Loka­tölur í Reykja­vík: Sjálf­stæðis­flokkurinn nær níunda manni inn

Alls greiddu 71.976 atkvæði í höfuðborginni en 108.518 voru á kjörskrá. Auðir seðlar voru 1.107 og ógildir voru 2.028.

Sjálfstæðisflokkurinn hlýtur 22.930 atkvæði (32,5 prósent) og fær því níu fulltrúa; Hildi Björsdóttur oddvita, Bjarna Eggerts Guðjónsson, Brynjar Níelsson, Ragnhildi Öldu Vilhjálmsdóttur, Rúnar Frey Gíslason, Guðný Maríu Jóhannsdóttur, Albert Guðmundsson, Bjarna Fritzson og Sigrúnu Ástu Einarsdóttur. 

Samfylkingin fær 12.737 atkvæði (17,7 prósent) og nær því fimm mönnum inn í borgarstjórn; Pétri Hafliða Marteinssyni, Heiðu Björgu Hilmisdóttur, Steinunni Gyðu- og Guðjónsdóttur, Skúla Helgasyni og Stein Olav Romslo.

Miðflokkurinn fékk 8.912, eða 12,4 prósent, og fær því þrjá borgarfulltrúa; Ara Edwald, Krístínu Kolbrúnu Kolbeinsdóttur og Lárusi Sigurðssyni. 

Viðreisn fær 7.436 atkvæði (10,3 prósent) og tvo fulltrúa; Björgu Magnúsdóttur og Róbert Ragnarsson.

Framsókn fær 4.805 atkvæði (6,7 prósent) og einn borgarfulltrúa, Einar Þorsteinsson. 

Vinstrið fær 6.649 atkvæði (9,2 prósent) og tvo borgarfulltrúa fyrir vikið; Sönnu Magdalenu Mörtudóttur og Líf Magneudóttur.

Sósíalistaflokkurinn fær 2.858 atkvæði (4 prósent) og nær því einum fulltrúa inn, henni Silju Sóleyju Birgisdóttur.

Flokkur fólksins hlýtur 2.319 atkvæði (3,2 prósent) og fær engan fulltrúa. Góðan daginn fær 361 og engan borgarfulltrúa. Píratar hljóta 1.348 atkvæði og ná ekki manni inn. Okkar borg nær heldur ekki manni inn þar sem framboðið fær aðeins 306 atkvæði, eða 0,4 prósent.