Innlent

Íris Helga neitar sök

Birgir Olgeirsson skrifar
Íris Helga ræddi málið frá sínum bæjardyrum séð í viðtali við Brotkast nýverið.
Íris Helga ræddi málið frá sínum bæjardyrum séð í viðtali við Brotkast nýverið. Grafík/Brotkast

Íris Helga neitaði sök við þingfestingu á ákæru gegn henni í Héraðsdómi Reykjaness sem hófst klukkan 14 í dag.

 Íris Helga er ákærð fyrir umfangsmikið umsáturseinelti gegn þremur karlmönnum, börnum tveggja þeirra, sambýliskonu eins þeirra og fjölskyldu hennar. 

Ákæruliðirnir eru tugir talsins en hún neitaði sök í þeim öllum. 

Samkvæmt ákæru frá 7. apríl er hún sökuð um hótanir, ærumeiðingar, rangar sakargiftir, skjalafals og barnaverndarlagabrot á árunum 2022 til 2025. 

Hún á meðal annars að hafa sakað menn opinberlega um barnaníð, ofbeldi og nauðgun. Þá er hún sökuð um að hafa fengið annan mann til að maka saur á hurðarhúna heimilis og bíls. Maðurinn er einnig ákærður.

Hún er einnig sökuð um að hafa komið að heimili með krukku sem hún sagði innihalda fóstur. Gerðar eru bótakröfur upp á samtals 9,25 milljónir króna og brotin geta varðað allt að fjögurra ára fangelsi.

Fréttin er í vinnslu

Lögreglumál Dómsmál Stafrænt ofbeldi Kynferðisofbeldi

Tengdar fréttir

Ákæran á hendur Írisi Helgu: Sakaði menn um barnaníð, laug upp á börn og lét maka saur

Íris Helga Jónatansdóttir hefur verið ákærð fyrir umfangsmikið umsáturseinelti gegn þremur karlmönnum, börnum tveggja þeirra, sambýliskonu eins þeirra og fjölskyldu sambýliskonunnar. Hún er meðal annars ákærð fyrir að væna fólkið opinberlega um barnaníð, ljúga kynferðisbroti upp á þrjá skólabræður dóttur eins mannanna og fá mann sem hún var í slagtogi við til að maka saur á hurðarhúna heimilis og bíls eins mannanna. Sá er einnig ákærður í málinu. Þá hefur hún játað að hafa logið nauðgun upp á einn mannanna.

Kona handtekin vegna dánartilkynningar í Morgunblaðinu

Lögreglan á Suðurnesjum hefur handtekið konu í þágu rannsóknar á umsáturseinelti í kjölfar birtingar á dánartilkynningu í Morgunblaðinu nú í morgun. Lögregla ætlar að fara fram á gæsluvarðhald yfir konunni í dag.

Mest lesið


Fleiri fréttir

Sjá meira


×

Mest lesið