Loka fyrir umferð til að rannsaka banaslys

Silja Rún Sigurbjörnsdóttir skrifar 16. mars 2026 16:05

Banaslys varð þegar bíll hafnaði á hæðarrá við Miklubraut 5. febrúar. Vísir

Lögreglan á höfuðborgarsvæðinu mun loka fyrir umferð um Miklubraut í kvöld til að rannsaka vettvang banaslyss sem þar varð í byrjun febrúar.

Lokað verður fyrir umferð um Miklubraut til austurs á milli átta og níu í kvöld, frá aðrein að Skeiðvogsbrú. Akreinum frá Réttarholtsvegi og Skeiðarvogi, sem liggja að Miklubraut til austurs, verður sömuleiðis lokað. Þetta kemur fram í tilkynningu frá lögreglunni.

Umferð austur um götuna verður beint upp á Skeiðarvogsbrú og Réttarholtsveg.

Að kvöldi 5. febrúar lést unglingspiltur sem var farþegi í bíl sem hafnaði á stólpa á hæðarrár. Lögreglan hefur til skoðunar hvort að hraðakstur hafi átt þátt í slysinu og er lokunin hluti af rannsókn banaslyssins. Vísbendingar eru um að annar bíll hafi verið í samfloti við þann sem hafnaði á stólpa.

Fréttin hefur verið uppfærð. Uphaflega stóð að lokunin yrði á milli níu og tíu en rétt er að hún verði á milli átta og níu.

Banaslys á Miklubraut 2026 Reykjavík Samgönguslys

Tengdar fréttir

Annar bíll mögulega í „samfloti“ þegar banaslysið varð

Vísbendingar eru um að annar bíll hafi verið í samfloti við þann sem hafnaði á stólpa með þeim afleiðingum að sautján ára piltur lést í bílslysi á Miklubraut í byrjun mánaðar. Rannsókn beinist meðal annars að því hvort að hraðakstur hafi átt þátt í slysinu.

17. febrúar 2026 12:42

Vegkaflinn þar sem banaslysið varð ekki talinn mjög illa farinn

Vegkaflinn þar sem banaslys varð á Miklubraut á dögunum er ekki á forgangslista Vegagerðarinnar yfir vegaframkvæmdir. Vegagerðin segir það ekki munu koma í ljós fyrr en skýrsla Rannsóknarnefndar samgönguslysa liggur fyrir hvort ástand vegarins hafi átt þátt í slysinu.

12. febrúar 2026 06:59

Nafn piltsins sem lést í slysi á Miklubraut

Sautján ára gamli pilturinn sem lést í bílslysi á Miklubraut hét Patrekur Freyr Sveinsson. Hann var liðsmaður í U18 liði Skautafélags Reykjavíkur en félagið birtir í dag samúðarkveðjur til fjölskyldu Patreks.

7. febrúar 2026 16:34

Mest lesið

Fleiri fréttir