Innlent

Þessi voru oftast strikuð út í Norðaustur­kjör­dæmi

Vésteinn Örn Pétursson skrifar
Sjálfstæðisfmennirnir Njáll Trausti og Jens Garðar voru oftast strikaðir út af kjósendum í Norðausturkjördæmi, ásamt Loga Einarssyni, oddvita Samfylkingarinnar.
Sjálfstæðisfmennirnir Njáll Trausti og Jens Garðar voru oftast strikaðir út af kjósendum í Norðausturkjördæmi, ásamt Loga Einarssyni, oddvita Samfylkingarinnar. Vísir/Vilhelm

Oddviti Sjálfstæðisflokksins í Norðausturkjördæmi var sá frambjóðandi í kjördæminu sem oftast var strikað yfir í nýafstöðnum kosningum. Næstur var oddviti Samfylkingarinnar en þar á eftir kom maðurinn í öðru sæti á lista Sjálfstæðisflokksins. Formaður Miðflokksins hugnaðist ekki 23 kjósendum flokksins.

Jens Garðar Helgason, oddviti Sjálfstæðisflokksins í kjördæminu, var strikaður út af kjósendum flokks síns 86 sinnum, og oftast allra frambjóðenda. Er það samkvæmt tölum sem Vísir fékk sendar frá yfirkjörstjórn kjördæmisins. Tölurnar ná aðeins til flokka sem náðu manni inn á þing í kjördæminu.

Logi Einarsson var strikaður út 76 sinnum.Vísir/Vilhelm

Næstur á eftir honum er Logi Einarsson, oddviti Samfylkingarinnar, með 76 yfirstrikanir. Njáll Trausti Friðbertsson, sem Jens Garðar felldi í oddvitaslag í aðdraganda kosninga, er í þriðja sæti með 67 yfirstrikanir. 

Nokkrir vildu Miðflokkinn en ekki Sigmund

Aðrir frambjóðendur eru með heldur færri útstrikanir en næstu menn. Þannig eru Katrín Sif Árnadóttir, öðru sæti hjá Flokki fólksins, og Þorgrímur Sigmundsson, öðru sæti hjá Miðflokki, með 27 útstrikanir hvort. 

Næstir koma Þórarinn Ingi Pétursson, öðru sæti hjá Framsókn, og Sigmundur Davíð Gunnlaugsson, formaður Miðflokksins og oddviti flokksins í kjördæminu, með 23 útstrikanir. 

Framsóknarflokkurinn:

Ingibjörg Ólöf Isaksen - 8

Þórarinn Ingi Pétursson - 23

Jónína Brynjólfsdóttir - 3

Skúli Bragi Geirdal - 2

Viðreisn:

Ingvar Þóroddsson - 5

Heiða Ingimarsdóttir - 1

Lovísa Oktovía Eyvindsdóttir - 2

Sjálfstæðisflokkurinn:

Jens Garðar Helgason - 86

Njáll Trausti Friðbertsson - 67

Berglind Harpa Svavarsdóttir - 12

Jón Þór Kristjánsson - 2

Flokkur fólksins:

Sigurjón Þórðarson - 18

Katrín Sif Árnadóttir - 27

Sigurður H. Ingimarsson - 2

Miðflokkurinn: 

Sigmundur Davíð Gunnlaugsson - 23

Þorgrímur Sigmundsson - 27

Ágústa Ágústsdóttir - 15

Inga Dís Sigurðardóttir - 1

Samfylkingin: 

Logi Einarsson - 76

Eydís Ásbjörnsdóttir - 2

Sæunn Gísladóttir - 0

Sindri S. Kristjánsson - 3

Alþingiskosningar 2024 Norðausturkjördæmi Framsóknarflokkurinn Viðreisn Sjálfstæðisflokkurinn Flokkur fólksins Miðflokkurinn Samfylkingin

Tengdar fréttir

Halla Hrund og Karl Gauti oftust strikuð út í Suður­kjör­dæmi

Fimm af sex oddvitum flokkanna sem náðu inn á þing í Suðurkjördæmi raða sér í efstu sæti listans yfir þá frambjóðendur sem oftast var strikað yfir í kosningum til alþingis. Oddviti flokksins sem er stærstur í kjördæminu er ekki þeirra á meðal.

Þessi voru oftast strikuð út í Reykjavík

Þó nokkrir frambjóðendur til Alþingis í Reykjavíkurkjördæmunum tveimur voru strikaðir út af lista oftar en hundrað sinnum. Guðlaugur Þór Þórðarson var sá oddviti sem oftast var strikaður út, en Jón Gnarr fékk flestar útstrikanir í Reykjavíkurkjördæmi suður.

Mest lesið


Fleiri fréttir

Sjá meira


×

Mest lesið