Dæmd fyrir að saka mann um nauðgun í BDSM-hópi á Facebook Bjarki Sigurðsson skrifar 9. desember 2022 16:54 Landsréttur dæmdi ummælin ómerkt. Vísir/Vilhelm Kona var í dag dæmd til að greiða manni 400 þúsund krónur í miskabætur fyrir að hafa sakað hann um að hafa nauðgað vinkonu sinni. Ásökunina birti hún í færslu í Facebook-hóp fyrir meðlimi BDSM-samfélagsins. Ummælin voru dæmd ómerkt. Maðurinn höfðaði einnig mál gegn konunni sem hann er sagður hafa nauðgað en tapaði því máli. Það var í ágúst 2018 sem konan birt færslu í Facebook-hóp sem stofnaður var af einstaklingum innan BDSM-samfélagsins á Facebook. Hópnum var ætlað að vera vettvangur fyrir konur og kynsegin fólk, meðal annars til að deila reynslusögum af neikvæðri reynslu af samskiptum við einstakinga innan samfélagsins. Meðlimir hópsins voru 28 talsins þegar færslan var birt. Í færslunni sakaði konan manninn um að hafa nauðgað vinkonu sinni í byrjun maí árið 2018. Meint nauðgun átti sér stað eftir að vinkonan, eiginkona meints nauðgara og kærasti eiginkonunnar voru að skemmta sér saman. Þau fóru öll þrjú saman á heimili mannsins eftir kvöldið. Segist hafa fengið samþykki Þau fjögur deildu öll rúmi um nóttina og höfðu maðurinn og vinkonan samfarir við hliðina á eiginkonunni og kærasta hennar. Maðurinn og vinkonan voru við aðalmeðferð málsins ekki sammála um hvað átti sér stað fyrir samfarirnar. Maðurinn vildi meina að vinkonan hefði átt frumkvæði að kynlífinu. Konan sagði manninn fyrirvaralaust hafa haft samfarir við sig án samþykkis. Maðurinn kvaðst einnig hafa nokkrum sinnum spurt konuna hvort þetta væri í lagi á meðan samfarirnar áttu sér stað og hún alltaf svarað játandi. Ekkert kemur fram í ærumeiðingardómi héraðsdóms um að konan hafi leitað réttar síns fyrir dómi. Vildi útiloka manninn úr BDSM-senunni Í færslunni nafngreindi konan meintan nauðgara og sagðist hafa heyrt af óviðeigandi og skrítinni heðgun af hans hálfu. Færslan hófst á orðunum „Í vor nauðgaði A stelpu sem er mér mjög kær.“ Þá vildi hún að fólkið í hópnum tæki afstöðu til þess hvort maðurinn fengi að vera innan BDSM-senunnar. „Mér finnst mikilvægt að þau taki afstöðu, sérstaklega í ljósi þess að nýju fólki innan senunnar er ítrekað sagt að þar sé lögð áhersla á samþykki og virðingu. Það skapar skaðlegt umhverfi og beinlínis hættulegt að segja fólki að þau séu öruggari innan hópsins heldur en utan og taka svo ekki á ofbeldismálum og skaðlegri hegðan þegar hún kemur upp,“ sagði í færslu konunnar. Maðurinn taldi konuna hafa með ummælum sínum brotið gegn friðhelgi einkalífs hans. Konan hafi staðhæft að hann hafi gerst sekur um refsiverða háttsemi án þess að skeyta nokkuð um sannleiksgildi þeirrar fullyrðingar. Konan vildi meina að ummælin rúmuðust innan tjáningarfrelsis hennar. Ummælin hefðu verið sett fram eftir að maðurinn viðurkenndi upplifun vinkonunnar á markaleysi og brotum hans í hennar garð. Vísuðu í mál Gillz Konan hafði verið sýknuð af kröfum mannsins í héraði en Landsréttur sneri dómnum við. Rétturinn vísaði í dóm Mannréttindadómstóls Evrópu þegar Egill Einarsson, oft þekktur sem Gillz, lagði íslenska ríkið. Sá dómur var byggður á því að yfirlýsing um að einhver hefði nauðgað annarri manneskju væri í eðli sínu staðhæfing um staðreynd sem hægt væri að sanna. Þar sem konunni hefði ekki tekist að færa sönnur á að maðurinn hefði nauðgað vinkonu hennar dæmdi Landsréttur henni til að greiða manninum 400 þúsund krónur í miskabætur. Þá voru ummælin „Í vor nauðgaði A stelpu sem er mér mjög kær“ dæmd ómerkt. Konan þarf einnig að greiða manninum milljón krónur í málskostnað í héraði og fyrir Landsrétti. Dóminn má lesa í heild sinni hér. Maðurinn höfðaði einnig mál gegn konunni sem hann er sagður hafa nauðgað en hún birti svipaða færslu í Facebook-hóp mánuði áður. Þar sakaði hún hann um að hafa nauðgað sér og varaði aðra innan BDSM-samfélagsins við honum. Maðurinn tapaði því máli og þarf að greiða allan málskostnað konunnar, samtals milljón króna. Dómsmál Reykjavík Kynferðisofbeldi Tjáningarfrelsi Mest lesið Bretar eignast aftur herþotur sem geta flutt kjarnorkuvopn Erlent Segja manninn hafa glímt við alvarleg veikindi Innlent Ný skýrsla: Bandaríkjunum mistókst að eyðileggja kjarnorkumannvirki Írana Erlent Æsispennandi forval: Framtíð Demókrataflokksins gæti ráðist í New York Erlent Margir í vandræðum vegna of skyggðra rúðna Innlent Myndaveisla: Fyrsti dagur leiðtogafundar Atlantshafsbandalagsins Erlent Tillögur um skattalækkanir felldar: Segir ótrúlegt að hlusta á rök „Skattfylkingarinnar“ Innlent „Þrátt fyrir allan þennan vígbúnað þá er þetta mjög vinalegt“ Erlent Sextán ár fyrir að bana dóttur sinni Innlent Áhrifavaldur sakaður um að bera ábyrgð á dauða dóttur sinnar Erlent Fleiri fréttir Slagsmál á hóteli í miðborginni Margir í vandræðum vegna of skyggðra rúðna Tillögur um skattalækkanir felldar: Segir ótrúlegt að hlusta á rök „Skattfylkingarinnar“ Segja manninn hafa glímt við alvarleg veikindi Reiður Trump, fiskeldisáform í Eyjafirði og fjölbragðaglíma Efla samstarf Háskóla Íslands og Íslenskrar erfðagreiningar Vilja bjóða út eftirlit en meirihlutanum líst ekkert á það Stuðningur við veiðigjaldafrumvarpið dregst saman Ekki um sama þvott að ræða í Björg og Fönn Páll skipstjóri krefur Ríkisútvarpið um milljónir króna „Þetta rugl í Kastljósi í gær af hálfu forsætisráðherra er skammarlegt“ Vopnahlé í Miðausturlöndum í hættu og veiðigjöldin enn til umræðu Eldur í tveimur taugrindum Sektaður um 240 þúsund fyrir að halda sauðfé í Grindavík Fundað á Alþingi fram á nótt og framhald strax klukkan tíu Breytingar á lögum um sjúkratryggingar mismuni eftir efnahagsstöðu 42 prósent fanga erlendir ríkisborgarar Sé tilraun til að þagga niður í gagnrýni Fjögur búsetuúrræði Vinnumálastofnunar standa auð Ísraelar samþykkja vopnahlé Trumps Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Engar stórvirkjanir í Skagafirði en opið að fara í Kjalölduveitu Ísland muni ekki verja fimm prósentum til varnarmála Mikill reykur eftir að kviknaði í annarri efnalaug „Við erum auðvitað ekki komin þangað“ Telja einhvern hér á landi búa yfir vitneskju um hvað kom fyrir Jón Þröst Fleiri handteknir í Borgarnesi Átök breiðast út í Mið-Austurlöndum, virkjanaáform og brúðkaup Bezos Gert að greiða fyrrverandi manni sínum bætur vegna dreifingar á nektarmynd Sextán ár fyrir að bana dóttur sinni Sjá meira
Það var í ágúst 2018 sem konan birt færslu í Facebook-hóp sem stofnaður var af einstaklingum innan BDSM-samfélagsins á Facebook. Hópnum var ætlað að vera vettvangur fyrir konur og kynsegin fólk, meðal annars til að deila reynslusögum af neikvæðri reynslu af samskiptum við einstakinga innan samfélagsins. Meðlimir hópsins voru 28 talsins þegar færslan var birt. Í færslunni sakaði konan manninn um að hafa nauðgað vinkonu sinni í byrjun maí árið 2018. Meint nauðgun átti sér stað eftir að vinkonan, eiginkona meints nauðgara og kærasti eiginkonunnar voru að skemmta sér saman. Þau fóru öll þrjú saman á heimili mannsins eftir kvöldið. Segist hafa fengið samþykki Þau fjögur deildu öll rúmi um nóttina og höfðu maðurinn og vinkonan samfarir við hliðina á eiginkonunni og kærasta hennar. Maðurinn og vinkonan voru við aðalmeðferð málsins ekki sammála um hvað átti sér stað fyrir samfarirnar. Maðurinn vildi meina að vinkonan hefði átt frumkvæði að kynlífinu. Konan sagði manninn fyrirvaralaust hafa haft samfarir við sig án samþykkis. Maðurinn kvaðst einnig hafa nokkrum sinnum spurt konuna hvort þetta væri í lagi á meðan samfarirnar áttu sér stað og hún alltaf svarað játandi. Ekkert kemur fram í ærumeiðingardómi héraðsdóms um að konan hafi leitað réttar síns fyrir dómi. Vildi útiloka manninn úr BDSM-senunni Í færslunni nafngreindi konan meintan nauðgara og sagðist hafa heyrt af óviðeigandi og skrítinni heðgun af hans hálfu. Færslan hófst á orðunum „Í vor nauðgaði A stelpu sem er mér mjög kær.“ Þá vildi hún að fólkið í hópnum tæki afstöðu til þess hvort maðurinn fengi að vera innan BDSM-senunnar. „Mér finnst mikilvægt að þau taki afstöðu, sérstaklega í ljósi þess að nýju fólki innan senunnar er ítrekað sagt að þar sé lögð áhersla á samþykki og virðingu. Það skapar skaðlegt umhverfi og beinlínis hættulegt að segja fólki að þau séu öruggari innan hópsins heldur en utan og taka svo ekki á ofbeldismálum og skaðlegri hegðan þegar hún kemur upp,“ sagði í færslu konunnar. Maðurinn taldi konuna hafa með ummælum sínum brotið gegn friðhelgi einkalífs hans. Konan hafi staðhæft að hann hafi gerst sekur um refsiverða háttsemi án þess að skeyta nokkuð um sannleiksgildi þeirrar fullyrðingar. Konan vildi meina að ummælin rúmuðust innan tjáningarfrelsis hennar. Ummælin hefðu verið sett fram eftir að maðurinn viðurkenndi upplifun vinkonunnar á markaleysi og brotum hans í hennar garð. Vísuðu í mál Gillz Konan hafði verið sýknuð af kröfum mannsins í héraði en Landsréttur sneri dómnum við. Rétturinn vísaði í dóm Mannréttindadómstóls Evrópu þegar Egill Einarsson, oft þekktur sem Gillz, lagði íslenska ríkið. Sá dómur var byggður á því að yfirlýsing um að einhver hefði nauðgað annarri manneskju væri í eðli sínu staðhæfing um staðreynd sem hægt væri að sanna. Þar sem konunni hefði ekki tekist að færa sönnur á að maðurinn hefði nauðgað vinkonu hennar dæmdi Landsréttur henni til að greiða manninum 400 þúsund krónur í miskabætur. Þá voru ummælin „Í vor nauðgaði A stelpu sem er mér mjög kær“ dæmd ómerkt. Konan þarf einnig að greiða manninum milljón krónur í málskostnað í héraði og fyrir Landsrétti. Dóminn má lesa í heild sinni hér. Maðurinn höfðaði einnig mál gegn konunni sem hann er sagður hafa nauðgað en hún birti svipaða færslu í Facebook-hóp mánuði áður. Þar sakaði hún hann um að hafa nauðgað sér og varaði aðra innan BDSM-samfélagsins við honum. Maðurinn tapaði því máli og þarf að greiða allan málskostnað konunnar, samtals milljón króna.
Dómsmál Reykjavík Kynferðisofbeldi Tjáningarfrelsi Mest lesið Bretar eignast aftur herþotur sem geta flutt kjarnorkuvopn Erlent Segja manninn hafa glímt við alvarleg veikindi Innlent Ný skýrsla: Bandaríkjunum mistókst að eyðileggja kjarnorkumannvirki Írana Erlent Æsispennandi forval: Framtíð Demókrataflokksins gæti ráðist í New York Erlent Margir í vandræðum vegna of skyggðra rúðna Innlent Myndaveisla: Fyrsti dagur leiðtogafundar Atlantshafsbandalagsins Erlent Tillögur um skattalækkanir felldar: Segir ótrúlegt að hlusta á rök „Skattfylkingarinnar“ Innlent „Þrátt fyrir allan þennan vígbúnað þá er þetta mjög vinalegt“ Erlent Sextán ár fyrir að bana dóttur sinni Innlent Áhrifavaldur sakaður um að bera ábyrgð á dauða dóttur sinnar Erlent Fleiri fréttir Slagsmál á hóteli í miðborginni Margir í vandræðum vegna of skyggðra rúðna Tillögur um skattalækkanir felldar: Segir ótrúlegt að hlusta á rök „Skattfylkingarinnar“ Segja manninn hafa glímt við alvarleg veikindi Reiður Trump, fiskeldisáform í Eyjafirði og fjölbragðaglíma Efla samstarf Háskóla Íslands og Íslenskrar erfðagreiningar Vilja bjóða út eftirlit en meirihlutanum líst ekkert á það Stuðningur við veiðigjaldafrumvarpið dregst saman Ekki um sama þvott að ræða í Björg og Fönn Páll skipstjóri krefur Ríkisútvarpið um milljónir króna „Þetta rugl í Kastljósi í gær af hálfu forsætisráðherra er skammarlegt“ Vopnahlé í Miðausturlöndum í hættu og veiðigjöldin enn til umræðu Eldur í tveimur taugrindum Sektaður um 240 þúsund fyrir að halda sauðfé í Grindavík Fundað á Alþingi fram á nótt og framhald strax klukkan tíu Breytingar á lögum um sjúkratryggingar mismuni eftir efnahagsstöðu 42 prósent fanga erlendir ríkisborgarar Sé tilraun til að þagga niður í gagnrýni Fjögur búsetuúrræði Vinnumálastofnunar standa auð Ísraelar samþykkja vopnahlé Trumps Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Engar stórvirkjanir í Skagafirði en opið að fara í Kjalölduveitu Ísland muni ekki verja fimm prósentum til varnarmála Mikill reykur eftir að kviknaði í annarri efnalaug „Við erum auðvitað ekki komin þangað“ Telja einhvern hér á landi búa yfir vitneskju um hvað kom fyrir Jón Þröst Fleiri handteknir í Borgarnesi Átök breiðast út í Mið-Austurlöndum, virkjanaáform og brúðkaup Bezos Gert að greiða fyrrverandi manni sínum bætur vegna dreifingar á nektarmynd Sextán ár fyrir að bana dóttur sinni Sjá meira