Ari Jósepsson hefur hætt við forsetaframboð sitt. Hann greinir frá þessu í yfirlýsingu sem hann birtir á Facebook en þar segir hann fjölmiðlaumfjöllun undanfarið hafa að mestu einskorðast við umfjöllun um þá sem virðast taldir sigurstranglegastir á meðan aðrir eru nánast ekki nefndir á nafn.
Hann segist hætta við framboðið því hann sjái ekki fram á að sú vinna sem þarf að leggja í framboðið skili tilætluðum árangri.
