Fundu byssur í bílum og hand­tóku fimm

Rúv greinir frá og hefur eftir aðstoðaryfirlögregluþjóni á Norðurlandi eystra að lögreglu hafi borist tilkynning um grun um vopnaburð. Tveir hafi verið stöðvaðir og skotvopn fundist í báðum bílum.

Ekki náðist í lögregluna á Akureyri þegar Vísir hafði samband.

Á myndskeiði sem Vísir hefur undir höndum má sjá fjölda lögreglubíla við gatnamót í bænum. Þá sést í lögreglu leiða – að því er virðist – ungan dökkhærðan mann inn í lögreglubíl. Sá virðist klæddur í víðar buxur og strigaskó.

Mikill mannfjöldi hefur verið á Akureyri um verslunarmannahelgina þar sem fjölskylduhátíðin Ein með öllu hefur staðið yfir auk stórtónleika FM95BLÖ í gær.

Fréttin verður uppfærð...