Tyrk­neska hlaupatilraunin mis­tókst

Meðal þeirra sem sóttu um að gerast Tyrki er hlauparinn Ronald Kwemoi frá Keníu, sem vann silfurverðlaun á Ólympíuleikunum 2024 þegar hann varð í öðru sæti í 5.000 metra hlaup á eftir Norðmanninum Jakob Ingebrigtsen.

Brigid Kosgei frá Keníu var einnig meðal umsækjanda en hún er fyrrum heimsmetshafi í maraþoni.

Dómnefndin sem tók málið fyrir úrskurðaði að Tyrkland hefði með ólögmætum hætti lokkað íþróttafólkið til sín. Í niðurstöðum segir að íþróttafólkinu hafi verið boðnir stórir samningar hjá frjálsíþróttafélögum í eigu tyrkneska ríkisins.

Alþjóða frjálsíþróttasambandið fór í mikla endurskoðun á reglum um breytingar á skráningu þjóðernis árið 2018 og hefur tekið harðar á þessum málum.

Tyrkland mun því ekki verða meðal fremstu hlaupaþjóða á nýjan leik, eins og gerðist árið 2016 þegar Tyrkland vann tólf verðlaun á Evrópumótinu, með keppendum sem áttu sínar ættir að rekja allt annars staðar.