Snjó­flóð féllu á Vest­fjörðum og Trölla­skaga

Ólíver Hilmarsson ofanflóðasérfræðingur hjá Veðurstofu Íslands segir atvinnuhúsnæði hafa verið rýmt í Súðavíkurhlíð og að rýming sé enn í gildi á Steinaflötum í Siglufirði. Þó sé búið að opna um Siglufjarðarveg og Ólafsfjarðarveg og moka í gegnum flóðið sem féll á þann fyrrnefnda.

Hann segir að ekki sé mælt með því að dvelja í húsum í dreifbýli í Ólafsfirði og Siglufirði en að hættustig sé ekki í gildi í þéttbýli. Flóð féll yfir Kleifaveg í Ólafsfirði í morgun og út í sjó.

„Það er leiðindaveður og mikill snjór til fjalla og það mun halda áfram. Það þarf bara að fylgjast vel með,“ segir Ólíver.