Síðasta Heilsu­húsinu brátt lokað

Þetta kemur fram í Morgunblaðinu í dag. Þar segir Karen Ósk Gylfadóttir framkvæmdastjóri Lyfju að ákvörðunin um lokunina hafi ekki verið léttvæg.

Á síðustu árum hafi markaðurinn með lífrænar og hollari vörur breyst mikið, þær séu nú mun aðgengilegri í íslenskum dagvöruverslunum en áður. Aukin samkeppni hafi þyngt rekstur Heilsuhússins.

Rifjað er upp í Morgunblaðinu að Heilsuhúsið eigi sér fimmtíu ára sögu en fyrsta verslun þess var opnuð á Skólavörðustíg árið 1979 en Örn Svavarsson stofnaði fyrirtækið Heilsu sem rak verslunina árið 1973. Lyfja keypti síðar Heilsu árið 2005.

Þá voru reknar þrjár verslanir í Reykjavík og Kópavogi og bættust síðar við verslanir á Selfossi og Akureyri. Þeim verslunum var lokað árið 2022 og var verslunin í Kringlunni sú síðasta sem enn var opin.