Ísland í dag - „Ég hélt í alvöru að hann væri að deyja“
Þorsteinn Elfar er sjö ára bráðsnjall og lífsglaður drengur. Hann lýkur viðhaldsmeðferð í desember eftir langa og hetjulega baráttu við hvítblæði. Hann kýs þó ekki að líta á sig sem hetju heldur skilgreinir hann sig sem illmenni sem notar brosið til að drepa krabbameinið. Við ræðum bataferlið við hann og móður hans. Afmælisdaginn á Þorláksmessu á skurðdeild, kjötbollur eftir svæfingu í öndunarvél og vöfflur með kokteilsósu settu svip sinn á vegferðina.
