„Maður er af­­klæddur í for­­stofunni“

Hvernig var skatan?

„Alveg æðisleg eins og alltaf. Þetta hefur aldrei klikkað,“ sagði Gunnar Jóhannesson, fastagestur á Laugaási.

Kjartan Már Friðsteinsson segist í tuttugu ár hafa komið árlega í skötuna. „Ég hef komið hingað ár hvert og þetta klikkar aldrei.“

Er ekkert kvartað undan lyktinni heima?

„Jú maður er afklæddur í forstofunni og fær ekki að fara lengra inn í fötunum,“ sagði Pétur Halldórsson.

Allir segjast þeir munu sakna staðarins.

Safna fyrir hjartveikum börnum

„Við förum bara heim til hans [eigandans]. Þeir sleppa ekkert við okkur.“

Feðgarnir eru þó ekki alveg hættir því eftir áramót ætla þeir að kveðja staðinn með stæl og halda góðgerðakvöld til stuðnings hjartveikum börnum.

„Kassakerfið verður tekið í burtu og þau koma með sinn posa og allt sem verður selt er þeirra og eigum við ekki bara að ná upp í tíu milljónir? Fá þjóðina með okkur,“ segir Guðmundur Kr. Ragnarsson, matreiðslumaður.

Já fjórða til tíunda janúar en síðan verður slíkt hið sama gert fyrir langveik börn.

Hvað stendur upp úr eftir öll þessi ár?

„Ég veit það ekki, allt saman. Elskulegir kúnnar og vinirnir sem maður hefur eignast. Það liggur við að maður tárist,“ sagði Ragnar Guðmundsson, eigandi Laugaáss.