Við­reisn tapar fylgi

Rúv greinir frá. Samfylkingin mælist með 29,6 prósent fylgi, tæpum tveimur prósentustigum meira en í síðustu mælingu sem var birt í byrjun ágúst. Flokkurinn mælist enn með mesta fylgið. Þá fór Sjálfstæðisflokkurinn úr 25,4 prósentum upp í 26,8 prósent.

Miðflokkurinn bætti sömuleiðis við sig og fór úr 14,6 prósenta fylgi í 15,6 prósent.

Þetta er fyrsta könnunin sem er birt eftir að þjóðin hafnaði því naumlega að halda í aðildarviðræður við Evrópusambandið. Aðildarviðræðurnar voru eitt helsta kosningamál Viðreisnar þar sem formaður þeirra er utanríkisráðherra.

Viðreisn tapaði hins vegar tveimur prósentum, fór úr 11,4 prósenta fylgi í 9,7 prósent. Flokkur fólksins tapaði örlitlu fylgi í mánuðinum að þjóðaratkvæðagreiðslunni og mælist nú með 4,8 prósenta fylgi.

Vinstri græn fóru úr 3,9 prósentum í 3,6 prósent og Sósíalistaflokkurinn úr 3,2 prósenta fylgi í 2,4 prósenta fylgi.

Könnunin var gerð frá 4. ágúst og út ágústmánuðinn. Niðurstöður þjóðaratkvæðagreiðslunnar hafa því takmörkuð áhrif á niðurstöðurnar en aðdragandi þeirra kann þó að hafa haft áhrif.