Tólf ára reyndi að svipta sig lífi eftir langvarandi einelti í Hafnarfirði Bjarki Sigurðsson skrifar 19. október 2022 09:04 Skjáskot úr myndbandi sem tekið var af einni líkamsárásinni. Hægra megin eru skilaboð sem stúlkan fékk send frá dreng á sama aldri. Tólf ára stúlka í Hafnarfirði hefur orðið fyrir miklu einelti og ofbeldi af hendi hóps barna á sama aldri. Stúlkan hefur ekki mætt í skólann í marga daga og dvelur nú á spítala eftir að hafa reynt að svipta sig lífi. Móðir hennar, Sædís Hrönn Samúelsdóttir, var til viðtals í Bítinu á Bylgjunni í morgun þar sem hún ræddi eineltið. Sædís birti í vikunni myndbönd af árásum sem dóttir hennar varð fyrir, bæði í Smáralind og svo utandyra. Hún segir að eineltið hafi staðið yfir í rúmt ár en um þrjátíu krakkar hafa tekið þátt í því. Bæði er um að ræða samnemendur hennar í Hraunvallaskóla í Hafnarfirði og krakka úr öðrum skólum. Stúlkunni hefur ítrekað verið sagt að svipta sig lífi. Viðtalið við Sædísi má heyra að neðan ásamt spjalli við Kolbrúnu Baldursdóttur borgarfulltrúa og sálfræðing. Að neðan má sjá dæmi um ofbeldið sem stúlkan hefur orðið fyrir. „Hún er enn þá uppi á spítala. Hún reyndi að taka sitt eigið líf. [...] Hún fer ekki í skólann lengur. [...] Námsráðgjafi á að hitta hana einu sinni á dag. Kennarinn var búinn að tala um að hitta hana einu sinni í viku. Hún hefur ekkert farið í skólann í meira en hálfan mánuð núna,“ segir Sædís. Móðirin segir stúlkuna eiga erfitt félagslega og les ekki alltaf rétt í aðstæður. Sædís segist hafa tilkynnt árásirnar sem dóttir hennar varð fyrir til lögreglu sem lítur á málið með mjög alvarlegum augum. Hún segir lögregluna gera eins mikið og hún geti gert. Stúlkan fékk þessi skilaboð send. Sædís hefur einnig birt á Facebook nokkuð af skilaboðum sem stúlkan hefur fengið frá öðrum börnum. Í mörgum þeirra er henni sagt að svipta sig lífi og því fagnað þegar hún segist hafa reynt það. Sædís segist vera hálf dofin eftir allt sem hefur gengið yfir. Hún er nánast vonlaus vegna ástandsins en Barnavernd gerir nú sitt besta til þess að aðstoða við málið. Skilaboð sem stúlkan fær eru flest í gegnum Snapchat. Kolbrún Baldursdóttir, sálfræðingur og borgarfulltrúi Flokks fólksins, mætti í Bítið eftir að rætt var við Sædísi. Hún var gráti nær eftir að hafa hlustað á Sædísi og sagði málið vera átakanlegt og sorglegt. „Það slær mig alltaf þessi heift og reiði gerenda. Miskunnarleysi. Það er engin samkennd. Svo er reynt að miða á höfuð sem er stórhættulegt. Það er heppni að þarna hafi ekki orðið stórir áverkar,“ segir Kolbrún sem starfaði sem skólasálfræðingur í mörg ár. Þessi skilaboð fékk stúlkan nafnlaust. Hún segir einelti og ofbeldi aldrei réttlætanlegt, sama hver verður fyrir því, hvar og hvenær. Hún segir að barnaverndarkerfið þurfi líka að ná til gerendanna. „Þetta fylgir út í fullorðinslífið. Ég hef svo oft sem sálfræðingur verið með fólk hjá mér, fullorðið fólk, sem er enn að upplifa eftirsjá að hafa komið illa fram við aðra krakka. Eru að mæta þeim sem fullorðnum einstaklingum úti á götu. Þetta situr í þér áfram,“ segir Kolbrún. Að þættinum loknum hringdu hlustendur inn í Bítið á Bylgjunni og lýstu einelti sem börn þeirra eða þau sjálf hafa orðið fyrir. Hún segir samfélagsmiðla og netið eiga stóran þátt í auknu einelti en þó séu aðrir hlutir sem einnig þarf að taka tillits til. „Svo verðum við að hugsa um, við hvaða aðstæður búa þessi börn við, hvar er ábyrgð foreldra, hvar er eftirlitið?“ spyr Kolbrún. Ef þú upplifir vanlíðan eða sjálfsvíghugsanir eða hefur áhyggjur af einhverjum í kringum þig þá getur þú leitað til Hjálparsíma Rauða krossins 1717 (opið allan sólarhringinn), Píeta samtakanna í síma 552 2218 eða bráðamóttöku geðsviðs Landspítalans í síma 543 4050. Börn og uppeldi Hafnarfjörður Skóla - og menntamál Ofbeldi gegn börnum Stafrænt ofbeldi Bítið Mest lesið Greta Thunberg á leið heim til Svíþjóðar Erlent Leitin ekki enn borið árangur Innlent Sendir tvö þúsund þjóðvarðliða til viðbótar til Los Angeles Erlent Níu látnir eftir skotárás í Austurríki Erlent Leita týnds göngumanns Innlent Taka húfurnar úr sölu: Harma að „misheppnað grín“ hafi komið illa við fólk Innlent Hundruð milljóna um allan heim muni eignast færri börn en þau vilja Erlent Ökumenn mótorhjóla greiða meira en landsbyggðin minna Innlent Hljóðfæraleikarar að óbreyttu á leið í verkfall Innlent Reyndi að stinga lögreglu af á stolnum bíl Innlent Fleiri fréttir Rafmagnslaust víða á Suðurlandi Leitin ekki enn borið árangur Reyndi að stinga lögreglu af á stolnum bíl Hljóðfæraleikarar að óbreyttu á leið í verkfall Leita týnds göngumanns Leita leiða til að auðvelda framsal fanga til heimalands síns Taka húfurnar úr sölu: Harma að „misheppnað grín“ hafi komið illa við fólk Nemar á Landspítalanum klæddust „Öldrunarbúningi“ Ökumenn mótorhjóla greiða meira en landsbyggðin minna Ástand í Kaliforníu og breytt frumvarp um kílómetragjald Tveir sjúkrabílar kallaðir út vegna bílslyss við Mjódd Sóttu veikan sjómann Konan er fundin Slökktu eld á svölum á fjórðu hæð í Engihjalla Ekki hægt að nota rafræn skilríki Mjög áhyggjufull yfir tilfærslu ráðuneytisins Frestun fjármagns til verkmenntaskóla, mótmæli í LA og fjölmenningarhátíð Komu í veg fyrir sýruleka á Akureyrarhöfn „Erum ekki að lýsa yfir stuðningi við Trump“ Þotur notaðar í flugi Icelandair til Nuuk Íslendingur á válista CIA árið 1970 Flutningur Konukots mikið framfaraskref en skilur áhyggjur nágranna Vond stjórnsýsla að teikna bara einhverja reiti á kort Fresta uppbyggingu verkmenntaskóla: „Þessi óvissa er fyrir neðan allar hellur“ Menningarveisla í allt sumar á Sólheimum Björgunarsveit selur derhúfur í stíl Bandaríkjaforseta Alvarlegt ástand í Los Angeles og opnun nýs Konukots Eftirlýstur maður handtekinn grunaður um vændiskaup Ríkisstjóri Utah heimsækir Eyjar: Mormónarnir vissu allt um sprönguna Heilbrigðisstofnun Suðurnesja skilaði 800 milljónum til ríkissjóðs Sjá meira
Móðir hennar, Sædís Hrönn Samúelsdóttir, var til viðtals í Bítinu á Bylgjunni í morgun þar sem hún ræddi eineltið. Sædís birti í vikunni myndbönd af árásum sem dóttir hennar varð fyrir, bæði í Smáralind og svo utandyra. Hún segir að eineltið hafi staðið yfir í rúmt ár en um þrjátíu krakkar hafa tekið þátt í því. Bæði er um að ræða samnemendur hennar í Hraunvallaskóla í Hafnarfirði og krakka úr öðrum skólum. Stúlkunni hefur ítrekað verið sagt að svipta sig lífi. Viðtalið við Sædísi má heyra að neðan ásamt spjalli við Kolbrúnu Baldursdóttur borgarfulltrúa og sálfræðing. Að neðan má sjá dæmi um ofbeldið sem stúlkan hefur orðið fyrir. „Hún er enn þá uppi á spítala. Hún reyndi að taka sitt eigið líf. [...] Hún fer ekki í skólann lengur. [...] Námsráðgjafi á að hitta hana einu sinni á dag. Kennarinn var búinn að tala um að hitta hana einu sinni í viku. Hún hefur ekkert farið í skólann í meira en hálfan mánuð núna,“ segir Sædís. Móðirin segir stúlkuna eiga erfitt félagslega og les ekki alltaf rétt í aðstæður. Sædís segist hafa tilkynnt árásirnar sem dóttir hennar varð fyrir til lögreglu sem lítur á málið með mjög alvarlegum augum. Hún segir lögregluna gera eins mikið og hún geti gert. Stúlkan fékk þessi skilaboð send. Sædís hefur einnig birt á Facebook nokkuð af skilaboðum sem stúlkan hefur fengið frá öðrum börnum. Í mörgum þeirra er henni sagt að svipta sig lífi og því fagnað þegar hún segist hafa reynt það. Sædís segist vera hálf dofin eftir allt sem hefur gengið yfir. Hún er nánast vonlaus vegna ástandsins en Barnavernd gerir nú sitt besta til þess að aðstoða við málið. Skilaboð sem stúlkan fær eru flest í gegnum Snapchat. Kolbrún Baldursdóttir, sálfræðingur og borgarfulltrúi Flokks fólksins, mætti í Bítið eftir að rætt var við Sædísi. Hún var gráti nær eftir að hafa hlustað á Sædísi og sagði málið vera átakanlegt og sorglegt. „Það slær mig alltaf þessi heift og reiði gerenda. Miskunnarleysi. Það er engin samkennd. Svo er reynt að miða á höfuð sem er stórhættulegt. Það er heppni að þarna hafi ekki orðið stórir áverkar,“ segir Kolbrún sem starfaði sem skólasálfræðingur í mörg ár. Þessi skilaboð fékk stúlkan nafnlaust. Hún segir einelti og ofbeldi aldrei réttlætanlegt, sama hver verður fyrir því, hvar og hvenær. Hún segir að barnaverndarkerfið þurfi líka að ná til gerendanna. „Þetta fylgir út í fullorðinslífið. Ég hef svo oft sem sálfræðingur verið með fólk hjá mér, fullorðið fólk, sem er enn að upplifa eftirsjá að hafa komið illa fram við aðra krakka. Eru að mæta þeim sem fullorðnum einstaklingum úti á götu. Þetta situr í þér áfram,“ segir Kolbrún. Að þættinum loknum hringdu hlustendur inn í Bítið á Bylgjunni og lýstu einelti sem börn þeirra eða þau sjálf hafa orðið fyrir. Hún segir samfélagsmiðla og netið eiga stóran þátt í auknu einelti en þó séu aðrir hlutir sem einnig þarf að taka tillits til. „Svo verðum við að hugsa um, við hvaða aðstæður búa þessi börn við, hvar er ábyrgð foreldra, hvar er eftirlitið?“ spyr Kolbrún. Ef þú upplifir vanlíðan eða sjálfsvíghugsanir eða hefur áhyggjur af einhverjum í kringum þig þá getur þú leitað til Hjálparsíma Rauða krossins 1717 (opið allan sólarhringinn), Píeta samtakanna í síma 552 2218 eða bráðamóttöku geðsviðs Landspítalans í síma 543 4050.
Ef þú upplifir vanlíðan eða sjálfsvíghugsanir eða hefur áhyggjur af einhverjum í kringum þig þá getur þú leitað til Hjálparsíma Rauða krossins 1717 (opið allan sólarhringinn), Píeta samtakanna í síma 552 2218 eða bráðamóttöku geðsviðs Landspítalans í síma 543 4050.
Börn og uppeldi Hafnarfjörður Skóla - og menntamál Ofbeldi gegn börnum Stafrænt ofbeldi Bítið Mest lesið Greta Thunberg á leið heim til Svíþjóðar Erlent Leitin ekki enn borið árangur Innlent Sendir tvö þúsund þjóðvarðliða til viðbótar til Los Angeles Erlent Níu látnir eftir skotárás í Austurríki Erlent Leita týnds göngumanns Innlent Taka húfurnar úr sölu: Harma að „misheppnað grín“ hafi komið illa við fólk Innlent Hundruð milljóna um allan heim muni eignast færri börn en þau vilja Erlent Ökumenn mótorhjóla greiða meira en landsbyggðin minna Innlent Hljóðfæraleikarar að óbreyttu á leið í verkfall Innlent Reyndi að stinga lögreglu af á stolnum bíl Innlent Fleiri fréttir Rafmagnslaust víða á Suðurlandi Leitin ekki enn borið árangur Reyndi að stinga lögreglu af á stolnum bíl Hljóðfæraleikarar að óbreyttu á leið í verkfall Leita týnds göngumanns Leita leiða til að auðvelda framsal fanga til heimalands síns Taka húfurnar úr sölu: Harma að „misheppnað grín“ hafi komið illa við fólk Nemar á Landspítalanum klæddust „Öldrunarbúningi“ Ökumenn mótorhjóla greiða meira en landsbyggðin minna Ástand í Kaliforníu og breytt frumvarp um kílómetragjald Tveir sjúkrabílar kallaðir út vegna bílslyss við Mjódd Sóttu veikan sjómann Konan er fundin Slökktu eld á svölum á fjórðu hæð í Engihjalla Ekki hægt að nota rafræn skilríki Mjög áhyggjufull yfir tilfærslu ráðuneytisins Frestun fjármagns til verkmenntaskóla, mótmæli í LA og fjölmenningarhátíð Komu í veg fyrir sýruleka á Akureyrarhöfn „Erum ekki að lýsa yfir stuðningi við Trump“ Þotur notaðar í flugi Icelandair til Nuuk Íslendingur á válista CIA árið 1970 Flutningur Konukots mikið framfaraskref en skilur áhyggjur nágranna Vond stjórnsýsla að teikna bara einhverja reiti á kort Fresta uppbyggingu verkmenntaskóla: „Þessi óvissa er fyrir neðan allar hellur“ Menningarveisla í allt sumar á Sólheimum Björgunarsveit selur derhúfur í stíl Bandaríkjaforseta Alvarlegt ástand í Los Angeles og opnun nýs Konukots Eftirlýstur maður handtekinn grunaður um vændiskaup Ríkisstjóri Utah heimsækir Eyjar: Mormónarnir vissu allt um sprönguna Heilbrigðisstofnun Suðurnesja skilaði 800 milljónum til ríkissjóðs Sjá meira