FH
ÍR
Grindavík
Hamar/Þór
Ástráður Haraldsson ríkissáttasemjari lagði nú klukkan fjögur fram innanhússtillögu að kjarasamningi í kjaradeilu kennara við ríki og sveitarfélög til að freista þess að höggva á þann algera hnút sem viðræðurnar eru komnar í. Ástráður mætir í beina útsendingu með Heimi Má Péturssyni fréttamanni í Pallborðinu á Vísi um klukkan fimm í dag.
Að óbreyttu hefjast verkfallsaðgerðir í völdum leik- og grunnskólum strax á mánudag en ef samninganefndir samþykkja innanhústillöguna verður aðgerðum væntanlega slegið á frest.
Í innanhústillögunni er að finna ýmis ákvæði sem koma til móts við kröfur kennara og hvernig á að vinna frekar að þróun mats á störfum þeirra. Ástráður fer yfir málið í beinni útsendingu, sem má sjá í spilaranum hér að neðan:
