Fundi Félags íslenskra flugumferðarstjóra og Samtaka atvinnulífsins, sem semja fyrir hönd Isavia, í Karphúsinu er lokið. Boðað hefur verið til nýs fundar klukkan 15 á morgun.
Deiluaðilar funduðu frá klukkan 14 í dag en hafa greinilega ekki komist niðurstöðu.
Það þýðir að sex tíma vinnustöðvun flugumferðarstjóra fer fram frá fjögur í nótt til tíu í fyrramálið. Á þeim tíma verða engar lendingar eða flugtök frá Keflavíkurflugvelli og Reykjavíkurflugvelli sem mun hafa áhrif á mörg þúsund farþega og tugi flugferða til og frá Íslandi.
Flugumferðarstjórar hafa samþykkt verkfallsaðgerðir á tveimur dögum í næstu viku til viðbótar við aðgerðir á morgun og næsta fimmtudag. Enn er fundað í Karphúsinu og bendir því allt til að það verði af fyrirhugaðri vinnustöðvun í nótt sem mun hafa áhrif á mörg þúsund farþega.
