Of lágt boðið í hlut borgarinnar.

Borgarfulltrúar allra flokka í borgarstjórn Reykjavíkur eru ósáttir við það verð sem ríkisvaldið er reiðubúið að greiða fyrir hlut borgarinnar í Landsvirkjun. Stjórnvöld eru reiðubúin að greiða 56 milljarða króna en það eru fulltrúar R-lista, Sjálfstæðisflokks og Frjálslynda flokksins sammála um að sé of lágt.

Borgarfulltrúar Sjálfstæðisflokks lögðu fram bókun þar sem kemur fram að þeim finnst eðlilegast að slíta viðræðum fyrst stjórnvöld eru ekki reiðubúin að greiða hærra verð.