Um 44 prósent hlynnt for­gangs­röðun í samgönguáætlun

Í samantekt Maskínu segir að þegar niðurstöðurnar eru skoðaðar eftir búsetu svarenda teiknist upp örlítið frábrugðin mynd. Þar sjáist að íbúar á Austurlandi eru andvígari þessari forgangsröðun en íbúar annarra landshluta. Þar eru tæplega 55 prósent andvígir en um 27 prósent hlynntir.

Þá er einnig munur á skoðunum fólks eftir því hvaða flokk það myndi kjósa til Alþingis. Sem dæmi eru kjósendur VG, Sósíalistaflokksins og Miðflokksins líklegir til að vera mjög andvígir og kjósendur Pírata og Samfylkingar líklegir til að vera hlynntir.

Könnunin var lögð fyrir Þjóðgátt Maskínu, sem er þjóðhópur fólks (e. panel) sem dreginn er með tilviljun úr Þjóðskrá, á netinu. Alls voru svarendur 1.002, en þeir eru alls staðar að af landinu og á aldrinum 18 ára og eldri. Könnunin fór fram dagana 25. febrúar til 3. mars 2026. Gögnin eru vigtuð samkvæmt Þjóðskrá og endurspegla því þjóðina með tilliti til kyns, aldurs, búsetu og menntunar.