Handbolti

Snorri Steinn valdi tuttugu leik­menn fyrir komandi verk­efni

Aron Guðmundsson skrifar
Snorri Steinn Guðjónsson, landsliðsþjálfari íslenska karlalandsliðsins í handbolta, opinberar landsliðsval sitt í dag á blaðamannafundi sem sýnt verður beint frá hér á Vísi. 
Snorri Steinn Guðjónsson, landsliðsþjálfari íslenska karlalandsliðsins í handbolta, opinberar landsliðsval sitt í dag á blaðamannafundi sem sýnt verður beint frá hér á Vísi.  Vísir/Vilhelm

Snorri Steinn Guðjónsson valdi tuttugu leikmenn fyrir tvo landsleiki Íslands í undankeppni EM 2028. Viggó Kristjánsson er með í hópnum en hann hefur verið að glíma við meiðsli. 

Snorri Steinn greindi frá vali sínu á blaðamannafundi í höfuðstöðvum Arion Banka núna í hádeginu. Fátt kom á óvart í vali landsliðsþjálfarans.

Framundan eru fyrstu tveir leikir Íslands í undankeppni EM. Sá fyrri fer fram hér heima þann 4. nóvember næstkomandi á móti Úkraínu. Seinni leikurinn er gegn Eistlandi ytra þann 8. nóvember. 

Góðu fréttirnar eru þær að Snorri Steinn treystir Viggó Kristjánssyni, sem hefur verið fastamaður í landsliðinu en verið að glíma við meiðsli, til þess að taka þátt í verkefninu. Hann mun hins vegar ekki taka þátt í fyrri leiknum gegn Úkraínu. Þar tekur hann út leikbann.

Þorsteinn Leó Gunnarsson, leikmaður Porto er hins vegar frá. Hann er enn að jafna sig á meiðslum, er búinn að fara í aðgerð en ekki orðinn klár.

Jón Þórarinn Þorsteinsson, markvörður FH, fær sæti í hópnum líkt og liðsfélagi hans Jón Bjarni Ólafsson.

Landsliðshópur Íslands er eftirfarandi (Leikir/mörk):

Markmenn:

  • Viktor Gísli Hallgrímsson (Barcelona) 87/2
  • Björgvin Páll Gústavsson (Valur) 298/26
  • Jón Þórarinn Þorsteinsson (FH) 2/0

Hornamenn: 

  • Bjarki Már Elísson (PSG) 139/449 
  • Óðinn Þór Ríkharðsson (Kadetten) 71/217
  • Orri Freyr Þorkelsson (Sporting) 46/ 158
  • Sigvaldi Björn Guðjónsson (Hannover) 90/223

Skyttur og leikstjórnendur: 

  • Elvar Örn Jónsson (Magdeburg) 92/222
  • Janus Daði Smárason (Barcelona) 109/206
  • Reynir Þór Stefánsson (Melsungen) 5/8 
  • Gísli Þorgeir Kristjánsson (Magdeburg) 86/211
  • Kristján Örn Kristjánsson (SAH) 39/81
  • Viggó Kristjánsson (Erlangen) 84/260
  • Haukur Þrastarson (RN Löwen) 60/85
  • Ómar Ingi Magnússon (Magdeburg) 103/396

Línu- og varnarmenn 

  • Arnar Freyr Arnarsson (Flensburg) 120/129
  • Jón Bjarni Ólafsson (FH) 2/3
  • Einar Þorsteinn Ólafsson (Hamborg) 38/10
  • Ýmir Örn Gíslason (Göppingen) 119/48
  • Elliði Snær Viðarsson (Gummersbach) 76/180
Landslið karla í handbolta Handbolti HSÍ EM karla í handbolta 2028

Mest lesið


Fleiri fréttir

Sjá meira


×

Mest lesið