Arnar Grétarsson mun ekki þjálfa KA næsta sumar, sama hvernig sumarið fer hjá liðinu í Pepsi Max deild karla í knattspyrnu.
Þetta kom fram í Pepsi Max Stúkunni en Guðmundur Benediktsson, þáttastjórnandi þáttarins, greindi frá. Segist Guðmundur hafa heimildir fyrir því að Arnar hafi látið stjórn félagsins vita að hann yrði ekki lengur þar en út sumarið.
„Ég held að menn ættu ekki að vera svakalega hissa á þessu,“ segir Gummi í þættinum.
Arnar tók við KA fyrr í sumar eftir að Óli Stefán Flóventsson var látinn taka poka sinn. Arnar stýrði KA til sigurs í fyrsta leik sínum og í kjölfarið fylgdu fimm jafntefli í næstu sex leikjum. Liðið vann svo frábæran 2-0 sigur á Fylki í síðustu umferð.
KA er komið með 14 stig og situr í 10. sæti eftir 13 leiki, sjö stigum frá fallsæti.
Ekki eru þó allir sammála heimildum Gumma.
Arnar Grétarsson hefur ekki tjáð neinum að hann muni hætta með KA eftir tímabilið. Hann hefur setið tæpa 2 mánuði og á 1,5 eftir. Mögulega í millitíðinni munu Arnar og stjórn KA ræða framtíðina og möguleika á áframhaldandi samstarfi. Báðir aðilar sáttir við samstarfið til þessa.
— Rikki G (@RikkiGje) September 14, 2020
Þar sem síminn minn stoppar ekki núna þá er fínt að það komi fram að KA gerði samning við Adda út okt. Aðilar sammála um að setjast niður ef og þegar sæti okkar í pepsi deildinni væri tryggt. Fullyrðingar um annað einfaldlega bull. . @GummiBen takk fyrir rólegt kvöld :)
— saevar petursson (@saevarp) September 14, 2020
