Villi Birgis grætur Kram­búðina á Akra­nesi

„Fyrir mig er þetta ekki bara enn ein verslunin sem hverfur, því konan mín hefur verið verslunarstjóri þar í hartnær aldarfjórðung og því hefur Krambúðin verið stór hluti af okkar lífi.”

Vilhjálmur segist, á Facebook, tala fyrir hönd margra Skagamanna þegar hann segir að mikill söknuður verði af þessari verslun sem þjónað hefur bæjarbúum af einstakri samviskusemi.

„Verið opin alla daga ársins frá klukkan 8 á morgnana til 23:30 á kvöldin og höfum oft bjargað málunum þegar eitthvað hefur vantað á síðustu stundu. Þarna hafa líka fjölmargir ungir Skagamenn stigið sín fyrstu spor á vinnumarkaði, lært ábyrgð og þjónustulund og staðið sig með miklum sóma. Með lokuninni munu um 12 störf tapast, sem er sárt fyrir samfélagið okkar.“

Vilhjálmur bendir á að nú standi yfir rýmingarsala með helmings afslætti af öllum vörum, að tóbaki undanskildu, svo nú sé tækifæri fyrir Skagamenn að gera góð kaup áður en dyrunum verður lokað í síðasta sinn.

„Ég mun sakna Krambúðarinnar – svo mikið er víst. Takk fyrir allt sem hún hefur gefið okkur í gegnum árin,“ segir Vilhjálmur og lætur hjarta fylgja.