![Frá vnstri eru Ása Inga Þorsteinsdóttir [framkvæmdastjóri Stjörnunnar], Pétur Bjarnason [formaður handkn.deildar Stjörnunnar], Patrekur [þjálfari meistarflokks karla, íþrótta- og rekstrarsjóri Handknd.] og Heiðrún Jónsdóttir [varaformaður Stjörnunnar].](https://www.visir.is/i/AB8F2F4B7747D387298A0DDFE82FE4CBBEF26A2C4FAF9B567DEB8A60498E8354_713x0.jpg)
Handknattleiksdeild Stjörnunnar tilkynnti þetta í dag.
Hlutverk Patreks sem íþróttastjóra mun vera að hafa yfirumsjón með öllu starfi handboltans í Garðabænum. Frá yngstu iðkendum deildarinnar til afreksstarfs. Er markmiðið að leggja faglega línu í gegnum allt starfið og sama stefna verði í öllum flokkum deildarinnar.
Nýtt hlutverk Patreks þýðir að starf yfirþjálfara hjá deildinni verður lagt niður.
Tilkynning Stjörnunnar í heild sinni
Handknattleiksdeild Stjörnunnar leggur metnað sinn í að skapa öllum iðkendum bestu aðstæður til að vaxa og þroskast sem handboltafólk. Einn liður í því er að gera allt skipulag og starf deildarinnar nútímalegt og áhrifaríkt.
Við kynnum því með stolti nýtt fyrirkomulag sem við teljum vera enn einn áfanga í að tryggja Stjörnuna sem handknattleiksfélag í fremstu röð. Patrekur Jóhannesson, tekur við nýju starfi sem Íþrótta og rekstrarstjóri handknattleiksdeildar Stjörnunnar. Hlutverk Patreks sem íþróttastjóra er að hafa yfirumsjón með öllu starfi handboltans, allt frá yngstu iðkendum til afreksstarfsins. Hann mun leggja faglega línu í gegnum allt starfið „bláu línuna“. Þetta mun þýða að öll þjálfun og vegferð iðkenda verður ein heildstæð samfella frá fyrstu skrefum sem ungir handbolta iðkendur og þar til þau komast inn í meistaraflokka.
Allir iðkendur eru þjálfaðir eftir sömu handboltastefnu upp alla yngri flokka og munu fá leiðbeiningar um hvað er ætlast til að þau hafi tileinkað sér á hverju stigi. Þetta mun gera iðkendum mun auðveldara að fara upp á milli flokka og einnig auðvelda þeim að vinna með nýjum þjálfurum þar sem allir vinna eftir sömu stefnunni.
Patrekur verður einnig rekstrarstóri deildarinnar og verður í mun nánara samstarfi við stjórn, meistaraflokksráð sem og Barna og Unglingaráð handknattleiksdeildar.
Í kjölfarið á þessum breytingum verður starf Yfirþjálfara lagt niður en það hefur gengt veigamiklu hlutverki í starfi yngri flokka félagsins en nú eru stigin stærri skref.
Pétur Bjarnason
Formaður Handknattleiksdeildar Stjörnunnar.
