Eftir­för endaði í al­var­legu bíl­slysi á Breið­holts­braut

Varðstjóri slökkviliðsins á höfuðborgarsvæðinu segir að þrír hafi verið fluttir á slysadeild. Hið minnsta tveir bílar sjást á myndskeiði sem fréttastofu barst af vettvangi talsvert illa leiknir.  Báðir höfðu bílarnir hafnað utan vegar og einum hafði verið ekið utan í tré við vegkantinn.

Varðstjórinn kvaðst ekki getað tjáð sig um þátt lögreglu í aðgeðrðinni og ekki hafa fengist upplýsingar frá lögreglu vegna málsins.

Sjónarvottar lýsa því að lögreglan hafi veitt bíl eftirför. 

Á einu myndskeiði sem Vísir fékk sent virðist lögreglan elta ljósan fólksbíl sem er ekið á mikilli ferð upp frárein af Breiðholtsbraut. Þegar ökumaður virðist reyna að taka fram úr öðrum bíl rekst hann aftur í þriðja bílinn, sem hafnar svo utan vegar.  Ljósi bíllinn hafnar síðan sjálfur á tré á umferðarslaufunni. 

Myndir af vettvangi sýna