Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Eiður Þór Árnason skrifar 2. apríl 2025 23:31 Guðmundur Ari Sigurjónsson, þingflokksformaður Samfylkingarinnar. Vísir/Vilhelm Þingfundur stóð fram til 23:51 í kvöld og er það annan daginn í röð sem fundur teygir sig yfir á tólfta tímann. Þingmenn ræddu í annað sinn fram um frumvarp umhverfis-, orku- og loftslagsráðherra til breytingar á lögum um verndar- og orkunýtingaráætlun. Var um að ræða framhald af fyrstu umræðu um sama mál sem var frestað þegar þingfundi var slitið klukkan 23:57 í gær. Hún hafði þá staðið yfir í rúmlega tvær og hálfa klukkustund. Stóð umræða um frumvarpið yfir í annað eins á nýafstöðnum þingfundi. Þingflokksformaður Samfylkingarinnar gaf í skyn að þingmenn Sjálfstæðisflokks og Framsóknar hafi reynt að standa í vegi fyrir því að frumvarp ríkisstjórnarinnar væri afgreitt út úr þinginu. Þingmenn stjórnarandstöðunnar brugðust illa við þeim ummælum. Yfirlýst markmið frumvarpsins er að einfalda regluverk, auka skilvirkni og skýra betur ferli rammaáætlunar sem fjallar um vernd og orkunýtingulandsvæða. Barist á hæl og hnakka „Ég fór nú á nokkra framboðsfundi síðustu fyrir síðustu alþingiskosningar og þá var oftar en ekki einmitt fulltrúar Sjálfstæðisflokks og Framsóknarflokks sem héldu því fram að það væri Vinstri græn sem hefðu verið að tefja raforkumálin í ríkisstjórn og hér í þingsal,“ sagði Guðmundur Ari Sigurjónsson, þingflokksformaður Samfylkingarinnar, í ræðustól í kvöld og hélt svo áfram. „En svona mín fyrstu kynni af umfjöllun um rammaáætlun er einfaldlega þessi: Sjálfstæðisflokkurinn og Framsóknarflokkurinn sem berst á hæl og hnakka gegn því að við náum að afgreiða rammaáætlun út úr þinginu. Fyrst voru það sex klukkustunda umræða um plasttappa, svo eru það fimm til sex klukkustunda umræða um Menntasjóð námsmanna sem alls ekki snerist um Menntasjóð námsmanna og hér erum við annað kvöldið í röð langt fram á nótt að fjalla um málið þrátt fyrir að í orði er eins og allir séu sammála um málið. En hér koma þingmenn stjórnarandstöðunnar úr Framsóknarflokki, úr Sjálfstæðisflokki sem hafa á tyllidögum haldið því fram að þeir vilji aukna skilvirkni, aukna raforkuöflun í landinu en berjast á hæl og hnakka gegn því,“ sagði Guðmundur en andsvarinu var beint að Stefán Vagni Stefánssyni, varaformanni þingflokks Framsóknar. Stefán Vagn Stefánsson er þingmaður Framsóknar.Stöð 2/Einar Stefán Vagn tók ekki vel í þessi ummæli fulltrúa Samfylkingarinnar. „Hef ég verið í þessari ræðu að berjast gegn þessu frumvarpi? Ég er hér að tala í minni fyrstu ræðu í þessu máli, þessu mikilvæga máli, og sér þingmaðurinn eitthvað að því að ég sem kjörinn fulltrúi á þingi eins og hann geti staðið í þessu púlti og tjáð mig um þau mál sem eru í gangi í þinginu? Er það orðið óeðlilegt? Finnst háttvirtum þingmanni það óeðlilegt að ég komi hér í púlt og ræði um þau mál sem ríkisstjórnin hans leggur hér fyrir? Er það þannig?” sagði Stefán Vagn og hækkaði róminn. „Er það málþóf að ég taki hér til máls einu sinni í þessari umræðu? Það get ég ekki séð og ef það er þannig þá hefur hann einhverja aðra túlkun á málþófi heldur en ég,” svaraði Stefán Vagn og yfirgaf ræðustól. Jón Gunnarsson, þingmaður Sjálfstæðisflokksins.Vísir/Vilhelm Jón Gunnarsson, þingmaður Sjálfstæðisflokksins, tók í svipaðan streng. „Við erum hér þingmenn að ræða þessi mál sem eru einhver mikilvægustu mál sem okkar samfélag stendur frammi fyrir í dag og menn eru hér enn í fyrstu ræðu og það er verið að væna menn um málþóf og talað um að hér sé verið að tala langt fram á nætur þegar klukkan er rúmlega tíu að kvöldi og háttvirtur þingmaður stóð fyrir því í dag og óska eftir lengri þingfundi fram eftir kvöldi til að væri hægt að ræða málin betur. Við erum bara að fylgja því eftir sem okkar vilji er í þeim efnum,“ sagði Jón. Hafi ekkert minnst á málþóf Guðmundur vildi þrátt fyrir þetta ekki kannast við að hafa sakað þingmenn stjórnarandstöðunnar um málþóf. „Það er vont að þingmenn stjórnarandstöðunnar séu móðgaðir. Kannski bara að draga það sérstaklega fram að það hefur enginn notað orðið málþóf hér í ræðustól nema þeir sjálfir. Ég veit ekki hvort þeir séu svona spenntir fyrir því að þeir eru strax farnir að rífa það spil fram, en það eru þeirra orð,“ sagði Guðmundur í ræðustól Alþingis í kvöld. Eftir það hélt umræðan áfram og ræddu Jón Gnarr, þingmaður Viðreisnar, áðurnefndur Jón Gunnarsson og Karl Gauti Hjaltason, varaformaður þingflokks Miðflokksins, til að mynda um verðleika kjarnorku sem raforkukosts á Íslandi. Klukkan 23:50 lauk umræðu svo loks um málið og var samþykkt að frumvarpið færi áfram í aðra umræðu á þinginu og til umhverfis- og samgöngunefndar. Var þingfundi slitið klukkan 23:51. Fréttin hefur verið uppfærð með upplýsingum um lok þingfundar. Samfylkingin Sjálfstæðisflokkurinn Framsóknarflokkurinn Ríkisstjórn Kristrúnar Frostadóttur Orkumál Alþingi Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Gátu ekki opnað hraðbankann þrátt fyrir ítrekaðar tilraunir Innlent Er við góða líkamlega heilsu en heilinn að „bregðast honum“ Erlent Raðsundlaugarkúkari gengur laus í Oulu Erlent Fleiri fréttir Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Sjá meira
Var um að ræða framhald af fyrstu umræðu um sama mál sem var frestað þegar þingfundi var slitið klukkan 23:57 í gær. Hún hafði þá staðið yfir í rúmlega tvær og hálfa klukkustund. Stóð umræða um frumvarpið yfir í annað eins á nýafstöðnum þingfundi. Þingflokksformaður Samfylkingarinnar gaf í skyn að þingmenn Sjálfstæðisflokks og Framsóknar hafi reynt að standa í vegi fyrir því að frumvarp ríkisstjórnarinnar væri afgreitt út úr þinginu. Þingmenn stjórnarandstöðunnar brugðust illa við þeim ummælum. Yfirlýst markmið frumvarpsins er að einfalda regluverk, auka skilvirkni og skýra betur ferli rammaáætlunar sem fjallar um vernd og orkunýtingulandsvæða. Barist á hæl og hnakka „Ég fór nú á nokkra framboðsfundi síðustu fyrir síðustu alþingiskosningar og þá var oftar en ekki einmitt fulltrúar Sjálfstæðisflokks og Framsóknarflokks sem héldu því fram að það væri Vinstri græn sem hefðu verið að tefja raforkumálin í ríkisstjórn og hér í þingsal,“ sagði Guðmundur Ari Sigurjónsson, þingflokksformaður Samfylkingarinnar, í ræðustól í kvöld og hélt svo áfram. „En svona mín fyrstu kynni af umfjöllun um rammaáætlun er einfaldlega þessi: Sjálfstæðisflokkurinn og Framsóknarflokkurinn sem berst á hæl og hnakka gegn því að við náum að afgreiða rammaáætlun út úr þinginu. Fyrst voru það sex klukkustunda umræða um plasttappa, svo eru það fimm til sex klukkustunda umræða um Menntasjóð námsmanna sem alls ekki snerist um Menntasjóð námsmanna og hér erum við annað kvöldið í röð langt fram á nótt að fjalla um málið þrátt fyrir að í orði er eins og allir séu sammála um málið. En hér koma þingmenn stjórnarandstöðunnar úr Framsóknarflokki, úr Sjálfstæðisflokki sem hafa á tyllidögum haldið því fram að þeir vilji aukna skilvirkni, aukna raforkuöflun í landinu en berjast á hæl og hnakka gegn því,“ sagði Guðmundur en andsvarinu var beint að Stefán Vagni Stefánssyni, varaformanni þingflokks Framsóknar. Stefán Vagn Stefánsson er þingmaður Framsóknar.Stöð 2/Einar Stefán Vagn tók ekki vel í þessi ummæli fulltrúa Samfylkingarinnar. „Hef ég verið í þessari ræðu að berjast gegn þessu frumvarpi? Ég er hér að tala í minni fyrstu ræðu í þessu máli, þessu mikilvæga máli, og sér þingmaðurinn eitthvað að því að ég sem kjörinn fulltrúi á þingi eins og hann geti staðið í þessu púlti og tjáð mig um þau mál sem eru í gangi í þinginu? Er það orðið óeðlilegt? Finnst háttvirtum þingmanni það óeðlilegt að ég komi hér í púlt og ræði um þau mál sem ríkisstjórnin hans leggur hér fyrir? Er það þannig?” sagði Stefán Vagn og hækkaði róminn. „Er það málþóf að ég taki hér til máls einu sinni í þessari umræðu? Það get ég ekki séð og ef það er þannig þá hefur hann einhverja aðra túlkun á málþófi heldur en ég,” svaraði Stefán Vagn og yfirgaf ræðustól. Jón Gunnarsson, þingmaður Sjálfstæðisflokksins.Vísir/Vilhelm Jón Gunnarsson, þingmaður Sjálfstæðisflokksins, tók í svipaðan streng. „Við erum hér þingmenn að ræða þessi mál sem eru einhver mikilvægustu mál sem okkar samfélag stendur frammi fyrir í dag og menn eru hér enn í fyrstu ræðu og það er verið að væna menn um málþóf og talað um að hér sé verið að tala langt fram á nætur þegar klukkan er rúmlega tíu að kvöldi og háttvirtur þingmaður stóð fyrir því í dag og óska eftir lengri þingfundi fram eftir kvöldi til að væri hægt að ræða málin betur. Við erum bara að fylgja því eftir sem okkar vilji er í þeim efnum,“ sagði Jón. Hafi ekkert minnst á málþóf Guðmundur vildi þrátt fyrir þetta ekki kannast við að hafa sakað þingmenn stjórnarandstöðunnar um málþóf. „Það er vont að þingmenn stjórnarandstöðunnar séu móðgaðir. Kannski bara að draga það sérstaklega fram að það hefur enginn notað orðið málþóf hér í ræðustól nema þeir sjálfir. Ég veit ekki hvort þeir séu svona spenntir fyrir því að þeir eru strax farnir að rífa það spil fram, en það eru þeirra orð,“ sagði Guðmundur í ræðustól Alþingis í kvöld. Eftir það hélt umræðan áfram og ræddu Jón Gnarr, þingmaður Viðreisnar, áðurnefndur Jón Gunnarsson og Karl Gauti Hjaltason, varaformaður þingflokks Miðflokksins, til að mynda um verðleika kjarnorku sem raforkukosts á Íslandi. Klukkan 23:50 lauk umræðu svo loks um málið og var samþykkt að frumvarpið færi áfram í aðra umræðu á þinginu og til umhverfis- og samgöngunefndar. Var þingfundi slitið klukkan 23:51. Fréttin hefur verið uppfærð með upplýsingum um lok þingfundar.
Samfylkingin Sjálfstæðisflokkurinn Framsóknarflokkurinn Ríkisstjórn Kristrúnar Frostadóttur Orkumál Alþingi Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Gátu ekki opnað hraðbankann þrátt fyrir ítrekaðar tilraunir Innlent Er við góða líkamlega heilsu en heilinn að „bregðast honum“ Erlent Raðsundlaugarkúkari gengur laus í Oulu Erlent Fleiri fréttir Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Sjá meira