánsson var einnig mjög góður með fimm mörk úr átta skotum og sjö stoðsendingar að auki.

Íslensku landsliðsmennirnir voru því saman með sautján mörk og tíu stoðsendingar.

Elvar Örn Jonsson var í hópnum í fyrsta sinn eftir meiðsli en skoraði ekki. Hann er að komast aftur af stað eftir að hafa meiðst með íslenska landsliðinu á miðju EM.