Trump sagði frá nýjum fundi með Kim í stefnuræðu sinni Gunnar Reynir Valþórsson og Kjartan Kjartansson skrifa 6. febrúar 2019 07:37 Stefnuræða Trump var 82 mínútna löng. Mike Pence varaforseti og Nancy Pelosi, forseti fulltrúadeildarinnar, fylgdust grannt með. Vísir/EPA Donald Trump Bandaríkjaforseti tilkynnti í stefnuræðu sinni í nótt að hann muni á næstunni hitta Kim Jong-un á nýjan leik til að ræða kjarnorkumál. Fundurinn á að fara fram dagana 27. og 28. febrúar næstkomandi og fer hann fram í Víetnam. Fundur Trumps og Kim Jong-un verður í annað sinn sem þeir hittast og sagði forsetinn í 82 mínútna langri ræðu sinni í nótt það vera sitt álit að ef þeir hefðu ekki hist á sínum tíma, væru Bandaríkjamenn nú í allsherjarstríði við Norður Kóreu. Trump ítrekaði loforð sitt um að byggja múr á landamærunum að Mexíkó án þess þó að leggja fram afarkosti í þeim efnum. Hann hefur ítrekað hótað að lýsa yfir neyðarástandi til að fara fram hjá þinginu og tryggja fjármuni fyrir framkvæmdunum en lét það vera í stefnuræðunni. Lýsti hann stöðunni á landamærunum engu að síður sem „áríðandi þjóðarneyðarástandi“. Þá gagnrýndi forsetinn harðlega þær rannsóknir sem eru í gangi og beinast að forsetanum og starfsliði hans í stefnuræðunni. Trump kallaði rannsóknirnar fáránlegar og runnar undan rifjum pólitískra andstæðinga sinna.Um leið biðlaði hann um pólitíska samstöðu í Bandaríkjunum og sagði að sundrung í landinu ógni hagsæld landsins. „Við verðum að hafna stjórnmálum hefndar, andstöðu og refsingar og að taka opnum örmum endalausum möguleikum samvinnu, málamiðlunar og almannaheilla,“ sagði forsetinn sem hefur klofið þjóð sína eins og fáir aðrir. Fyrr um daginn hafði hann kallað Chuck Schumer, leiðtoga demókrata í öldungadeild þingsins, „tíkarson“ og lýst Joe Biden, fyrrverandi varaforseta sem „heimskum“ í hádegisverði með fréttaþulum. Ákvörðun Trump um að draga allt herlið Bandaríkjanna frá Sýrlandi og mögulega Afganistan hafa verið umdeildar. Í stefnuræðunni sinni endurtók Trump að hafi viljað hætta endalausum stríðum frá því í kosningabaráttunni. „Nú þegar við vinnum með bandamönnum okkar að því að eyða því sem eftir eimir af Ríki íslams er kominn tími til að við bjóðum hugrökku stríðsmennina okkar í Sýrlandi velkomna heim," sagði Trump. Þingmenn repúblikana veittu Trump standandi lófatök og mátti heyra hávær fagnaðaróp í þingsalnum.Þingkonur demókrata skáru sig sérstaklega úr í þingsalnum en þær mættu hvítklæddar til að heiðra súffragetturnar sem börðust fyrir kosningarétti kvenna. Aldrei hafa fleiri konuð setið á þingi en nú, langlflestar þeirra fyrir demókrata.Vísir/EPAVísun til árangurs kvenna eina sem sameinaði fylkingarnar Ræðan fór síður vel í demókrata í salnum með einni undantekningu. Þingmenn þeirra fögnuðu vel þegar Trump minntist á að aldrei hefðu fleiri konur átt sæti á Bandaríkjaþingi en nú. Konur í þingliði demókrata, sem sameinuðust um að mæta hvítkæddar á ræðuna til að heiðra súffragettur sem börðust fyrir kosningarétti kvenna, stóðu þá upp og klöppuðu fyrir sér og forsetanum. „Allir Bandaríkjamenn geta verið stoltir af því að við höfum fleiri konur á vinnumarkaðinum en nokkru sinni áður og einmitt einni öld eftir að þingið samþykktu stjórnarskrárviðauka um að gefa konum kosningarétt erum við einnig við fleiri konur á þingi en nokkru sinni áður,“ sagði Trump við dynjandi lófatak. Utan þess augnabliks er loftið í þingsalnum sagt hafa verið spennuþrungið. Þegar Trump sagði stöðu ríkisins sterka sátu hvítklæddar konur í liði demókrata fastar í sætum sínum á meðan þingmenn repúblikana, sem langflestir eru hvítir karlmenn í dökkum jakkafötum, stóðu upp og klöppuðu, að sögn Washington Post. Eftir að ræðu Trump var lokið sendu demókratar frá sér andsvar. Stacey Abrams, sem tapaði naumlega kosningum til ríkisstjóra í Georgíu, gagnrýndi forsetann harðlega fyrir að hafa valdið rúmlega mánaðarlangri lokun alríkisstofnana. „Lokunin var glæfrabragð sem forseti Bandaríkjanna hannaði og storkaði öllum meginreglum um sanngirni og varpaði ekki aðeins þjóð okkar, heldur gildum okkar, fyrir róða,“ sagði Abrams. Bandaríkin Donald Trump Norður-Kórea Mest lesið Hótar að beita stríðsmálaráðuneytinu: „Chipocalypse Now“ Erlent Ákærðir fyrir hópnauðgun gegn ólögráða stúlku Innlent Ákærðir vegna fölsuðu taflanna tuttugu þúsund Innlent „Vona bara að hún grípi til raunverulegra aðgerða sem bíta“ Innlent Aðsetur ríkisstjórnarinnar logar eftir árásir næturinnar Erlent Veltir fyrir sér hvort íslensk íþróttafélög verði af milljörðum Innlent „Eins og að fá hnefahögg í andlitið“ Innlent Kennir íslensku en fær ekki ríkisborgararétt að óbreyttu Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Korn ræktað á um fjögur þúsund hekturum Innlent Fleiri fréttir Aðsetur ríkisstjórnarinnar logar eftir árásir næturinnar Hótar að beita stríðsmálaráðuneytinu: „Chipocalypse Now“ Webb smellti af nýburamyndum Harðlega gagnrýndur af bæði Demókrötum og Repúblikönum Fundu ofgnótt ferskvatns undir sjávarbotninum í Atlantshafi Segir af sér sem ráðherra og varaformaður Verkamannaflokksins „Selir“ skutu óvopnaða borgara í leyniaðgerð í Norður-Kóreu Hertogaynjan af Kent er látin Konungssinninn Anutin Charnvirakul nýr forsætisráðherra Taílands Bretar, Kanadamenn, Suður-Kóreubúar og Þjóðverji meðal látinna í Lissabon Sér ekki tilgang í öryggistryggingum þar sem Rússum sé treystandi Skoða að banna trans fólki að eiga skotvopn Svíar saka Rússa um auknar truflanir í staðsetningarbúnaði Gekkst undir aðgerð vegna húðkrabbameins Kynnir stríðsmálaráðuneytið til leiks Gerðu loftárás á vinnusvæði danskra hjálparsamtaka Yfir tvö þúsund látnir eftir jarðskjálftann Segir 26 ríki vilja senda hermenn til Úkraínu Sá sem ók á skrúðgöngu Liverpool-manna lýsti yfir sakleysi Mátti ekki stöðva fjárveitingar til Harvard Tískugoðsögnin Giorgio Armani er fallin frá Búa sig undir komu hermanna og útsendara ICE Evrópuleiðtogar funda um öryggistryggingar fyrir Úkraínu Spinna samsæriskenningar vegna óvenjumargra andláta frambjóðenda Biðja hæstarétt um flýtimeðferð vegna tolla Höfundur Father Ted handtekinn fyrir að hvetja til ofbeldis gegn trans fólki Allir íbúar munu geta höfðað mál vegna þungunarrofslyfja Vinna að lista yfir vini og samstarfsmenn Epstein Mjótt á munum í Noregi og líkur á flókinni stjórnarmyndun Mótmæla hugmyndum um innlimun nær alls Vesturbakkans Sjá meira
Donald Trump Bandaríkjaforseti tilkynnti í stefnuræðu sinni í nótt að hann muni á næstunni hitta Kim Jong-un á nýjan leik til að ræða kjarnorkumál. Fundurinn á að fara fram dagana 27. og 28. febrúar næstkomandi og fer hann fram í Víetnam. Fundur Trumps og Kim Jong-un verður í annað sinn sem þeir hittast og sagði forsetinn í 82 mínútna langri ræðu sinni í nótt það vera sitt álit að ef þeir hefðu ekki hist á sínum tíma, væru Bandaríkjamenn nú í allsherjarstríði við Norður Kóreu. Trump ítrekaði loforð sitt um að byggja múr á landamærunum að Mexíkó án þess þó að leggja fram afarkosti í þeim efnum. Hann hefur ítrekað hótað að lýsa yfir neyðarástandi til að fara fram hjá þinginu og tryggja fjármuni fyrir framkvæmdunum en lét það vera í stefnuræðunni. Lýsti hann stöðunni á landamærunum engu að síður sem „áríðandi þjóðarneyðarástandi“. Þá gagnrýndi forsetinn harðlega þær rannsóknir sem eru í gangi og beinast að forsetanum og starfsliði hans í stefnuræðunni. Trump kallaði rannsóknirnar fáránlegar og runnar undan rifjum pólitískra andstæðinga sinna.Um leið biðlaði hann um pólitíska samstöðu í Bandaríkjunum og sagði að sundrung í landinu ógni hagsæld landsins. „Við verðum að hafna stjórnmálum hefndar, andstöðu og refsingar og að taka opnum örmum endalausum möguleikum samvinnu, málamiðlunar og almannaheilla,“ sagði forsetinn sem hefur klofið þjóð sína eins og fáir aðrir. Fyrr um daginn hafði hann kallað Chuck Schumer, leiðtoga demókrata í öldungadeild þingsins, „tíkarson“ og lýst Joe Biden, fyrrverandi varaforseta sem „heimskum“ í hádegisverði með fréttaþulum. Ákvörðun Trump um að draga allt herlið Bandaríkjanna frá Sýrlandi og mögulega Afganistan hafa verið umdeildar. Í stefnuræðunni sinni endurtók Trump að hafi viljað hætta endalausum stríðum frá því í kosningabaráttunni. „Nú þegar við vinnum með bandamönnum okkar að því að eyða því sem eftir eimir af Ríki íslams er kominn tími til að við bjóðum hugrökku stríðsmennina okkar í Sýrlandi velkomna heim," sagði Trump. Þingmenn repúblikana veittu Trump standandi lófatök og mátti heyra hávær fagnaðaróp í þingsalnum.Þingkonur demókrata skáru sig sérstaklega úr í þingsalnum en þær mættu hvítklæddar til að heiðra súffragetturnar sem börðust fyrir kosningarétti kvenna. Aldrei hafa fleiri konuð setið á þingi en nú, langlflestar þeirra fyrir demókrata.Vísir/EPAVísun til árangurs kvenna eina sem sameinaði fylkingarnar Ræðan fór síður vel í demókrata í salnum með einni undantekningu. Þingmenn þeirra fögnuðu vel þegar Trump minntist á að aldrei hefðu fleiri konur átt sæti á Bandaríkjaþingi en nú. Konur í þingliði demókrata, sem sameinuðust um að mæta hvítkæddar á ræðuna til að heiðra súffragettur sem börðust fyrir kosningarétti kvenna, stóðu þá upp og klöppuðu fyrir sér og forsetanum. „Allir Bandaríkjamenn geta verið stoltir af því að við höfum fleiri konur á vinnumarkaðinum en nokkru sinni áður og einmitt einni öld eftir að þingið samþykktu stjórnarskrárviðauka um að gefa konum kosningarétt erum við einnig við fleiri konur á þingi en nokkru sinni áður,“ sagði Trump við dynjandi lófatak. Utan þess augnabliks er loftið í þingsalnum sagt hafa verið spennuþrungið. Þegar Trump sagði stöðu ríkisins sterka sátu hvítklæddar konur í liði demókrata fastar í sætum sínum á meðan þingmenn repúblikana, sem langflestir eru hvítir karlmenn í dökkum jakkafötum, stóðu upp og klöppuðu, að sögn Washington Post. Eftir að ræðu Trump var lokið sendu demókratar frá sér andsvar. Stacey Abrams, sem tapaði naumlega kosningum til ríkisstjóra í Georgíu, gagnrýndi forsetann harðlega fyrir að hafa valdið rúmlega mánaðarlangri lokun alríkisstofnana. „Lokunin var glæfrabragð sem forseti Bandaríkjanna hannaði og storkaði öllum meginreglum um sanngirni og varpaði ekki aðeins þjóð okkar, heldur gildum okkar, fyrir róða,“ sagði Abrams.
Bandaríkin Donald Trump Norður-Kórea Mest lesið Hótar að beita stríðsmálaráðuneytinu: „Chipocalypse Now“ Erlent Ákærðir fyrir hópnauðgun gegn ólögráða stúlku Innlent Ákærðir vegna fölsuðu taflanna tuttugu þúsund Innlent „Vona bara að hún grípi til raunverulegra aðgerða sem bíta“ Innlent Aðsetur ríkisstjórnarinnar logar eftir árásir næturinnar Erlent Veltir fyrir sér hvort íslensk íþróttafélög verði af milljörðum Innlent „Eins og að fá hnefahögg í andlitið“ Innlent Kennir íslensku en fær ekki ríkisborgararétt að óbreyttu Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Korn ræktað á um fjögur þúsund hekturum Innlent Fleiri fréttir Aðsetur ríkisstjórnarinnar logar eftir árásir næturinnar Hótar að beita stríðsmálaráðuneytinu: „Chipocalypse Now“ Webb smellti af nýburamyndum Harðlega gagnrýndur af bæði Demókrötum og Repúblikönum Fundu ofgnótt ferskvatns undir sjávarbotninum í Atlantshafi Segir af sér sem ráðherra og varaformaður Verkamannaflokksins „Selir“ skutu óvopnaða borgara í leyniaðgerð í Norður-Kóreu Hertogaynjan af Kent er látin Konungssinninn Anutin Charnvirakul nýr forsætisráðherra Taílands Bretar, Kanadamenn, Suður-Kóreubúar og Þjóðverji meðal látinna í Lissabon Sér ekki tilgang í öryggistryggingum þar sem Rússum sé treystandi Skoða að banna trans fólki að eiga skotvopn Svíar saka Rússa um auknar truflanir í staðsetningarbúnaði Gekkst undir aðgerð vegna húðkrabbameins Kynnir stríðsmálaráðuneytið til leiks Gerðu loftárás á vinnusvæði danskra hjálparsamtaka Yfir tvö þúsund látnir eftir jarðskjálftann Segir 26 ríki vilja senda hermenn til Úkraínu Sá sem ók á skrúðgöngu Liverpool-manna lýsti yfir sakleysi Mátti ekki stöðva fjárveitingar til Harvard Tískugoðsögnin Giorgio Armani er fallin frá Búa sig undir komu hermanna og útsendara ICE Evrópuleiðtogar funda um öryggistryggingar fyrir Úkraínu Spinna samsæriskenningar vegna óvenjumargra andláta frambjóðenda Biðja hæstarétt um flýtimeðferð vegna tolla Höfundur Father Ted handtekinn fyrir að hvetja til ofbeldis gegn trans fólki Allir íbúar munu geta höfðað mál vegna þungunarrofslyfja Vinna að lista yfir vini og samstarfsmenn Epstein Mjótt á munum í Noregi og líkur á flókinni stjórnarmyndun Mótmæla hugmyndum um innlimun nær alls Vesturbakkans Sjá meira