Kauphöllin

Kauphöllin

Fréttir úr Kauphöllinni á Íslandi og af skráðum félögum á markaði.

Fréttamynd

Eru ekki að sjá „þessa hol­skeflu“ verð­hækkana eins og fyrir fjórum árum

Þótt tilkynningar um verðhækkanir séu farnar að berast í auknum mæli frá birgjum þá er ástandið enn sem komið er ekkert í líkingu við það sem var vegna hækkunar á orku- og hrávöruverði eftir innrás Rússa í Úkraínu fyrir fjórum árum, að sögn forstjóra Haga. Nýtt samstarf við danskan smásölurisa mun í senn lækka verð í verslunum Haga og ætti jafnframt að bæta framlegðina.

Innherji

Fréttir í tímaröð

Fréttamynd

Eldsneytisbirgðastaða Icelandair góð en fylgst er með stöðunni

Eldsneytisbirgðastaða Icelandair er góð og birgjum félagsins standa fjölbreyttar flutningsleiðir til boða. Samkvæmt skýrslu Alþjóðaorkumálastofnunarinnar átti Evrópa aðeins sex vikna birgðir af flugvélaeldsneyti vegna lokunar Hormússunds. Sundið hafði að mestu verið lokað í sex vikur þegar það var opnað á ný í dag í tengslum við tíu daga vopnahlé Ísraelsmanna og Líbana.

Viðskipti innlent
Fréttamynd

Kallar eftir um­ræðu um hvort stjórnar­for­menn verði kosnir beint af hlut­höfum

Stjórnarformaður eins stærsta lífeyrissjóðs landsins telur rétt að taka umræðu um hvort það eigi að hverfa frá því fyrirkomulagi að stjórnarmenn skráðra félaga ákveði það sjálfur hver gegnir formennsku og þess í stað að fara þá leið að kjósa um stjórnarformann í beinni kosningu á aðalfundum. Þá furðar hann sig á sjónarmiðum sem hafa komið nýlega frá Þorsteini Pálssyni, sem gagnrýndi greinaskrif forstjóra Icelandair og Heima, og segir þau fela í sér ákall um að „afnema mannréttindi stjórnenda“ skráðra félaga til að tjá sig um samfélagsmál.

Innherji
Fréttamynd

Kvika lækkar hressi­lega í fyrstu við­skiptum

Gengi hlutabréfa í Kviku banka lækkaði um 11 prósent í fyrstu viðskiptum dagsins. Tilkynnt var um slit samrunaviðræðna Kviku og Arion banka eftir lokun markaða í gær. Tíðindin virðast hafa minni áhrif á gengi Arion, enda hækkaði gengi bréfa í bankanum um 0,5 prósent í fyrstu viðskiptum.

Viðskipti innlent
Fréttamynd

Suður-Grænland fær nýjan alþjóðaflugvöll

Grænlendingar fagna á morgun opnun nýs flugvallar við bæinn Qaqortoq, stærsta bæ Suður-Grænlands. Samtímis verður flugvellinum í Narsarsuaq lokað en hann hefur í gegnum áratugina komið mikið við sögu íslenskra flugmála.

Erlent
Fréttamynd

Agnar kemur nýr inn í stjórn Ís­félagsins

Á aðalfundi Ísfélagsins síðar í vikunni verður gerð ein breyting á stjórn félagsins og þá er jafnframt lagt til að greiða arð til hluthafa sem nemur um 76 prósent af hagnaði síðasta árs, nokkuð lægra hlutfall en í fyrra.

Innherjamolar
Fréttamynd

Eim­skip líta smyglið mjög al­var­legum augum

Samskiptastjóri Eimskips segir að fyrirtækið líti ætlaðan innflutning á fíkniefnum um borð í Dettifossi mjög alvarlegum augum. Tveir starfsmenn félagsins eru meðal þriggja sem sæta nú gæsluvarðhaldi vegna rannsóknarinnar.

Innlent
Fréttamynd

„Það gerist ekkert ef ljósin eru slökkt“

„Það gerist ekkert ef ljósin eru slökkt, sérstaklega ef það er myrkur,“ svarar Jón Grétar Herjólfsson, rekstrarstjóri raftæknideildar Keflavíkurflugvallar, og hlær þegar við spyrjum um mikilvægi flugbrautaljósanna í rekstri vallarins. Flugmennirnir treysta á ljósadýrðina til að hitta á réttan stað.

Innlent
Fréttamynd

Alls staðar verið að minnka áhættusækni og dirfsku hjá stjórn­endum fé­laga

Einn stærsti einkafjárfestirinn í Sjóvá sagði afstöðu Gildis gegn tillögu að kaupréttaráætlun fyrir lykilstjórnendur félagsins, sem tekist var á um á nýlegum aðalfundi, vera „óskiljanlega“ og gagnrýndi að alls staðar sé verið að „minnka áhættusækni og dirfsku og draga tennurnar úr“ þegar reynt er að umbuna stjórnendum. Að sögn framkvæmdastjóra Gildis snýr gagnrýninn að skorti á skýrleika en sjóðurinn var eini hluthafinn sem greiddi atkvæði á móti kaupréttaráætluninni eftir breytingartillögu sem barst frá LSR.

Innherji
Fréttamynd

Góð­kunningjar lög­reglu grunaðir í stóru dópmáli

Miðlæg rannsóknardeild lögreglunnar á höfuðborgarsvæðinu réðst í handtökur í gær í tengslum við meintan innflutning fíkniefna til landsins. Samkvæmt heimildum fréttastofu hefur lögregla til rannsóknar innflutning með gámaflutningaskipi Eimskips og var með viðbúnað á hafnarsvæði fyrirtækisins fyrri part dags í gær.

Innlent
Fréttamynd

Gæti sektað flug­stjóra um allt að átta milljónir króna

Fleiri myndskeið sem birst hafa af lágflugi farþegaþotu Icelandair yfir Vestmannaeyjabæ á laugardag virðast sýna með óyggjandi hætti að flugvélinni var flogið langt undir lögbundinni lágmarksflughæð. Forstjóri Icelandair segir félagið líta málið mjög alvarlegum augum en það er núna komið til rannsóknar Samgöngustofu.

Innlent
Fréttamynd

Eim­skip á­kært vegna sölu tveggja skipa

Héraðssaksóknari hefur ákært félögin Eimskipafélag Íslands hf. og Eimskip Ísland ehf. vegna sölu á tveimur skipum sem Umhverfisstofnun kærði til héraðssaksóknara árið 2020. Skipaflutningafélagið var kært vegna meintra brota á lögum um meðhöndlun úrgangs.

Viðskipti innlent
Fréttamynd

„Við lítum þetta mál mjög al­var­legum augum“

Forstjóri Icelandair segir að verklag og reglugerðir verði áréttaðar við starfsfólk flugfélagsins eftir að reyndur flugstjóri ákvað án samráðs við flugfélagið að fljúga í lágflugi yfir Vestmannaeyjum á laugardaginn. Málið er á borði lögreglu.

Innlent
Fréttamynd

Aðstoðarflugmaðurinn gæti talist samábyrgur

Samgöngustofa hefur hafið rannsókn á lágflugi farþegaþotu Icelandair yfir Vestmannaeyjabæ á laugardag. Ráðamenn Icelandair líta atvikið mjög alvarlegum augum. Bæjarstjórinn í Vestmannaeyjum gerir hins vegar lítið úr því og fullyrt er að farþegar um borð hafi fagnað stórkostlegri upplifun.

Innlent
Fréttamynd

Flug­stjórinn þögull sem gröfin

Ólafur Bragason flugstjóri, sem lauk ferli sínum sem flugstjóri hjá Icelandair með lágflugi yfir Vestmannaeyjum á laugardaginn, ætlar ekkert að tjá sig um flugið að svo stöddu. Málið er litið alvarlegum augum hjá Icelandair sem hefur tilkynnt málið til lögreglu.

Innlent
Fréttamynd

Boða að­gerðir til að auð­velda al­menningi að fjár­festa með skil­virkum hætti

Stjórnvöld vinna nú að undirbúningi frumvarps, sem áformað er að verði orðið að lögum snemma árs 2027, sem miðar að því að bæta miðlun innlends sparnaðar til fjárfestinga og meðal annars auðvelda einstaklingum að fjárfesta með skilvirkari hætti. Fjármála- og efnahagsráðherra hefur áður sagt að verið sé að skoða leiðir til að auka þátttöku almennings á hlutabréfamarkaði.

Innherji
Fréttamynd

Spá enn vaxta­hækkun í maí

Hagfræðingur hjá Íslandsbanka segir að nýkynntar efnahagsaðgerðir ríkisstjórnarinnar virðist vera sérsniðnar utan um forsenduákvæði kjarasamninga. Þó að bensínverð geti lækkað um tíu prósent tímabundið eru enn líkur á því að Seðlabankinn hækki vexti í maí.

Viðskipti innlent

Mest lesið