Norska kvennalandsliðið í handbolta, sem Þórir Hergeirsson stýrir, rúllaði yfir Kúbu, 47-16, í fyrsta leik sínum í A-riðli heimsmeistaramótsins í Japan.
Eins og lokatölurnar gefa til kynna var Noregur með mikla yfirburði í leiknum. Í hálfleik munaði 16 mörkum á liðunum, 25-9.
Camilla Harrem og Heidi Løke skoruðu átta mörk hvor fyrir Noreg og Sanna Solberg sjö.
Noregur komst í úrslit á síðasta HM þar sem liðið tapaði fyrir Frakklandi. Heimsmeistararnir fóru ekki vel af stað en þeir töpuðu fyrir Suður-Kóreu, 27-29, í B-riðli. Í sama riðli vann Svíþjóð tíu marka sigur á Kongó, 26-16.
Danmörk, þriðja Norðurlandaþjóðin á HM, rústaði Ástralíu, 37-12.
Þá vann Spánn stórsigur á Rúmeníu, 16-31.
Stelpurnar hans Þóris unnu 31 marks sigur
