Starfs­stöðvum Hafnar­fjarðar, Garðarbæjar og Kópa­vogs fyrir fólk í við­kvæmri stöðu lokað

Hafnarfjarðarbær hefur tekið ákvörðun um að loka starfsstöðvum sveitarfélagsins sem halda úti þjónustu og starfsemi fyrir fólk sem er í viðkvæmri stöðu eða með undirliggjandi sjúkdóma. Ákvörðunin er tekin með hliðsjón af því að neyðarstigi almannavarna hafi verið lýst yfir hjá ríkislögreglustjóra í samráði við sóttvarnarlækni vegna kórónuveirunnar.

Þá tilkynnti Kópavogsbær einnig að starfsstöðvum sveitarfélagsins fyrir sama hóp yrði lokað vegna kórónuveirunnar. Þeim verður lokað tímabundið frá og með morgundeginum.

Eftirfarandi starfstöðvum í Hafnarfjarðarbæ hefur verið lokað: 

Hraunseli að Flatahrauni 3

Hjallabraut 33

 Sólvangsvegi 1

 Læki, Hörðuvöllum 1

Mötuneytum á Hjallabraut 33 og Sólvangsvegi 1 hefur einnig verið lokað.

Hæfingarmiðstöðin að Bæjarhrauni

Geitungar, atvinnuþjálfun

Vinaskjóli, lengdri viðveru

Skammtímadvöl í Hnotubergi.

Öll önnur þjónusta í Hafnarfirði helst órofin, það er, öll heimaþjónusta, stuðningsþjónusta, þjónusta í íbúðakjörnum og á heimilum. Þá verður unnið eftir skýrum verkferlum og í nánu samstarfi við neyðarstjórn sveitarfélagsins og almannavarnir.

Heimsóknarbann hefur verið sett á Hrafnistuheimilinu í Hafnarfirði og á hjúkrunarheimilinu á Sólvangi. Dagdvölinni á Sólvangi hefur einnig verið lokað. Dagdvöl á Hrafnistu er opin og í Drafnarhúsi.

Sjá einnig: Skerða ýmsa þjónustu fyrir aldraða og fatlaða vegna veirunnar

Staðan verður endurmetin daglega og tilkynningar og upplýsingar sendar til hlutaðeigandi.

Þær starfsstöðvar sem lokað hefur verið í Kópavogsbæ er eftirfarandi: 

Gjábakki

Gullsmári

Boðinn

Dvöl, athvarfi fyrir geðfatlaða

Hæfingarstöðinni Dalvegi

 Vinnustaðnum Örvi 

Hrauntunga

Þá mun Neyðarstjórn Kópavogs halda áfram að fylgjast náið með þróun mála í útbreiðslu kórónuveirunnar og er í daglegum samskiptum við almannavarnadeild ríkislögreglustjóra. Næsti fundur Neyðarstjórnar Kópavogs hefur verið boðaður síðdegis í dag.

Garðarbær mun einnig loka starfsstöðvum sínum fyrir fólk í viðkvæmri stöðu og eru það eftirfarandi starfsstöðvar sem lokað hefur verið:

 Jónshúsi, félagsmiðstöð, Strikinu 6

Smiðjunni, Kirkjuhvoli

Litlakoti, Álftanesi

Skammtímavistun í Móaflöt

Öllu skipulögðu tómstunda- og íþróttastarfi fyrir eldri borgara á vegum Garðarbæjar, s.s. í íþróttahúsinu í Sjálandsskóla og Ásgarði hefur verið fellt niður tímabundið.