Fowler á nokkuð í land

Robbie Fowler, framherjinn knái hjá Manchester City, er enn nokkrum vikum frá því að ná bata á þeim meiðslum sem hafa hrjáð hann í allt sumar. Fowler hefur verið sárþjáður í baki og staðfesti Stuart Pearce, knattspyrnustjóri félagsins, í gær að Fowler væri ekki enn byrjaður að æfa með aðalliðinu. "Það eru enn nokkrar vikur í hann, hversu margar nákvæmlega get ég ekki sagt. En við söknum hans," sagði Pearce sem hefur þó úr ágætum framherjum að velja í fjarveru Fowler, til að mynda þeim Andy Cole og Darius Vassel.