Berg­lind verður bæjar­stjóri og Óðinn for­maður bæjar­ráðs

Áður hafði Ásthildur Sturludóttir tilkynnt að hún muni hætta sem bæjarstjóri um mánaðarmótin eftir átta ára starf. Hún var upprunalega ráðin árið 2018 til starfa af meirihluta L-lista, Framsóknar og Samfylkingar.

Berglind segir í samtali við Vísi að hin nýja staða leggist vel í hana.  „Ég er mjög auðmjúk að vera sýnt þetta traust og ég fer spennt inn í þessu stóru og mikilvægu verkefni.“

Hún segir að nýr meirihluti muni leggja áherslu á atvinnumálin. „Og að halda áfram að stýra rekstri bæjarins með ábyrgum og skynsömum hætti og styrkja á sama tíma velferð og grunnþjónutu við íbúana.“

Í málefnasamningi meirihlutans segir að samningurinn leggi grunn að ábyrgri og framsækinni uppbyggingu Akureyrarbæjar. Á næstu árum ætli meirihlutinn sér að sækja fram bæði í atvinnuuppbyggingu og í þjónustu við íbúa.

„Við ætlum að styrkja atvinnulíf, bæta þjónustu og einfalda stjórnsýslu, ásamt því að gæta aðhalds í fjármálum. Sérstök áhersla verður lögð á húsnæðismál, skipulag, samgöngur og umhverfi, auk þess sem við ætlum að efla menningarstarf, íþróttir og tómstundir. Við viljum bæta lífsgæði eldri borgara, styrkja velferð barna og byggja upp hindrunarlaust samfélag. Þá verður hagsmunagæsla Akureyrarbæjar stórefld, með áherslu á heilbrigðisþjónustu, menntun, samgöngur og öryggi.“

Lesa má málefnasamninginn í heild sinni hér fyrir neðan.

• malefnasamningur_2026_yfirfaridPDF217KB
  Sækja skjal