Fréttir

Fyrrum Sósíal­istar stýra Ungum vinstri grænum

Þrír af fjórum stjórnarmönnum í nýkjörinni stjórn ungliðahreyfingar Vinstri grænna hafa áður skipað sæti á framboðslista Sósíalistaflokksins. Formaðurinn, sem skipaði 2. sæti á lista Sósíalistaflokksins í Norðausturkjördæmi árið 2024, kveðst hafa skipt um flokk eftir að starf Sósíalista úti á landi hafi lagst af.

Innlent

Fara fram á út­göngu­bann í nokkrum frönskum borgum

Forsætisráðherra Frakklands segist hafa farið fram á það við sveitarstjórnir í Frakklandi að sett verði á takmarkað útgöngubann í nokkrum borgum landsins eftir óeirðir og mótmæli víða um land um helgina. Innanríkisráðherra Frakklands hefur viðurkennt að stjórnvöld hafi misst stjórn á ástandinu í borgum líkt og Paris og Lyon.

Erlent

„Leiðin­legt þegar svona kemur upp og Ísland.is verður fyrir höggi“

„Við, eins og allir, höfum vissulega áhyggjur af því og það eru náttúrulega hin raunverulegu fórnarlömb í þessum máli öllu saman. Það eru ungmenninn sem láta glepjast í að kaupa og greiða fyrir svona lausnir. Auðvitað höfum við áhyggjur af því eins og aðrir. Við viljum beita okkur í upplýsingagjöf og öðru til að fyrirbyggja það.“ 

Innlent

Ísaksskóli eignast Ísaksskóla

Í dag voru undirrituð afsal og önnur lokagögn vegna kaupa Ísaksskóla á fasteigninni að Bólstaðarhlíð 20. Þar með hefur Reykjavíkurborg lokið sölu á húsnæðinu og er skólinn aftur orðinn eigandi að því húsnæði sem hefur verið heimili skólastarfsins um áratugaskeið.

Innlent

Saka Ingu um skæting og hel­beran dóna­skap

Þingmenn stjórnarandstöðunnar sökuðu ráðherra, og einkum þá Ingu Sæland mennta- og barnamálaráðherra, um skæting og dónaskap á þingfundi í dag. Sigurjón Þórðarson, þingmaður Flokks fólksins, sagðist ekkert skilja um hvað „blúndurnar í stjórnarandstöðunni“ væru að tala um.

Innlent

Kraumar enn í Wolt-sendlum

Tugir sendla hjá fyrirtækinu Wolt komu saman á skrifstofu Eflingar í dag. Þeir fara fram á að lágmarksgreiðslur verði hækkaðar og skipuleggja aðgerðir.

Innlent

Sakaðir um að svelta 190 börn til dauða

Kenískur prestur verður í dag dæmdur í umfangsmiklu fjöldamorðsmáli. Paul Mackenzie stýrði sértrúarsöfnuði en hann og fylgjendur hans eru sakaðir um að hafa myrt 190 börn og einn fullorðinn mann. Mackenzie sannfærði foreldra barnanna um að svelta þau til dauða svo þau gætu hitt Jesú.

Erlent

Þúsundir hvetja til út­tektar og ríkis­sak­sóknari í­hugar á­frýjun

Undirskriftasöfnun er hafin í kjölfar umdeilds dóms Landsréttar þar sem maður var sýknaður af nauðgun eftir að hafa áður verið dæmdur í fimm ára fangelsi í héraðsdómi. Ríkissaksóknari íhugar að áfrýja málinu til hæstaréttar. Verkefnastjóri við Háskóla Íslands segir dómarana tvo sem sýknuðu manninn í mótsögn við eigin rökstuðning og hafi varpað ábyrgðinni á ofbeldinu yfir á konuna.

Innlent

Hótar að auka við­búnað á landa­mærunum

Kim Yo Jong, áhrifamikil systir norðurkóreska einræðisherrans Kim Jong Un, segir að landamæri ríkisins og Suður-Kóreu séu „mjög óstöðug“. Vegna þessa og annarra aðgerða „glæpamanna“ í Suður-Kóreu sé meðal annars verið að skoða að auka viðbúnað þar og setja aftur upp stóra hátalara við landamærin og básúna pólitísk skilaboð yfir þau.

Erlent

Tíu mánuðir án á­kvörðunar um um­önnunar­bilið

Ekki hefur verið tekin ákvörðun um næstu skref við að brúa bilið milli fæðingarorlofs og leikskóla, tíu mánuðum eftir að aðgerðahópur skilaði tillögum sínum. Hópurinn lagði til að viðræðum ríkis og sveitarfélaga lyki í maí og frumvarp um lögbundna ábyrgð sveitarfélaga á leikskólarekstri kæmi fram í haust.

Innlent

Mið­flokkurinn fær um­boðið

Leiðtogi Miðflokksins fékk umboð til stjórnarmyndunar í Svíþjóð í dag. Jafnaðarmönnum hafði ekki tekist að klambra saman ríkisstjórn á þeim rúma mánuði sem er liðinn frá kosningum.

Erlent

Borgir geti sett á útivistarbann: „Nemandi hefur misst höndina“

Íslenskur kennari við Sorbonne-háskólann í París segir mótmælin þar að mestu hafa farið friðsamlega fram. Mótmæli stúdenta eigi fátt sameiginlegt með þeim óeirðum sem hafa geisað undanfarna daga. Mótmælin hafi sett kennslu hans úr skorðum og nemandi hafi misst hendi í átökum við lögreglu. 

Erlent

Prestur lést þegar róðu­kross féll á hann

Ekvadorskur prestur lét lífið þegar stór róðukross féll á hann í miðri messu á laugardaginn. Alfredo Sánchez Molinari var prestur í Guayaquil en hann var 53 ára gamall. Streymt var frá messunni í beinni útsendingu og hefur myndband af slysinu verið í dreifingu á netinu um helgina.

Erlent

Í­búarnir höfðu betur

Meirihlutinn í bæjarstjórn Hafnarfjarðar hefur ákveðið að falla frá áformum um uppbyggingu íbúða fyrir tímabundna búsetu við Krýsuvíkurveg og Hvaleyrarvatnsveg. Uppbyggingin þótti afar umdeild og var henni mótmælt á íbúafundi fyrr í mánuðinum. 

Innlent

Senda far til að kanna upp­runa Fó­bosar

Japönsku geimfari sem er ætlað að safna sýnum frá Fóbos, öðru af tveimur smátunglum Mars, verður skotið á loft á morgun. Markmiðið er að varpa ljósi á uppruna tunglanna tveggja.

Erlent

Ók viljandi á ástralska þingkonu

Ekið var á ástralska þingkonu fyrir utan skrifstofu hennar í Wangaratta í morgun. Útlit er fyrir að 43 ára maður hafi vísvitandi ekið á Helen Haines á Toyota Landcruiser en Anthony Albanese, forsætisráðherra, segir atvikið rannsakað af hryðjuverkalögreglu. Ekki sé um slys að ræða.

Erlent

Mest lesið