Innlent

D-listi með meirihluta

Ný skoðanakönnun Fréttablaðsins bendir líkt og fyrri kannanir til að Vilhjálmur Þ. Vilhjálmsson verði næsti borgarstjóri.
Ný skoðanakönnun Fréttablaðsins bendir líkt og fyrri kannanir til að Vilhjálmur Þ. Vilhjálmsson verði næsti borgarstjóri.
Sjálfstæðisflokkurinn fengi annaðhvort atkvæði í kosningum til borgarstjórnar samkvæmt nýrri skoðanakönnun Fréttablaðsins. Frjálslyndi flokkurinn mælist í fyrsta sinn í sögu flokksins með nógu mikið fylgi í skoðanakönnun til að ná manni inn í borgarstjórn.

Sjálfstæðismenn taka við valdataumum í borginni eftir kosningar samkvæmt niðurstöðum nýrrar skoðanakönnunar Fréttablaðsins.

Framsóknarflokkurinn mælist með tæplega fjögurra prósenta fylgi og nær samkvæmt því ekki inn manni. Sjálfstæðisflokkur fengi nær helming atkvæða og átta af fimmtán borgarfulltrúum. Frjálslyndir stórauka fylgi sitt og mælast með átta prósenta fylgi og ná samkvæmt því einum manni inn í borgarstjórn. Samfylkingin fengi tæp þrjátíu prósent og fimm borgarfulltrúa. Vinstri grænir fengju rúm níu prósent samkvæmt könnuninni og einn borgarfulltrúa.

Ólafur F. Magnússon, oddviti Frjálslyndra og óháðra, er afar ánægður með niðurstöðuna. Hann telur þó að flokkurinn eigi enn inni fylgi. "Ég minni á daginn sem kosið var 2002 var F-listi með þriggja prósenta fylgi í skoðanakönnun Fréttablaðsins í byrjun dags og við enduðum daginn með sex prósent." Hann segir stefnuna núna setta á að fá Margréti K. Sverrisdóttur, 2. mann á lista frjálslyndra, inn í borgarstjórn.



Borgarstjórn Framsóknarflokkurinn Fréttir Frjálslyndi flokkurinn Innlent Kannanir Fréttablaðsins Samfylkingin Sjálfstæðisflokkurinn Stj.mál Sveitarstjórnarkosningar Vinstri græn

Mest lesið


Fleiri fréttir

Sjá meira


×

Mest lesið