Handbolti

Óðinn Þór lánaður til Gum­mers­bach

Runólfur Trausti Þórhallsson skrifar
Óðinn Þór stekkur inn úr hægra horninu með KA. Hann mun nú hrella markverði þýsku B-deildarinnar fram að áramótum.
Óðinn Þór stekkur inn úr hægra horninu með KA. Hann mun nú hrella markverði þýsku B-deildarinnar fram að áramótum. Vísir/Vilhelm

Handknattleiksdeild KA hefur samið við þýska B-deildarfélagið VfL Gummersbach um að lána þeim hornamanninn Óðinn Þór Ríkharðsson út desembermánuð. Þetta kemur fram í tilkynningu sem KA sendi frá sér í dag.

Óðinn Þór samdi við KA fyrir tímabilið og hefur skorað 96 mörk í aðeins 13 leikjum í Olís-deild karla til þessa. Þá er Óðinn Þór í 35 manna landsliðshóp Íslands sem undirbýr sig nú fyrir Evrópumótið sem fram fer í Ungverjalandi og Slóvakíu í janúar.

KA hefur ákveðið að aðstoða Guðjón Val Sigurðsson, þjálfara Gummersbach, en mikil meiðsli herja nú á félagið. Lærisveinar Guðjóns Vals tróna á toppi þýsku B-deildarinnar og stefna á að vinna sér inn sæti í þýsku úrvalsdeildinni í vor.

Óðinn Þór yrði þar með þriðji Íslendingurinn í leikmannahóp liðsins en Hákon Daði Styrmisson og Elliði Snær Viðarsson leika báðir með liðinu sem stendur.

Handbolti Þýski handboltinn Íslenski handboltinn Olís-deild karla KA

Mest lesið


Fleiri fréttir

Sjá meira


×

Mest lesið